ياقلب لاتنخدع لاكثرة اشطونك=دور رياض الفضى واتبع نسانيسه
حذراك لاتعز قومٍ مايعزونك= خلك حيادي واخذ عبره وتدريسه
لوشفت منهو تحب يصد من دونك=خله على صدته واقلع مراميسه
تعرف عنه لو نظرت زين بعيونك =يصد ويلد دامرته وساويسه
اهل الردى بالردى لازم يبيعونك= كلٍ على نيته ومخطط ابليسه
وفي مجلس الخير والله مايدانونك= كلن على مانوى يرسل جواسيسه
بالكذب والمدح زادو فيه يغرونك=والى طلبت الحقيقه صار تفليسه
لاتامن اليوم ناسن فيه يجفونك=تصبح وتمسي كذا بقلوب خسيسه
اليوم ثاثق من الرجال ويخونك=ويلبسك ثوب عكس الناس تلبيسه
يلعن سريرتك عند عداك بطعونك=ويحط بك شي ماهو صح تهويسه
لويقدر العفن حط السم بسنونك=وانته تظنه يشيل الخير في كيسه
ياصاحب المقلبه حاسب على هونك=اشهود ضبط الوقايع معك حريسه
ملايكه معك ماتعمل يشوفونك=تكتب وتقرا الرب الكون قديسه
الحمل ماهو بسيط تشيله متونك=عذاب طول الحياه وعيشه اتعيسه
والاخره دور اصحابك يفكونك=مايقبل العذر منك وفيك تدنيسه
احسن ترد الحقوق وتبني حصونك =قدامك القبر مابالقبر تونيسه
تنظر ترى ماعملته قبل في شونك =سجل على الادمي حتى هواجيسه
الامر ماهو بسيط وتقول يعفونك=عند الله الامر والاعمال تقييسه