سر ياقلم واكتب على بيض الاوراق=بأرسل معاذيري وكثر أشتياقي
بعطيه منهو للمعاريف ينساق=وان كان هو ماراح عنيت ساقي
يابو ريوف القلب هايم ومشتاق=ومن كثر شوقه فيه مثل الرواقي
أخذ الكتاب اللي بنيته على اق=بانيه له بالصدق ماهو نفاقي
تمشي من الدمام مع نور الاشراق=لديرة فيها لقلبي بواقي
هو راس مالي في حياتي هوالباق=لولاه قلي ياولد ويش باقي
راع الكرم والطيب للجود سباق=يومن كثر الطيب كله لباقي
عطه بيمين اللي له المجد عشاق=بعد السلام وبعد كثر العناقي
لبويه اللي كل ماقالوا أشتاق=قلت الضلوع العوج راحت حراقي
ياجعلني في صدتي ماني أبعاق=وان كان انا له عاق اصبح معاقي
جعل السحاب اللي من القبله أنساق=والله هو اللي امره بأنسياقي
ياخذ ثلاث اشهور والمزن دفاق=ويامر به الرحمن سيل(ن)حقاقي
يعم به سيله ذراره اليا انطاق= ويسقي مداهيله ويملى السواقي
مدام راسك حي يانور الاشفاق=ياعزوتي ياعزتي في فراقي
أضرب على الكايد وانااجيك خفاق=يهون لجلك كل شي امتراقي
وصلاه ربي عد مالاح براق=عد المزون وعد ماسال ساقي
على نبي مرسل(ن)كله أخلاق= وكل(ن)يقول انه بالاخلاق راقي

ياجعلني في صدتي ماني أبعاق=وان كان انا له عاق اصبح معاقي