يأمل قلبً فيه مثل السمايم = كنه تلفه حاميات الملاهيب
عيت تفارقه الهواجيس دايم = يلعبه الهاجوس مثل اللعابيب
كني على طاش أبحر النيل عايب = من كثر ماتخطي هقاويه وتصيب
أسهج وأبى المرقاد وأفز قايم = فزة وحوشاً من علو المراقيب
أصارع الدنيا وأخاف اللوايم = وهيه تصارعني على الخبث والطيب
يازياد ماني رايحن للعزايم = كود لعزيمة عيد وألا تراحيب
إن كانها لضيوف ولا تمايم = أن ماحسب لي فالسرى احسلي أغيب
ويلاه ياوقت مضى ليت دايم = من الحصانه للجياسر هل الطيب
عبيد أبو صالح على الطيب دايم = وصالح ليا حزت علانا المطاليب
ودناهم أبو عيد جزل العزايم = واسطهم الدوفي طلق قاعة الذيب
يابن دغيم خالفتنا الوهايم = قامت تقلبنا المقادير تقليب
ياكاسب البيضاء جديد وقدايم = يشهد لك الي يعلم السر والغيب
وبطاح هو ودعيج لزم اللزايم = رد السلام الهم سلامً بترتيب

يازياد ماني رايحن للعزايم = كود لعزيمة عيد وألا تراحيب
إن كانها لضيوف ولا تمايم = أن ماحسب لي فالسرى احسلي أغيب