والله مأروح الواحدن ما يجيني=من صد عني يا أهل العرف ينعاف
ورزقي على رب البرايا يقيني=والعمر لو قالوا!! مرده للأتلاف
وعزي لنفسي عن مقامٍ مهيني=أخير عندي من ملايين وآلاف
وأخير لي من صحبة الحاسديني=اللي عداوتهم تبين وتنشاف
اليا حصل لي رفقة الطيبيني=أخير من رفقة مهينٍ وحلاف
وقلبي يحب مجالس الغانميني=ورجلي لهم لوهم بعيدين ميهاف
نطاحة الواجب وسود العريني=حلالة المشكل كريمين الأوصاف
اللي بهم شيمه ودنياً وديني=ولهم بعد في حزة الضيق ميقاف
ما طاوعوا بأرياهم التايهيني=تراكت الواجب عريضين الأكتاف
ولا يسمعون من أمهات الجنيني=اللي عوايدهن يحنن الأكفاف
اللي اليا قالن خطرهن يبيني=على الرجال اللي عزايمهم أضعاف
ضعوف الرجال العصبه الخايبيني=عزي لمن رايه تبع سمر الأغداف
من المره رايه ليا الجاهليني=وليا نصحته قال ما عندي أخلاف
ليته نشد عن سيرة الأوليني=وإلا مع أهل العلم يوجد وينشاف
وإلا سمع شعارنا السابقيني=اللي مثايلهم تركز على أهداف
لكن يلعب به بليس اللعيني=ويحرّفه حيثه سريعٍ للأحراف
يدربه على شمال ويميني=وقدم ورا يتلي طوابيرٍ أرداف
لكن قايد جمعة الغاليني=يبي يخليهم اليا شاف ما عاف
جمعة أبليس العصبه الجاحديني=من حيث قايدهم جبانٍ وخواف
وصلوا على صفوة قريش الأميني=عداد من صلى ومن حج وأطاف

المشاركة الأصلية كتبت بواسطة مايهاب (المشاركة 34471) بيض الله وجهك....يابن مصاول ...على النقل الرائع..... ورحم الله الشاعر.......واسكنه فسيح جنانه.. مايهاب........

المشاركة الأصلية كتبت بواسطة عادل الشلاحي (المشاركة 34474) وعزي لنفسي عن مقامٍ مهينـي أخير عندي مـن ملاييـن وآلاف وأخير لي من صحبة الحاسدينـي اللي عداوتهـم تبيـن وتنشـاف رحمه الله بواسع رحمته شاعر كبير وعلم من أعلام الشعر يعطيك العافيه أبن مصاول

المشاركة الأصلية كتبت بواسطة شليان الشلاحي (المشاركة 34724) يعطيك العافيه يابن مصااول ولم تقصر يومن من الايام لله درّك