يامل قلبن معاليقه يتلنه = تل الدلي من غزير الجم ممليه
من عوهجن وردها في حامي الكنه=جيلانها من احبال الورد مبريه
علي ديارن علاها القلب له حنه =حن الرعد في مزون الوسم عصريه
دارن من الوسم صارت كنها جنه =سالت وسالت وفوق السيل ماليه
مدهال ربعن تخلط الهيل والبنه =الاد ميزان مزبان الجلاويه
ماجاتنا منحتن ولا بها منه=الا بزرق الرماح وبالهناديه
عنها المعادي ليا قبل يختلف ضنه = ولا نفيناه في دارن خلاويه
يوم ابن مدلج وطبل الحرب له دنه=ضلعانها من شيوخ القوم ماريه
ومحسن وفيصل وخو شرعا ينادنه=وشامان بن مذوخ اللي يحتم الهيه
وعتيق وابن الهضاع اللي يعشقنه =سقم العداء يوم جا كون السحاميه
واد الرمه والجرير الوضح يرعنه=في ضلهم ما طمعوا فيها الحراميه
وصلاة ربي على اللي نتبعه سنه=محمد اللي نهض دين الحنيفيه

الشاعرجساس بن فارس الميزاني

يوم ابن مدلج وطبل الحرب له دنـه=ضلعانها من شيوخ القـوم ماريـه
ومحسن وفيصل وخو شرعا ينادنه=وشامان بن مذوخ اللي يحتم الهيه
وعتيق وابن الهضاع اللي يعشقنـه=سقم العداء يوم جا كون السحاميـه