بسم الله الرحمن الرحيم

المعايدة للجميع
كل عام وانتم بخير

ياخوي خل العمر مالك شغل فيه=ديني ودين اللي يدقق بالاعمار
تاريخ ميلادي من الهم ناسيه=وشيب الشعر ياخوك من دمي الحار
المسئله حقل استماره تعبيه=حط الشهر واليوم والباقي اصفار
اللي سواتي واجب انك تراعيه=اللي قطع مثلي من العمر مشوار
مش الوضع وان كان تقدر تمشيه=ان كان لي عندك معزه ومقدار
وان كان مالك يافهد حيلة فيه=ابنسحب وانت اعتبر شي ماصار
وترا طلبي متنازلٍ عنه مابيه=ولاعاد ابى اللازم عسى بوه للنار
العمر ذا سرٍ عن الناس مخفيه=واظن مابه شخص ماعنده اسرار
تكفا دخيلك يافهد لاتطريه=لا؟تنطقه مره كذا . سر واجهار
اذكرزمان اول عسى الله يسقيه=كنا بزهور العمر واعمارنا صغار
مسكاننا روضٍ تزاها مفاليه=يوم ان(ابو مقبل.عويض)لنا جار
لا صار لك جارك بعيدة هقاويه =من الرجال اللي بيعدين الانظار
احرص عليه ودّور اللي يحاليه=تر الزمن ماكر وخاين وغدار
كنا بدو في نجد نرعى مراعيه=وزان الربيع وزادت الارض مخضار
واخضر ضلعه وانحدر سيل واديه=والارض صارت حولناعشب وانهار
ياما حلا ريح النفل في فيافيه=لاتمايلت وتفحت خضر الاشجار
موسم ربيع وجار الله حاليه=يوم الرجال الها مقاييس وعيار
يضحك حجاجه لاتعنيت ناصيه=بعيد والا؟لافيٍ من هل الدار
اطيب حلاله للطراقي يبديه=ويشوفها في واجب الضيف معذار
ياالله عسى ربي من النار ينجيه=في وقفةٍ فيها يزوغن الابصار
وعساه فالجنة تخلد مواطيه=فضيافة الرحمن عللام الاقدار
كلن رحل عنا وله عين ترجيه=ودنياك هاذي كلها اقبال وادبار
يوم يتلاقى كل غالٍ بغاليه=جعل الذي يغليه من ضمن الابرار
السوق قالو؟يمدحه من رغب فيه=وانا رغبت بسوق وافين الاشبار
لاشك جارٍ لاتذكرت ماضيه=يحمل صفاةٍ رجّحت كل معيار
الجار ورعة قبل ورعة يبديه=ويعامل صغار العرب كنها كبار
حي الرفيق اللي رفيقه يداريه=ويوقف معه بالمال والجاه والشار
ماكل رجالٍ بطيبه تجاريه=ولو لا؟اختلاف الراي بارن الاسعار
مير ان بغيت العمر يافهيد دوكيه=ومسموح لو حتى تذيعه بالاخبار
انجيت اعاند كل من قال عطنيه= ياظن بالي كان حظرت فـ.اشهار
الكبر دربٍ كل مخلوق ماشيه= وامة محمد كلها اعمارها قصار

المشاركة الأصلية كتبت بواسطة ملكة القوافي (المشاركة 371246) الله على الإبداع صح لسانك اخوي عبدالرحمن العقيلي قصيدة جزلة ومميزة الف شكر لك على طرحها ودمت ودام إبداعك

المشاركة الأصلية كتبت بواسطة كل المواعيد وهم (المشاركة 371262) صح لسانك أخوي عبدالرحمن العقيلي ع القصيدة الرائعه

المشاركة الأصلية كتبت بواسطة مواعيـ سراب ـدك (المشاركة 371265) صح لسانك وبيض الله وجهك على هالابيات الطيبه ويعطيك الف عافيه

المشاركة الأصلية كتبت بواسطة ساكب الحرف (المشاركة 371341) السوق قالو؟يمدحه من رغب فيـه ** وانا رغبت بسوق وافين الاشبـار صح لسانك قصيده جزله وذات معاني جمبله دمت بخير

صح وبدنك شهادتك

تقبل تحياتي

الله الله صح لسانك مدد بلا عدد

أبيات جزلة وجميلة .. ولا هي غريبة منك ..


الله يعطيك العافية ..



تقبل مروري ومعه خالص التقدير والأحترام

المشاركة الأصلية كتبت بواسطة نزف المشاعر (المشاركة 373205) الله الله صح لسانك مدد بلا عدد أبيات جزلة وجميلة .. ولا هي غريبة منك .. الله يعطيك العافية .. تقبل مروري ومعه خالص التقدير والأحترام

المشاركة الأصلية كتبت بواسطة أبن مصاول (المشاركة 377392) صح لسانك يا ابو حمد وقصيدة كلها جزالة وقوة في المعاني والصور سافرت بنا مع قصة العمر وإخفائه والشيب والوانه التي طافت برؤسنا وهي كما قلت من الدم الحار .. ثم سافرت بنا في الربيع والمخضار والجار الطيب ...دائماً مبدع ولم نجاوز الحقيقة عندما اطلقت عليك منتديات الموازين (شاعر المعلقات) لأن الأبيات لا تعصاك وتطيعك دائماً ومن الممكن ان تكمل 100 بيت بطريقة سلسة وسهلة ولا تضعف أبياتك ...تقول: السوق قالو؟يمدحه من رغب فيـه وقالوا: السوق قالو؟يمدحه من ربح فيـه صح لسانك ولا هنت على هذه الجزله