يالي ركبت الجيب والناس ممسين = وسريت مسرا والعرب ما درو به

يامرحبا يابن الرجال الميامين = وربعك ليا جاهم قحم رحبوا به

اقلط على سمن وسمينه مع اهلين= ترحيبة(ن) للطيبين محسوبه

وليا بغيت العلم يابن الكريمين = العلم بيّن والرجال هرجو به

الطير راحت موضته جاله سنين = والناس في هذا الزمن ماعتنوا به

والا زمان(ن)فات يوم البلد زين = كم مرةٍ خطو العيال قنصو به

يعشي الجيعان ويخلص الدين =وينومس الي فالبراري مشو به

والصيد واجد والنشاما كثيرين = وليا بغو مقناصهم علقو به

جوٍ خضر مافيه غير الشياهين= واهل المعز والضان ما دوجو به

والا بهذا الوقت وينك وهو وين = يامسند الزحزوح والله عجوبه

اهل الحرار الشقر صارو حزينين = وطيورهم مابين طوبه وطوبه

يجيك من كثر الطفش خاطره شين = وطيره مبرقع مايميز دروبه

يعطيه بالوجبه حمامات ثنتين = ياكل ويشبع لين كبرت ذروبه

لكن يالزحزوح بيعه بقرشين = خله يروح وسمح الله دروبه

عليك بالوضح النياق المزايين = اخير من طيرٍ غدا لك عقوبه

ربــــّع بهن من روس ابانات ويمين= وادي الرمه كل النشاما رعــو به

وارتاح معهن ياطليق الحجاجين = والعمر فاني والليال محسوبه

وليا بغيت تمــرّ وتكحل العين = على الرياض تمـــرّ نوبه ونوبه

وترتاح وتريح مع الربع يومين = والمسلم العاقل يكفّــر ذنوبه

وسيّر على ملفي وسيّر لابو حسين= واسمع سوالفهم وما سولفو به

والي على نفسه مقصر ومسكين= اهل الشقاء في مالهم ماهتنو به

والله يسمح دربكم قولو آمين = وهذا كلامي ياعرب واعملو به

المشاركة الأصلية كتبت بواسطة ابن مشدد (المشاركة 217621) صح لسانك وعتلا شانك يابو عيسى ودائماً مجاراتك جميله

المشاركة الأصلية كتبت بواسطة عز الخوي (المشاركة 217622) صح لسانك ابوعيسى وبيض الله وجهك على المجاراه

المشاركة الأصلية كتبت بواسطة ملفي الميزاني (المشاركة 217628) صح لسانك وبيض الله وجهك,, اشهد بالله انك كفيت ووفيت لكن الزحزوح تركه الطير ماهي معجبته واتوقع ان المساجله بطول هههههههههههههه (يالله حط حيلهم بينهم) وللمعلوميه ابوحسين الاتصال عنده عطلان وماشاف قصيده الزحزوح واتمنى انه ماينصح ابونافع عن الطير عشان(حيلهم يصير بينهم)صدق ابن غلاب صح لسانك ملايين وببض الله وجهك ولاهي غريبه عليك الجزاله تحياتي وتقديري لك

المشاركة الأصلية كتبت بواسطة لفاالميزاني (المشاركة 217665) صح لسانك وبيض الله وجهك شاعر جزيل ونصيحتك طيبه ولاكن تعرف الزحزوح من عشاق الطير ولايمكن يتركه ولك مني جزيل الشكر

المشاركة الأصلية كتبت بواسطة عــزيـز النفــس (المشاركة 217678) صح لسانك أبو عيسى

المشاركة الأصلية كتبت بواسطة أبو راكان (المشاركة 217696) صح لسانك يابو عيسى

المشاركة الأصلية كتبت بواسطة الطويل (المشاركة 217871) صح السانك يابو عيسى جزل ولا يجي منك الا الجزل ..

المشاركة الأصلية كتبت بواسطة بناخي الزحزوح (المشاركة 217893) الله اكبر الله اكبر يابن غلاب صح لسانك ملايين ولاكن الزحزوح لهو عوده اذا مااقتنع بكلامك تقبل مروري يالقرم

المشاركة الأصلية كتبت بواسطة أبن مدلج1 (المشاركة 217896) صح لسانك يا ابو عيسى قصيده جزله من رجل جزل واشهد بالله انك مليتها عدل فلقد ضاق المجال على اهل الولع وتعكر مزاجهم من هذا الوقت الذي لايجد فيه ما كان يجده بلأول من صيد وخوة نشاما فلقد قل الصيد وطوقت الأرض بالمحميات والمشاريع الكبيره التي اغلقت الطريق عن مكانات كنا نرتادها في الماضي مع شح في نبت الأرض وقلة في الصيد وترك الكثير هذه الهوايه الأصيله وتجهوا لجمع المال والتطاول بالبنيان وما نقول إلا الله يعين الصابرين .

المشاركة الأصلية كتبت بواسطة عزيز بن بديد (المشاركة 217897) صح لسانك يا بو عيسى وقصيدة جزله وجميله وتقبل تحياتى

المشاركة الأصلية كتبت بواسطة أبن مدلج1 http://www.almouazeen.com/almouazeen...s/viewpost.gif صح لسانك يا ابو عيسى قصيده جزله من رجل جزل واشهد بالله انك مليتها عدل فلقد ضاق المجال على اهل الولع وتعكر مزاجهم من هذا الوقت الذي لايجد فيه ما كان يجده بلأول من صيد وخوة نشاما فلقد قل الصيد وطوقت الأرض بالمحميات والمشاريع الكبيره التي اغلقت الطريق عن مكانات كنا نرتادها في الماضي مع شح في نبت الأرض وقلة في الصيد وترك الكثير هذه الهوايه الأصيله وتجهوا لجمع المال والتطاول بالبنيان وما نقول إلا الله يعين الصابرين .