ولد الشيخ ناصر بن خالد بن عايض بن مدلج سنة 1370هـ في بلدة صعينين قبل وفاة الملك عبد العزيز بثلاث سنوات. تعلم أمور الحياة والحكمة من والده. غادر بلدته متوجهاً إلى دولة الكويت عام 1386هـ وعمره آنذاك 16 سنة فقط إلى خاله الشيخ شارع بن عوض بن مدلج حيث كان الشيخ شارع موظفاً في الجيش الكويتي في تلك الفترة. وكان سبب مغادرة الشيخ ناصر طلباً للمعيشة ومن خلال خاله الشيخ شارع التحق بالعمل بالجيش الكويتي في ذلك العام. وتزوج في عام 1390هـ من بنت الشيخ فايز بن عجل ابن مدلج. وعاش معها في الكويت إلى عام 1395هـ والتي عاد بعد ذلك إلى السعودية لمساعدة والده في تسيير أمور القبيلة. وفي عام 1403هـ تقريباً انتقل إلى محافظة عنيزة للاستقرار بها حيث حكمتهم ظروف المعيشة والتعليم .
وفي عام 1406هـ تزوج من ام خالد بنت الشيخ غازي الهويل المشدق من قبيلة عتيبه.

سلمولي على ناصر وقولوله=بيض الله وجهه أعتق مطاري
أعتقه بسلوم الإسلام ووصوله=اعتقه بالطيب ما قالوا جباري
يوم شان الوقت وازدادت حموله=قال هاذي حملةٍ ما لها غاري
اشهد إنه الشيخ والناس أقروله=يا عسى جسمه يحرم على الناري
واحدٍ نفسه على العز مبذوله=ما يهمه لو ضرب كل الأخطاري
يا بدر يا جعل ما يختفي زوله=واحدٍ ينصي المهمات ويماري
ابن مدلج كلنا نعرف أفعوله=في نهاراً جالها عج واغباري

بديت بأسم اللي رفع سبع الأدوار =وعما سواه ألوذ به وأستجيره
الشعر له في داخل الصدر مضمار=وألا لفانا لازمه نستثيره
والجار له حق كبير على الجار =ولا خير في رجلٍ يخلي قصيره
في حفل أبن مدلج نبي نسوق الأشعار=حقه علينا يزود عن حق غيره
يا مرحباً في لابتي سر و أجهار=واللي حضر معهم من أية عشيرة
ترحيب أحلى من لبن حرش الأزوار =اللي لبنها للنشامى بريرة
بضيافت اللي له معزه ومقدار=شيخ شهير ومن شيوخ شهيره
نطاحة الجمع المعادي إليا ثار=إليا قابل الخصم العنيد لنظيره
إليا ردد مدلج على الجيش ومهار =عدوهم دارت عليه الكسيرة
ومن روس حمران النواظر هل الكار =أهل الفعول المعجزات الكبيرة
أللي لهم بالغرب صولات وأذكار =وتذكر حرا يبهم بشرق الجزيرة
حنا ترانا كل دار لنا دار =أجموعنا تاطا على كل ديرة
زرنا الجنوب وجا لنا يمه أخبار =بقيادة الدوشان شيوخ الجريرة
تسعين ليله ما طفى واهج النار =لين أرغمو عدوانهم بالذخيرة
وبأقصى العراق يصبح القوم مسمار =وصاهود يم الشام قاد المغيره
وشيخ العبادل يم عمان كد غار=أخذ ثلاث أشهور حروه مسيره
أسقى هل الأردن قرا طيع الأمرار =يسولف بها العود الكبير لصغيره
مطير منها تشتكي كل الأقطار=أسيوف نجد المرهفات الشطيره
لين أستوى في عرشها واف الأشبار=أللي مجيه فيه مليون خيرة
عبد العزيز اللي طفت منه الأشرار =سيف تلظى ما سكن في جفيره
وصلوا على خير البشر سيد الإبراد =اللي شرح الأدمي عن مصيره

يا بو بدر هاجسي غنا بعد هذيه =وجواً مهيا وفيه النفس مهتاضه
قاد السفينة شجاع يحتمي الهيه =مشى على درب شيخ ممتلي حاضه
ذخاير اللي لهم بالطيب مثنيه =خالد وعايض يعشي الذيب مركاضه
يومنها بالرماح والسهاويه =كم شيخ قوم ترك عده ومقياضه
بفعولهم تشهد الحمة وعكليه =جبال نجد الرواسي وضلع عواضه

ياهاجسي حضر من الفكر تعبير=طالبك حضرلي بيـوتٍ جزيلـه
اباامدح الي له معـزه وتقديـر=الي نعده مـن رمـوز القبيلـه
ناصر ولد خالد زبون المخاسير=ليا ثقل حمـل الليالـي يشيلـه
شيخ ٍ ولد شيخٍ يقود الطوابيـر=يوم الليالي بين عدلـه وميلـه
جده وابوه اهل السيوف البواتير=عيال فاضي متعبيـن الاصيلـه
مامثلهم وقت اللقـا والمقاديـر=شيوخنا الي كاسبيـن الجميلـه
وقفاتهم بالطيب تفرق عن الغير=وشبورهم يوم الملاقـا طويلـه
من طيبهم قادو جموع الطوابير=وشداد بن مدلج براس الطويلـه
يوم الصباح ويوم وقت المظاهير=انتـم لنـا درعٍ يـذري نزيلـه
واليوم عم الامن والناس في خير=وانتم سوات الحصن يسلم دخيله
الطيب ماجاكم بجمـع الدنانيـر=واهل الفضائل ما عطوكم فضيله
شئٍ مورث من جـدودٍ مناعيـر=ووقفاتكم بالطيب ماهـي قليلـه
واليوم يابو بدر ياشيخ يااميـر=يالي على ربعك سوات المخيلـه
مالك وجاهك بالليال المعاسيـر=تسوقهن لـو المسافـه طويلـه
عز الله انك شيخ مانته معيثيـر=وعز الله انك عز مـن تنتميلـه
عساك تسلم من سهوم المقادير=تعيش ياراع الفعـول الجزيلـه
والطيب لو يهرج يناديك يااميـر=يقول ابن مدلج ولا ابغـا بديلـه
الي فتح بابه للأجنـاب ومطيـر=ومن ضدته سود الليالي يجيلـه
ناصر ولد خالد وهو ناصر الخير=في ذمتي هذا اللقب يستوي لـه
وختامها منـي تحيـه وتقديـر=للي كسب كل الصفات الفضيلـه

بيض الله وجهك يابوياسر على هذا الموضوع والقصائد الرائعه في شيخ من شيوخ الموازين

ويستاهل ابو بدر هذا الموضوع وقصائد المدح فهو سند لكل ميزاني الله يحفظه ويطول في

عمره .

يستاهل ابو بدر ماقيل فيه وأكثر فهو رجل عن ألف رجل في مقامه

ولكن اخي الرحال أرى أن التنسيق لم يكن موفقا وخصوصا كبر الخط وتنسيق القصايد

يحتاج الى إعادة

أتمنى من مشرف القسم النظر في ذلك

بارك الله فيك اخي أبا ياسر وفي اختيارك لهذا العلم من أعلام مطير وليس الموازين فحسب

مشكور اخوي على الطرح الذي كنت انضره من زمن في حق الشيخ ناصر بن خالد

وقد لمسنا مشاركته لابناء القبيله بانفسنا في اعتاق رقبة ياسر

وجهوده الجباره التي لايكفيه الشكر منا مهما شكرنا

بيض الله وجهه واطال الله في عمره هذي الشيوخ والا فلا

وبيض الله وجهك على الطرح