ياشعر مقدارك على الرأس والعين=قدرك على راسي سوات العقالي
حيثك معودنا على الماقف الزين=فعلٍ يشرفنا بكل أحتفالي
واليوم لاجينا بحفل الموازين=اللي لهم يرخص صعيبٍ وغالي
لازم تجيب الجزل بالغصب واللين=عجل وسقها مثل سوق الجمالي
امدح ذوي ميزان سقم المعادين=ربعاً لهم قدراً مع الناس عالي
يوم انها بالفعل وسط الميادين=افعالهم تعرف نهار القتالي
أهل الرماح اللي تفج الشرايين=من ناشته يبقى من العقل خالي
اليا أعتزوا بالآد عون المسمين=فوق المهار اللي تحفر الرمالي
ياقشر حظ اللي بغاهم وياشين=يمسي عشا للذيب وسط السهالي
افعالهم تنقش ذهب في الدواوين=تبقى على مر الزمن ماتزالي
وأنا من الحرصان فعل وبراهين=افعالنا ترقى لحد الخيالي
قومٍ على فعل المواجيب حرصين=ملازمين الطيب مثل الظلالي
صدورنا للضيف درة بساتين=من دون حقة ماحسبنا الريالي
على سلوم اجدودنا دوم وافين=واللنا على لطم المعادي مجالي
وكل القبايل نعم قاصي ودانين=والكامل الله لاذكرنا الكمالي
أخوان في حكم السعود متساوين=في حكم عبدالله وحكمة مثالي
ومبروك يانايف زعيم السلاطين=تستاهل المنصب ياقرم العيالي
رشحت لنك كفو بالماقف تبين=وتشيل حملٍ ماتشيله جبالي
شيخاً ولد شيخاً وشيخة من سنين=كسبتها بالفعل ماضي وتالي
ورثٍ لجدانك توفوا وباقين=يشهد بها التاريخ في كل حالي
ويامرحبا ترحيب مسك ورياحين=مني نيابة عن كرام السبالي
ترحيبا أغلى من جميع الملايين=بالجنبي واللي عنا والموالي
يامرحبا على صحون البعارين=وعلى الشحم والبن وسط الدلالي
والعود الازرق لون الجو تلوين=عند الرجال مكملين الفعالي
وياشعر ماقصرت قدرك على العين=قدرك على راسي سوات العقالي

المشاركة الأصلية كتبت بواسطة فهد الشمال (المشاركة 481369) قصيدة للشاعر / غنيمان الحريص القيت في حفل ال شافي من الموازين في محافظة المجمعة في الحفل الذي أقيم تكريما للشيخ / نايف بن بركة بن مدلج بمناسبة تعيينة رئيساً لمركز الريشية ياشعر مقدارك على الرأس والعين=قدرك على راسي سوات العقالي حيثك معودنا على الماقف الزين=فعلٍ يشرفنا بكل أحتفالي واليوم لاجينا بحفل الموازين=اللي لهم يرخص صعيبٍ وغالي لازم تجيب الجزل بالغصب واللين=عجل وسقها مثل سوق الجمالي امدح ذوي ميزان سقم المعادين=ربعاً لهم قدراً مع الناس عالي يوم انها بالفعل وسط الميادين=افعالهم تعرف نهار القتالي أهل الرماح اللي تفج الشرايين=من ناشته يبقى من العقل خالي اليا أعتزوا بالآد عون المسمين=فوق المهار اللي تحفر الرمالي ياقشر حظ اللي بغاهم وياشين=يمسي عشا للذيب وسط السهالي افعالهم تنقش ذهب في الدواوين=تبقى على مر الزمن ماتزالي وأنا من الحرصان فعل وبراهين=افعالنا ترقى لحد الخيالي قومٍ على فعل المواجيب حرصين=ملازمين الطيب مثل الظلالي صدورنا للضيف درة بساتين=من دون حقة ماحسبنا الريالي على سلوم اجدودنا دوم وافين=واللنا على لطم المعادي مجالي وكل القبايل نعم قاصي ودانين=والكامل الله لاذكرنا الكمالي أخوان في حكم السعود متساوين=في حكم عبدالله وحكمة مثالي ومبروك يانايف زعيم السلاطين=تستاهل المنصب ياقرم العيالي رشحت لنك كفو بالماقف تبين=وتشيل حملٍ ماتشيله جبالي شيخاً ولد شيخاً وشيخة من سنين=كسبتها بالفعل ماضي وتالي ورثٍ لجدانك توفوا وباقين=يشهد بها التاريخ في كل حالي ويامرحبا ترحيب مسك ورياحين=مني نيابة عن كرام السبالي ترحيبا أغلى من جميع الملايين=بالجنبي واللي عنا والموالي يامرحبا على صحون البعارين=وعلى الشحم والبن وسط الدلالي والعود الازرق لون الجو تلوين=عند الرجال مكملين الفعالي وياشعر ماقصرت قدرك على العين=قدرك على راسي سوات العقالي

المشاركة الأصلية كتبت بواسطة أبن مصاول (المشاركة 481370) قصيدة أكثر من جزلة ونعم في الآد عون من موازين وحرصان وغيرهم وبكل مطير والقبائل العربية الأصيله وصح لسان الشاعر غنيمان الحريص وشكراً أخي فهد الشمال على النقل الجميل

المشاركة الأصلية كتبت بواسطة ابن الشاعر (المشاركة 481397) صح لسان الشاعر / غنيمان الحريص وبيض الله وجهه على هالقصيده الجزله ويستاهلون الموازين المدح قصيده شامخه ولا يلام العوني في مدح بني عمه ولاهنت اخوي فهد الشمال على نقلك الرائع لهذه القصيده .

صح لسانه على القصيده

المشاركة الأصلية كتبت بواسطة خاطري حساس (المشاركة 481403) قصيدة رائعة سلمت اناملك