قالو تهوجس قلت كلي هواجيس=يلعبي الهوجاس في كل ساعه
اغيب غيبة مبعدين المراميس=غيبة فكر ماهي بغيبة قطاعه
تسرح بي الافكار ماهي كوابيس=ومما يدور الراس زايد اصداعه
مومن بربي وتعوذ من ابليس=وعندي علا مايكتب الله قناعه
ماني مهوجس في علوم(ن)دنافيس=يومن بعض الناس فكره ضياعه
انا هواجيسي بحب النواميس=اللي لها كلآ يشمر ذراعه
ثلاث فيها افكار عقلي محابيس=الدين ويمين الكرم والشجاعه
هاذي عليها يدرس الورع تدريس=تطبع بقلبه من صغرته اطباعه
يكبر ومعها يكرس الجهد تكريس=ويحبها حب البدو لطماعه
وعزي لقوم (ن )من حداهن مفاليس=معاد فيهم يشهدالله شفاعه
شابت لحاهم معرفوا قصة اغليس=ماهمهم كود الحسد والقطاعه
ويحسين لايدخلك بعض الوساويس=نقص الرجوله نفس نقص المناعه
اطلع مطاليع الحرار القرانيس=حرآ تنومس هدته واندفاعه
من دون حقك خل جيشك كراديس=ميزان حق ولايجيك انهزاعه
وحذر مرافقة الضعوف الجواسيس=لوا قاطعوك اعيال عم وجماعه
والبيت مايبنا على غير تاسيس=لصار ماسيس بسيط انقلاعه
خل الخشونه عندك اعلا المقاييس=تراك في وقت الترف والمياعه
رجال فعله يرفعه فوق تقديس= ورجال ينزل تحت ماطا كراعه

لوا قاطعوك اعيال عـم وجماعـه
صح لسانك والله لك مني اجمل تقدير

ثلاث فيها فكـر عقلـي محابيـس ==الدين ويميـن الكـرم والشجاعـه

صح لسانك ابوحسين على القصيده الجزله وانشهد انك جامع الثلاث كلهاء

صح لسانك يابو حسين لو تكلمت عن القصيدة لن اوفيها حقها . القصيدة جزله وشاعرها جزل كما عودنا دائما بالجزل. ماقول غير مافيك حيله يابو حسين . الله يبيض وجهك مبدع بكل المقاييس الف شكر لك

المشاركة الأصلية كتبت بواسطة علي حميدان الدجيما (المشاركة 173675) قالو تهوجس قلت كلي هواجيس=يلعبي الهوجاس في كل ساعه اغيب غيبة مبعدين المراميس=غيبة فكر ماهي بغيبة قطاعه تسرح بي الافكار ماهي كوابيس=ومما يدور الراس زايد اصداعه مومن بربي وتعوذ من ابليس=وعندي علا مايكتب الله قناعه ماني مهوجس في علوم(ن)دنافيس=يومن بعض الناس فكره ضياعه انا هواجيسي بحب النواميس=اللي لها كلآ يشمر ذراعه ثلاث فيها افكار عقلي محابيس=الدين ويمين الكرم والشجاعه هاذي عليها يدرس الورع تدريس=تطبع بقلبه من صغرته اطباعه يكبر ومعها يكرس الجهد تكريس=ويحبها حب البدو لطماعه وعزي لقوم (ن )من حداهن مفاليس=معاد فيهم يشهدالله شفاعه شابت لحاهم معرفوا قصة اغليس=ماهمهم كود الحسد والقطاعه ويحسين لايدخلك بعض الوساويس=نقص الرجوله نفس نقص المناعه اطلع مطاليع الحرار القرانيس=حرآ تنومس هدته واندفاعه من دون حقك خل جيشك كراديس=ميزان حق ولايجيك انهزاعه وحذر مرافقة الضعوف الجواسيس=لوا قاطعوك اعيال عم وجماعه والبيت مايبنا على غير تاسيس=لصار ماسيس بسيط انقلاعه خل الخشونه عندك اعلا المقاييس=تراك في وقت الترف والمياعه رجال فعله يرفعه فوق تقديس= ورجال ينزل تحت ماطا كراعه