ابدي بذكر الله رب السموات=ياعالم في سر عبده وسده
يامنجين ذالنون من هالظلومات=ظلمة بحر والليل ظلماه شده
انجاه ربه من فم الحوت مامات=ونبت عليه الشجره الي توده
شاعر ولي وقفه وللناس وقفات=ومن لايجمل موقفه لايعده
من هاجس يبدع طواريق وبيات=ويختار من شرد المعاني مرده
يختار من شعره جزيل العبارات=ويارد حياض الشعر بيره وعده
سلام ياشيخ رقى للطويلات=يارث فخر لاعد فصله وجده
ابوه زيزوم يقود السريات=لاحان ذكر الفعل فعله نعده
محمد الي له مع الناس طالات=لاجاله اللازم يقوم ويسده
شيخ لعبدالله رقى فالسروات=بالفعل يوم السيف بين محده
ومحسن ونذكرله فعول جميلات=بالموس يومنه قطع نص كبده
فعل(ن)يدون في عقول الخواجات=في ديرت(ن)ماله عن الحق صده
وحناء ذوي ميزان لاجات قالات=حديدناء بالعرف دايم نحده
جيناء نبارك بالفرح والمسرات=بالعاشره ياجعل ماهيب حده
صلو على محمد نبي الرسالات=اعداد موج البحر جزره ومده
واعدادناس كبرت للصلوات=وعداد من سبح لربه وعده