|
اهدا الى موقع الموازين
يامنتدى الشعر والشعار والقمه ××× ياموقعن للوناسه والونيسيني
من يوم جيته وانا في ذمتي ذمه ××× محس غير بسعاده يالموازيني من يوم شفت القلوب البيض ملتمه ××× اعضا وزوار وضيوف ومحبيني اخوكم علي حميدان الدجيما .. |
رد: اهدا الى موقع الموازين
أخوي علي حياك وصح لسانك ونحن سعيدين بتواجد امثالك بيننا ولا تنسانا من جديدك المتجدد
أخوك أبن مصاول |
رد: اهدا الى موقع الموازين
حياك الله يا ابن العم
|
رد: اهدا الى موقع الموازين
هلا والله ومرحبا بشاعرنا الجزل علي بن حميدان والله يحييك معنا هذي الساعه المباركه
|
رد: اهدا الى موقع الموازين
علي بن حميدان
والنعم.. وينك يارجل من زماااااااااااااااااااان على العموم حياك الله في منتدى ربعك الموازين ومنتظرين قصائدك التي بالاكيد رايح تكون جميله من شاعر معروف |
رد: اهدا الى موقع الموازين
يامرحبا يازبون الشعر ياعمه = يابن الرجال الشجيعين الكريميني من يوم شفناك معنا زادت الهمه = ياخالي الي بمنطوقه يسليني شعرك فخر وانت منزالك على القمه = من روس قوم يضدون المعاديني |
خيربدايه نختار هذه التوعضه
البارحه من بعد زان النوم فالثلث الاخير
جلست افكرفالليال الماضيه وعلومها مدري كسبنا شر ولاكسبنا فالوقت خير اقفت سين العمر والاجال يدني يومها والشيب بين فالذقنوالشيب لاباين نذير ان العمر مقفي ونفس العبد وش مقسومها هل اكسبت حسنات ولا كسبها شرشرير معاد يمدي لوم لوني بغيت اللومها خضعت للواقع ولدري ويش تحديد المصير لاكن احس النفس تو استيقضت من نومها والفرق مابه فرق مابين الغناوي والفقير ولافيه فرقن بين شجعان البشر ورخومها الفرق يطلع في نهارآ فيه يلزمك المسير عاري وكل الناس ماهي يم لبس اهدومها لشخصت الابصار والموقف هاك الساعه خطير من هولها الناس العرق ياصل لحد خشومها وقدام عينك يوضع الميزان ويقر القرير وتقول يالله هون الساعه وهون يومها وناضرت فالجنه يمين ومن يسارك زمهرير نارآ تلضى كيف تاتصبر على يحمومها يالله رضوانك وعفوك يامجيرالمستجير يعالمن غيب الليال وشرها وهمومها انا تحت رحمتك وانت اللي بمخلوقك بصير اغفرذنوبي يامعين الصايمين بصومها |
رد: اهدا الى موقع الموازين
اقتباس:
الله على شوفت الغالي ولو يسير ×××× بااخـذ علـومه وباعطيه المثيل |
رد: اهدا الى موقع الموازين
ايه هذا الكلام يابو حسين@@@@ طلع من الجعبه
عموما صح لسانك لكن لو وضعت هذه القصيده بعنوان مستقل يكون افضل تحياتي لك |
رد: اهدا الى موقع الموازين
اسعد الله مساك بكل خير يالبناخي والشاعر المميز ولاكن اعطونا فرصه لنتعلم على الجهاز نحن دوبنا فالبدايه
|
رد: اهدا الى موقع الموازين
اخوي علي حميدان الدجيما
http://www.almizany.info//uploads/im...431069be6d.gif واخوي ابن غلاب صح لساااااااانك تحيااااااااااتي لكمــــــــــــــــــــــــــــ،،،،،،،،،،، |
رد: اهدا الى موقع الموازين
تم نقل المشاركه في المداخله رقم 7 وفصلها عن الموضوع بموضوع متحد تحت هذا الرابط
http://www.almouazeen.com/showthread.php?p=82997 أبن مصاول |
رد: اهدا الى موقع الموازين
صح لسان الشاعر الرائع ويستاهلون اهل المنتدى
|
رد: اهدا الى موقع الموازين
شـكــ وبارك الله فيك ـــرا لك ... لك مني أجمل تحية .
وصح لسانك ونحن سعيدين بتواجد وحـــــــــــــــــيــــــــــــــاكـــ |
رد: اهدا الى موقع الموازين
السلام عليك ياأخ علي عندي سؤال إذا سمحت؟متى بديت بالشعر وهل أنت من عشاق النبط ولا المحاورة وهل لك منافسين بالشعر وشكراً
|
رد: اهدا الى موقع الموازين
وعليكم السلام ورحمة الله وبركته يابو طارق بالنسبه لبدايتي في الشعر قبل عشرين عام وحب اللونين النبط والمحاوره
ولاكني قليل الممارسه بالنسبه للمحاوره في مناسباتنا الخاصه ممكن فالسنه مره واما النبط حسب الخاطره وحسب المواقف وعلى العموم انا مقل فيها كلها واما سؤال المنافسه فأنا يابو طارق اذا كنت شاعر وعتبرت نفسي شاعر فأنا اكون اصغر شاعر فكيف انافس وانا من اقلهم شعر وان شاءالله نكون شعار حسب مايطلق علينا |
| الساعة الآن 03:29 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
