منتديات الموازين الرسميه - اربع دول مارجحت كفة امطير

منتديات الموازين الرسميه (http://www.almouazeen.com/index.php)

- ديوان الشاعر علي حميدان الدجيما (http://www.almouazeen.com/forumdisplay.php?f=104)

- - اربع دول مارجحت كفة امطير (http://www.almouazeen.com/showthread.php?t=12774)

اربع دول مارجحت كفة امطير

اليوم ابي ارجعكم ثلاث سنوات الى الورا وبالاخص مشاركة الشاعر تركي في شاعر المليون والذي خرج منه بشرف وحسب مايتضح لنا ان خروجه بفعل فاعل والله اعلم فأنا في اثنا مشاركة تركي سويت عدة قصائد اوابيات وايضآ بعد المشاركه وانا ابذكر لكم قصيدتين وهي بعد المشاركه القصيده الاولا عند خروج تركي من المسابقه قابلت احد الزملاءمن احد القبايل المنافسه لتركي وقال لي وين افعولكم يمطير وين رسايلكم انهزمتو وقلت هذه القصيده

افعولنا ماهي مجرد رسايل =اللي بعضها من الحسود مخصومه
يوم المشوك وشتعال الفتايل = من فعلنا محد(ن)تهنا بنومه
من حد بيشه لصداوي لحايل =كلن نطلنا جثته قبل يومه
افعولنا فالقوم ماهي قلايل = قدام حكم المملكه والحكومه
واليومه اضحك والعقال امتمايل = الحكي واجد واليدين محكومه
في ضل حكامآ تسو الهوايل =امنآ ومان وكل قوم مخدومه
وقطر مفازت كود برد الوسايل =لولا بن زايد من مطير امهزومه

اما القصيده الثانيه بعد خروج تركي من المسابقه كثركلام الحاقدين ضد تركي وقالو عنه الكثير حتى توصلو الى القصيد الذي شارك به وقالو انه ليسى شاعر والقصيد ماهوله فتركي يلعب المحاوره في دقيقه يجيب بيت اجزل من القصيده واقوا في لحضه وليسى مستغرب عليه القصيد الجزل والقصيد معه وقت يعدل فيه ولاهو اصعب من المحاوره واما الموضوع الذي طرحه الاخ نافع وهو قبيلة مطير نافسة دولة قطر فانا اقول قبيلة مطير نافسة اربع دول بشعبها وليسى قطر لوحده وكان تركي الى اللحضه الاخيره متقدم حسب معلومات موثوقه وصار فالوضع تلاعب وتمديد فالتصويت وحجب الاصوات عن تركي والله اعلم والدول اللي نافسة قبيلة امطير دولة البحرين اغلب الشعب وعلى راسهم الشيخ ناصربن حمد ودولت الامرات اغلب الشعب بقيادة الشيخ محمدبن زايد ودولت قطر شعبآ وحكومه والمملكه العربيه السعوديه قبيلة

تستاهل المليون يشاعر امطير =يالشاعر الموهوب واف الخصايل
سيد تسيد لك جميع الشواعير=مبدع تسوي فالخصوم الهوايل
من بحر جده لدواسر لخرخير =ومن راس تنوره لينبع لحايل
كونت لك يابو عطاالله جماهير = جمهورك اللي من جميع القبايل
واللي يذمك ماهو امعينن خير = ضالم ضلم نفسه وبالحيل عايل
لاكن لو ذموك وشعاد بيصير= الفضل لله مال غيره فضايل
مهمنا هرجن على غير تبرير= هرج الضعوف اللي تضيع القوايل
لومنت شاعر منت ضمن المشاهير = وهذا ترا ياتركي اكبر دلايل
مثلتنا واخذت فالشعر تقدير =ممتاز فالابداع والشك زايل
وحطيت في حلق المشكك مسامير = من البدايه وانت ضمن الاوايل
وحسبي على اللي غيروخطة السير =اللي تواصو بالحيل والتحايل
المغرضين الضالمين الهوامير = اللي على ابن فطيس هالوا رسايل
لينن حتا غيرو كل تقرير= سعو لها من شت كل الوسايل
اربع دول مارجحت كفة امطير = الا بسيف الضلم صار امتمايل