ياحسين عطني جهازي شانت اخلاقي =خله يفرج من اهمومن تضايقني
يروح همي بشوف المنتدى الراقي =وارتاح واضحك ولو الهم خانقني
انا لموقع ذوي ميزان مشتاقي = وياحسين تدري وش اللي فيه شوقني
ابن مصاول وراس الضلع والباقي = جميع الاعضاء بوسط العين صدقني
دايم غلاهم اكنه داخل اعماقي = واخاف زود الغلا ياحسين يحرقني
من اجلهم قمت ادور وسط الاوراقي=قصايدن من صغر سني ترافقني
والشعر له وقفتن يتعب لها ساقي =حتى بنومي طواريقه تلاحقني
قريحتي يم جزل الشعر تنساقي =وبنات فكري على نضمه تسابقني
ولاقول انا اللي مع الشعار عملاقي = الحكم للمستمع والله يوفقني
والناس وجهة نضرها حسب الاذواقي = وراع الحداثه وشعره مايوافقني
اللي مخالف عن الموروث ملاقي = اليا سمعته من اصحابه يزهقني
لعل بيني وبينه دايم افراقي = فرقاه ياحسين واصحابه تفارقني
لاشفتهم يكتبونه خاطري ضاقي = تقول كنك على وجهي تصفقني
ياناس حطو لموروث العرب واقي = ان ماحميتوه والله وحلقو دقني
ليروح فالوقت هذا نكبة اعراقي = ومن لايصدق لا بد انه مصدقني

سر ياقلم واكتب حروفٍ عتاقي=للي بطيب المعاني حيل طوقني
صغت المعاني وجبت القاف نطاقي=من صنع شاعر طواريقه بترهقني
وشفنا بيوتٍ سناها يبرق أبراقي=وحسن الصياغه عن المكسور فاهقني
وفي دار ميزان يحلى كل طراقي=والشاعر الجزل يطربني ويسرقني
وانا مع الشاعر البطران مشتاقي=وجزل المعاني من الشاعر تشوقني
وجيتك بحرفٍ يدور كل مالاقي=ولا الحداثه طواريها تزهقني
موروث جدك وجدي فيه ما فاقي=من الطروق الأصيله ما يشوقني
وفي ضعف الأشعار نضرب كل نعاقي=حتى ولو صفقوا له ما يوافقني
وعسى كلام الحداثه يشكي أملاقي=حتى أتخلص من همومٍ تأرقني
هذا كلامي وخابر عندك الباقي=والخاتمه مغفرة ربي وخالقني

المشاركة الأصلية كتبت بواسطة أبن مصاول (المشاركة 102375) وهذه مجاراة واعذرونا للأننا لسنا شعراء ولكننا نتذوق الشعر الجزل ونستمتع به سر ياقلم واكتب حروفٍ عتاقي=للي بطيب المعاني حيل طوقني صغت المعاني وجبت القاف نطاقي=من صنع شاعر طواريقه بترهقني وشفنا بيوتٍ سناها يبرق أبراقي=وحسن الصياغه عن المكسور فاهقني وفي دار ميزان يحلى كل طراقي=والشاعر الجزل يطربني ويسرقني وانا مع الشاعر البطران مشتاقي=وجزل المعاني من الشاعر تشوقني وجيتك بحرفٍ يدور كل مالاقي=ولا الحداثه طواريها تزهقني موروث جدك وجدي فيه ما فاقي=من الطروق الأصيله ما يشوقني وفي ضعف الأشعار نضرب كل نعاقي=حتى ولو صفقوا له ما يوافقني وعسى كلام الحداثه يشكي أملاقي=حتى أتخلص من همومٍ تأرقني هذا كلامي وخابر عندك الباقي=والخاتمه مغفرة ربي وخالقني أبن مصاول