على ساحة المعنى وهرجي عليه اشهود=ولاخير في الكلمـة اليـا زل صاحبهـا
يجود الجواد اليا عرف ويش معنى الجود=يجود الجـواد وهرجتـه مـن يعذربهـا
ويستصعب الصعبات من لايعرف الكـود=ويعاف الصعايب واحد مـا يمـر ابهـا
وانا ما علي اخلاف والصـادرات ورود=وميز طريقـي قبـل ماخطـي وانشبهـا
وسج القدم وكف رجلـي عـن المنقـود=ونفسـي تـروم الطايلـة قبـل ترقبهـا
على الله على الله ذعذعي ياهبوب النـود=مـدام المثايـل تـو هـبـت هبايبـهـا
يدور الفلك ولفلك بامر الولـي المعبـود=والا جواد ما تقصر ليـا حـان واجبهـا
وبا ابدى بذكرالله وسلم علـى الموجـود=سلام مـن اقصـاء خافق(ن)مايشحبهـا
لربعي هل الطولات لا حك عـودٍ عـود=وهيبة لحى اهل المعرفة مـن شواربهـا
لهم سلـم لامجـاد والمرجلـة ممـدود=منصات تـاج العـز حـازو مناصبهـا
موازين عـز وديـن فكاكـة المضهـود=ليـا حميـة القالـة وكبـرت مصايبهـا
تعلم ويا تيـك الخبـر والخبـر مـردود=تسولف به اصغار العرب قبـل شايبهـا
اسود تعلت فوق ومـع الاسـود اسـود=بياطر سطر بؤرة خطـر مـن يحاربهـا
لنا المجد والتاريخ من وقت ابونا العـود=إذا شطة البلـوى وطـأ فـوق غاربهـا
ومشينا على دربه الي يومنـا المشهـود=عسانا نموت وسكتـه مـا نحيـد ابهـا
ومادام اليالي فـرح ومناسبـه وسعـود=صفت عقب ما شانت وصفيت مشاربهـا
هلا ياهلا ولف(ن) هلا خيلـت برعـود=هاك المزنة الغـراء وهلـت سحايبهـا
وجينا الحفل اهل الكرم والوفاء المعهود=نـدور علـى رد الجمالـة الصاحبهـا
عسانا ليـا منـا غزينـا نجيـب الفـود=وعساني من الـي كلمتـه مـا يزلبهـا
لفينا لبو متعب علـى يومنـا الموعـود=عسى هقوتـةٍ فينـا هقـى مـا نخيبهـا
وجينا نحث اله الخطاء من جبـالٍ سـود=من ارض المدينـة والتهاتيـه نظربهـا
على شلعة النجمة نوى والعبـاد ارقـود=نبـي دلـةٍ قـدام عينـه يـقـا لبـهـا
لعينه عسـى مثلـه لنـا دايـمٍ موجـود=عسى شمـس مثلـه ربنـا مـا يغيبهـا
يروم المعالي والمعالـي تبـي مجهـود=ولاهي جديـده قدمـه العـود كاسبهـا
وريث المشدق لا عتزاء وورح البـارود=يضد الخصـوم ورايـة العـز ينصبهـا
يسوق النضا في ما مضي صاطين جلمود=ويلعنـك رجـل كلمتـه مـا يعربـهـا
يفك السجين وياخـذ الديـن دبـل وزود=فناجيـل فريـسٍ نعاتـيـت شاربـهـا
شربها دها يـوم الـردي مايفيـد الفـود=وكم طايلـة كـم طايلـة هـاز مرقبهـا
يدوس الخطريدخل بعين المعـادي عـود=ويمنـاً تهـاب المـوت محـدٍ بهايبهـا
قوي العهد مثل الفهـد افتهـم ياسعـود=اخذ صامل اعلومي بعـد زان مضربهـا
وعلى ساقي المعنى وهرجي عليه شهود=ولاهي صحيحـة كلمـةٍ زل صاحبهـا

المشاركة الأصلية كتبت بواسطة ابن غلاب (المشاركة 126206) صح لسانك يابو ملبس قصيده جزله من شاعر جزل

المشاركة الأصلية كتبت بواسطة أبو راكان (المشاركة 126266) صح لسانك يابو ملبس ومهو غريب عليك القصيد الجزل

المشاركة الأصلية كتبت بواسطة ماهرالمطيري (المشاركة 126357) صح لسانك ولا هنت

المشاركة الأصلية كتبت بواسطة المتابع الصامت (المشاركة 126404) صح لسانك يابو ملبس قصيده رائعة من شاعر رااااااااااااائع

المشاركة الأصلية كتبت بواسطة ابو تركـــي (المشاركة 126405) صح لسانــــــك مشكور على القصيدة الجزلة

موازين عـز وديـن فكاكـة المضهـود=ليـا حميـة القالـة وكبـرت مصايبهـا
تعلم ويا تيـك الخبـر والخبـر مـردود=تسولف به اصغار العرب قبـل شايبهـا

المشاركة الأصلية كتبت بواسطة علي حميدان الدجيما (المشاركة 126845) صح لسانك يابو ملبس ويستاهل ابو متعب وانت شاعر مبدع

المشاركة الأصلية كتبت بواسطة ابن مشدد (المشاركة 127315) صح لسانك يابوسعود وقصيده جزله من شاعرا جزل

المشاركة الأصلية كتبت بواسطة جـبـرالـخـواطـر (المشاركة 127316) صح لسانك ولاهنت على القصيدهـ الجزله

المشاركة الأصلية كتبت بواسطة بنت مطير (المشاركة 128262) http://www.almizany.info//uploads/im...b13727704b.gif

المشاركة الأصلية كتبت بواسطة أبن مصاول (المشاركة 128281) موازين عـز وديـن فكاكـة المضهـود=ليـا حميـة القالـة وكبـرت مصايبهـا تعلم ويا تيـك الخبـر والخبـر مـردود=تسولف به اصغار العرب قبـل شايبهـا صح لسانك يا أبو مبلس ويستاهل أبو متعب وقصيدة جزلة من شاعر جزل

المشاركة الأصلية كتبت بواسطة مسند مازن الزحزوح (المشاركة 131824) متغب صح السانك على هل الرايعه تقبل مرؤري وحترامي

المشاركة الأصلية كتبت بواسطة جابركايد الميزاني (المشاركة 137609) صح لسانك يابوسعود