من البارح وانا جالس متى بيرد كنق مطير = واضن الكنق غايب ماعنه مخبر ونشادي
لاكن ان كان به شاعر يجي مايحتمل تاخير = نبي ناخذ علومه والعلوم اعتاق واجدادي

الايامرحبا ترحيبة ٍ تسبق جناح الطير = تخص الشاعر الي من زمان يصيح وينادي
مادام الكنق ماجاوبك ملزوم(ن) تدور غير = وجاك الشاعر الي موقعه في روس الاشهادي

يابن غلاب انا اشوف القرى يسعون للتطوير = قراهم بالتطور كل بادي صبح تزتادي
لاكن بعض القرى تحتاج للتحفير والتكسير = يبا يطول عليها الوقت وهيه وضعها عادي

ترا بعض التطورياعميلي مايجيب الخير = لكن احرص على سلم العرب وسلوم الاجدادي
وطعني ياسمي السيف لاتنزل بوسط البير = مكانك فوق راس الضلع لاتمشي مع الوادي

انا اقول التطور بالقرى من ضمنه التعمير = لاكن انتم قراكم يابدووو يحدها حادي
ترى قريتك ياعمده تبى اناره مع التشجير = ولن طورتها قدمت لك دله وبرادي

ياراع الدله الصفرا وراك تزود التبهير = قرانا من زمان الله يحفظك نورها بادي
لكن انتم لكم قريه بحد عمان والخرخير = وعمدتها يشوفونه ورا البصره وبغدادي

ابن غلاب جاء محتي ولادري معه ويش اصير = وجا يشعب ذلوله ماعليها خرج واشدادي
اضنه جاهلن بالسيف ولا مايجيك مغير = رماه الله بسيف الحق مار السيف جلادي

انا بنشدك عن بنت ٍ عليها طول التحجير = محجرها بديوي (ن) يبي له حرب وجهادي
وبعد فترة ثلاث شهور جتها علة الخنزير = وراح السيف مابين العرب سرداد مردادي

اقول البنت حره ماولاها كل شخص اصغير = ولو انك تبيها مالها بك شف ومرادي
الا ليت المحافظ في بلدكم يجري التغيير = على شان البعض قامت تسيد ماهي اسيادي

ترانا ياجماعة من طلوع الصبح لين عصير = وحنا ماسكين الصف ونصفق بالايادي

تقبلوا تحياتي ////////// القنااااااص //////////