ترى الخوي والضيف والثالث الجار=مثل العمل ما بين فرض وسنه

يامل قلب كـل مـا لتـم الأشفـاق=من عام الأول بـه دواكيـك وخفـوق
كنه مع الـدلال يجلـب للأسـواق=وعامين عند معزل الوسـط منسـوق

قالوا هلال الشهر واضح للأعيان=وبكره يصير اول أيام الفريضه
وذكرت انا من منهو له الطيب عنوان=وأرسلت له مما تفيض القريحه
الله يتمم لك بصومه وغفران=ويبلغك ويا الوجيه الفليحه

مما يزهدني في أرض أندلـسٍ=أسمـاءُ معتمـدٍ فيها ومعتضـد
ألقاب مملكة في غير موضعها=كالهر يحكي انتفاخاً صولةالأسد

أعلل النفس بالآمال أرقبها=ما أضيق العيش لولا فسحة الأمل

انا لي ثمان سنين اجامل وانا مجـروح=اكن المـوده داخـل الصـدر واكتمهـا
يجيني بلاً صندوق قلبي يزوحـه زوح=خطيرٍ معاليقي مـن القلـب يصرمهـا
سبايب مودة جـادلٍ مابهـا مصلـوح=تبهذلـت منهـا مابـه احـدٍ يعلمهـا
يقول ارحمي روحٍ تبلت لها فـي روح=هي العوق والاسباب مانـي بضالمهـا
خذتني وجرتني بضحكة غـلا ومـزوح=تهايفت معها ليـن طحـت بمراحمهـا
غرقت بغلاها مغرم مثل غرقت نـوح=ولاادري عن ايام الغلا وش خواتمهـا
وانا مبتلٍ فيها ولالي وراهـا شبـوح=مفاتيح قلبـي فـي يديهـا مسلمهـا
اليا قلت خفي حبك اللي تعـدا المـوح=تجيني بنغمات ٍ على القلـب ترسمهـا
تجيني باساليبٍ تزيد الجـروح جـروح=خذتني بضحك احجاجها مـع تبسمهـا
تبسم بيضٍ كنهـا اللولـو المصحـوح=او الدر مـن بكـرٍ سريـعٍ ترزمهـا
عليها الحلا والملح كنك تكوحه كـوح=حضيض الفؤاد المسعد اللـي لايمهـا
هاك الغره اللي مثل برقٍ لنوره ضـوح=سنا مزنـةٍ ترعـد وتبـرق مقادمهـا
عن المترفات الضمّرالعقش فيها نـوح=تحشر النفوس اللـي قـويٍ عزايمهـا
تمريع مثل زملوقةٍ في محير الصـوح=عدلها النسيم ورايـح الوبـل داهمهـا
اليا شافها راع النظر حـار مايـروح=تكلم حشى لله ماهـي مـن اوادمهـا
لاهي حص لاياقوت لاجوهرٍ مطـروح=تقل فضـةٍ مصبوبـةٍ مـن مناجمهـا
هوافٍ خواصرها الجدايل عليها سبـوح=كساها اشقرٍ ياصل اليا الردف ضايمها
مثل ذيل شقراً ماعليها ثـلاث قـروح=تكـم السبايـا يـوم تطـرخ قوايمهـا
اليا سلهمت بعيونهـا عدنـي مذبـوح=تبنجت حتـى كلمتـي مقـدر ابرمهـا
هذا هو بلاي وهو سبب جرحي المفتوح=من اسبابها افرق هجوسـي واليمهـا
عديت وتعبت وطحت والكبد فيها فلـوح=تهيج الجـروح ولاش شـئٍ يدمدمهـا
علي الخطر وشلون تلعبـي الشحـوح=مثل مالعبت بغيرهـا صـرت رايمهـا
على كيفها تومي بقلبي سوات اللـوح=بلاي الغلا اللي بسرة القلـب واسمهـا
حلايا المهاه اللي ذعرها دبش وسروح=وراها تشـب النـار فيِـه وتشعمهـا
ليا جيت ابا ازعل ردني حكيها المملوح=يجيني بـلاً حتـى عيونـي يغمغمهـا
جدايه جدا ورعٍ جـداه البكـا والنـوح=يبا حاجـةٍ مخفيتـن امـه معالمهـا
يالولا يالولا ان الخطا فاعله مفضـوح=ماعود محيم وعبرة الصـدر ازايمهـا

استبشري يادار بقدوم سلطان = سلطان ساس المرجله والزعامه
الباس زال وكل شئ ٍ لنا زان = وبأجمل لحونك غردي ياحمامه
غني وانا اجاوبك في كل الالحان = ومن فرحتي والله لاطش العمامه
اليوم حل العيد في كل الاوطان = والتاج حطيناه في كل هامه
بقدوم ابو خالد سلايل كحيلان = ابن الملوك الي رفيع ٍ مقامه
ولي عهد المملكه طير حوران = عضيد عبد الله ودرعه حزامه
الي على شعبه كما الغيث هتان = ويقابل المحتاج بالابتسامه
ياما حضن شايب وفرج لشبان = وياما ومر بالخير والاستقامه
ولابانو اهل الحقد في حقدهم بان = ياما على العدوان سدد سهامه
والي يبي يحصي مزاياه غلطان = إلا اننا نعلم يوم القيامه
وحنا نتفاخر فيه في كل ميدان = وكل السعوديين لبسو وسامه
والحمد لك ياعالي القدر والشان = رجعت ابو خالد لنا بالسلامه

تعاتبني تقول انته علامك وش بلاك ابطيت=ترانا ماتعودنا عليك اطول الغيبه
اخاف انك تجيك اعلوم عنا قول ويش اوحيت = ترا فالوقت هذا ماسلم واحد من الغيبه
وانا والله ثم والله ماعمري عليك اخطيت= وانا آثق فيك ماضنيت من حبك تضحيبه
بعدها قلت لحضه وسمعي مني لعل وليت = تعذريني وانا اللي مبتسم بسنون تركيبه
ولوا ابطيت عن شوفك تراني عنك ماسجيت= غلاك مقسمه مابين قلب العاشق وجيبه
ابادلك الغلا والود مهما رحت ولاجيت= وعليه بالحرام ان ماتجي من يمي الريبه

كملي يابو زيد ماوصلتني اخباره = الوضع ماهو على خبرك ومتغير
العام يوم انهم سكان هالحاره = اروح وارجع وعذري دايم مسير

سلم علي لايخلي الناس يدرون = خل الزعل في زحمه الناس خله
ترى ان درى واحد درى حول مليون = وعدواننا في كل خيمه وفله
والا انت وسط العين بالرمش مصيون= حتى ولو تزعل غلاك بمحله
وانته عيوني كيف انا امشي بلا عيون= وانا بدونك كيف دربي بدله
تعال يازعلان وبليس ملعون = واسكن خفوقن بالغلا تستحله
وآمر تدلل وشهو معجبك فالكون= نصه ثلاث ارباع معجبك كله
لجل غلاك يهون ويهون ويهون = كل الصعاب حساب فنجال دله
ابك انت لجلك ترخص الروح بالهون== ابيعها لرضاك بيعه مجله
وخل العواذل عن سمانا يولون= وابحر معي صوب النجوم المطله
وطالبك لانسنس هوى عاشق يمون= دنق عليه وخل ريقه يبله
من شئ عن كل المخاليق مدفون= كم واحدن حاول تعب ماوصله
ماقلت لك صاحبك شاعر ودندون = لا تواخذه لاجات منه اي زله
وقد قلت لا تخلي الناس يدرون= خل الزعل في زحمه الناس خله

اشكر اختي بنت ملوك على الفكره الرائعه كا عادتها تاتي بالمميز


كما اشكر من لبى لها الدعوه [المدير ابن مصاول والشاعر عبد الرحمن بن غلاب

والشاعر على حميدان والشاعر ملفي الميزاني]

الف شكر لشفافيتهم بالرد وسعة صدورهم