منتديات الموازين الرسميه

صفحة 1 من 2

عرض 40 مشاركات من هذا الموضوع لكل صفحة

منتديات الموازين الرسميه (http://www.almouazeen.com/index.php)

- المنتدى العام (http://www.almouazeen.com/forumdisplay.php?f=4)

- - مقابله مع طفل (http://www.almouazeen.com/showthread.php?t=16477)

شويهينه الهيلا

10 - 09 - 09 10:52 AM

مقابله مع طفل

السلام علييكم ورحمة الله وبركـاتهـ ... فكره اعجبتني

مدخل..

آلآيـآ طفل لآ تكبر..
كذآ أجمل كـذا أطهر..
كذآ لآ هـم يترآكم..
كذآ لآ ضغط لآ سكر..

صبــآح ... / ... مـســآء

آلبـراءهـ

كلنا عندنا بزران بالبيت ويازين لجتهم وسوالفهم

وحكاويهم لـ حكووا ودك\ بس تسمع\ين وتضحك \ين
واذا سولفوا ماودك\ يسكت وهذا نحنو الان نترك لهم الساحه لـ نسمعهم ونستمتع معهم <--بس عآدإذا مصخوها ودك تكفخهم كم طراق<-ماعندىوقت هع

الزبدهـ من هالفكـرهـ نشووف براءة الأطفـآل < مـع انـي مـااشك اطفال هاليومين فيهم براءهـ هـهـ
بنختــار عضو..وبنخليهـ..يجيب له طفـل ويسوي معاه مقابله

(أخوه..ولد أخته..ولد خالته..ولد جيرانهم..ولد عمته..ولد ولد الجيران......الخ المهم أنه بزر)

لا يزيد عمره عن 10 سنوات ...

وتسأله هالأسئلهـ وتجيب أجوبتهـ..
منها نعرف وش تفكيره..

ومنها للضحك والمتعه..

الأسئلة :

1/ وش تسوي إذا صرت فاضي ؟

2/ لو فزت 1000ريال ايش تسوي فيها ؟

3/ وين ودك تسافر في الاجازه؟

4/ لو صرت مدير مدرسة شو بتسوي ؟

5/ تحبني يا........ ؟ طيب ليش؟؟

6/ وش تبي تصير اذا كبرت ...؟

7/ تحب المدرسـه ..؟ طيب ليش ...؟

8/ شنو تعرف عن

:الأنسولين

:
الإنترنت :

مجلس الشورى :

الإتيكيت :

الصداقـه :

الحب :

9/ تحب مين اكثر ابوك ولا امك طيب ليش ؟

نبي نشوف الاجوبة بدون تعديل

أتمنى إن الفكرة أعجبتكم ,, واتمنى اشووف تفـآعلكم وابي استاذنكم واختار نفسي ابدا بي ولدي سلمان الله يستر عمره 6سنوات ويشجع الهلال:1blue1:

77
7
/ سلمان وش تسوي إذا صرت فاضي ؟

العب بلاستيشن والعب باالسيكل حق اخوي لان سيكلي خربان ولاصلحتوه [ طيب خلاص نصلحه بس اسكت انا فتحت باب مسكر يبي يجيب العيد الحين]:baaa2:
2/ لو فزت 1000ريال ايش تسوي فيها ؟:009:

اشري لي سيكل وشرطان بلاستيشن واشتري لجدتي رادوا عشان قالت لبوي وابوي ماجاب لها :z037::z037:

3/ وين ودك تسافر في الاجازه؟

امريكا والمجمعه والبدائع [ صراحه ماادري وش جاب امريكا مع المجمعه :baaa2:والبدائع ]4/ لو صرت مدير مدرسة شو بتسوي ؟

مدير لا ماودي ماودي المدير بس يخوف الورعان [ طيب خلاص اسكت ] 5/ تحبني يا.سلمان... ؟ طيب ليش؟؟

هاه اءاء اء وش فيك ايه احبك ليش ل انك تشرين لي حلويااااات وعلوووووووك وتلبسيني وتلعبين معي بلاستيشن [ فضحنى ]:ndm:

6/ وش تبي تصير اذا كبرت ...؟

ابي ابي ابي اسوووق طياااااره واسرع علي كيفي وفحط وسوي غزاله :drive1: [ اما غزاله متاثر باالسيكل]

7/ تحب المدرسـه ..؟ طيب ليش ...؟

لا انا ماابي المدرسه قايلكم والله مااروح وتشوفون صديقي يقول المدير يذبح الوراعين [الله يعيني اذا دخل المدرسه]
8/ شنو تعرف عن

:الأنسولين
عصير
:z032:

:
الإنترنت :
لعبه شراها ولد عمي :z041:

مجلس الشورى :

مجلس مااحد ياكل فيه عشان مايتوصخ :0085: بس يشربون فيه شوربه ][ ههههههه

الإتيكيت :

بقاله كبيييييره مره :baaa2:

الصداقـه :

يعني احب صديقي ولا نتذابح:049:

الحب : يعني مااذبح الورعان ولا اكذب :013:

9/ تحب مين اكثر ابوك ولا امك طيب ليش ؟
ابوي [ افا] :00120: وانتي بعد بس اء اء ااا ابوي عشان يودي السيكل انتي ماتودينه [طيب اجل قم الحين رح العب خلصنا منك ] .

وانتهينا علي خير الحمد لله الله ستر :019:
واختار من بعدي اختي المميزه ارجوان :019:

عثمان بن صحران

10 - 09 - 09 05:17 PM

رد: مقابله مع طفل

مشكوره اختي على الفكره
وتقبلي مروري

نزف المشاعر

10 - 09 - 09 06:02 PM

رد: مقابله مع طفل

موضوع مرررة رووووعة وخصوصا إنه مع حبايبنا الأطفال . .

أشكرك أختي شويهينه ع هالموضوع الحلو . . وربي يحفظ لك سلمان ويخليه لك . .

يسعدني ويشرفني أختي شويهينه اختيارك لي . .

ودي أشارك بالموضوع بس للأسف من وين اجيب لكم طفل ؟ خواتي كبار أنا اصغرهن . . وعيال أختي صغار توهم ع الكلام . . و أقاربنا لازم نسافر لهم عشان اجيب لكم طفل من عندهم . . والجيران بسلامتهم مدري إذا عندهم اطفال ولا لا . .

فأتمنى تعذروني . .

وإن شاء الله الاعضاء يكفون عني .

تحياتي للجميع .

شويهينه الهيلا

10 - 09 - 09 09:55 PM

رد: مقابله مع طفل

اختي ارجوان وش دعواااااااااااااااااااااااااااااا خلصواااااااااااااااااااا

اختااااااااااااار اخوي ابن مشدد

ابن مشدد

11 - 09 - 09 12:40 AM

رد: مقابله مع طفل

موضوع جميل شويهينة الهيلا

والان مع الشبل / سعود

الأسئلة :

1/ وش تسوي إذا صرت فاضي ؟

أسبح بالمسبح والعب بلاستيشن

2/ لو فزت 1000ريال ايش تسوي فيها ؟

اشري بها بلاستيشن 3مصدق انه بالف ريال<ههههههههه

3/ وين ودك تسافر في الاجازه؟

ابي اسافر للطايف ولا للشرقيه عند عمي عبدالله

4/ لوصرت مدير مدرسة شو بتسوي ؟

ابي اصلح ملعب مزروع بالمدرسه

5/ تحبني يا........ ؟ طيب ليش؟؟

ايه احبك لأنك ابوي وتجيب لي كل شي

6/ وش تبي تصير اذا كبرت ...؟

ابا صير دكتور

7/ تحب المدرسـه ..؟ طيب ليش ...؟

ايه احبها لأنها علمتني القراءه والكتابه

8/ شنو تعرف عن

:الأنسولين

علاج

:
الإنترنت :

الي تشغل به جهازك

مجلس الشورى :

مثل مجلسنا ولا مثل مجلس جدي <ههههههههههههههه

الإتيكيت :

مثل المركى ولا مثل الكرسي الي عندنا اذا طلعنا للمزروع ناخذه <حلوه ذي بعد

الصداقـه :

مثل اصدقائي بالمدرسه يعني اكون صديق لهم ويجوني بالبيت

الحب :

احب كل واحد احليل

9/ تحب مين اكثر ابوك ولا امك طيب ليش ؟

احب ابوي واحب امي لان ابوي يجيب لي كل شي ابيه وامي تصلح لي الاكل وتغسل ملابسي وتابعني بدروسي

نبي نشوف الاجوبة بدون تعديل

واختار بعدي عز الخوي

شويهينه الهيلا

11 - 09 - 09 12:53 AM

رد: مقابله مع طفل

مشكوووووووووور ابن مشدد ماشالله ولدك مثقف ههههههههه
وتمنى من عزالخوي المشاركه

جـبـرالـخـواطـر

11 - 09 - 09 01:59 AM

رد: مقابله مع طفل

موضوع جميل
ومشكور اخوي ابن مشدد ههههه

وبانتاظر عز الخوي

شويهينه الهيلا

11 - 09 - 09 02:20 AM

رد: مقابله مع طفل

عثمان بن صحران اسعدني مرورك

الطويل

11 - 09 - 09 02:52 AM

رد: مقابله مع طفل

مشكوره اخي شويهينه الهيلا على الموضوع الجميل .

بأنتظار عز الخوي

ابـــو فيحـــان

11 - 09 - 09 04:20 AM

رد: مقابله مع طفل

مشكوره اخي شويهينه الهيلا على الموضوع الجميل .

بأنتظار عز الخوي
.

عز الخوي

11 - 09 - 09 07:57 PM

رد: مقابله مع طفل

موضوع جميل شويهينة الهيلا

والان مع الشبل /مهنــــــــد

الأسئلة :

1/ وش تسوي إذا صرت فاضي ؟

احب لعب كرة القدم والعب بالاستيشن

2/ لو فزت 1000ريال ايش تسوي فيها ؟

اشتري لي سيكل وملابس رياضيه

3/ وين ودك تسافر في الاجازه؟

ابي اسافرمكه المكرمه وحائل

4/ لوصرت مدير مدرسة شو بتسوي ؟

ابي اصلح مسبح في المدرسه للطلاب

5/ تحبني يامهند ؟ طيب ليش؟؟

ايه احبك لأنك ابوي وتجيب لي كل شي

6/ وش تبي تصير اذا كبرت ...؟

ابا صير مدرس رياضه

7/ تحب المدرسـه ..؟ طيب ليش ...؟

نعم احبها لأنها علمتني القراءه والكتابه

8/ شنو تعرف عن

:الأنسولين

علاج

:
الإنترنت :

الي تشغل به جهازك

مجلس الشورى :

مثل مجلسنا

الإتيكيت :

مااعرف شي عنه

الصداقـه :

مثل اصدقائي بالمدرسه يعني اكون صديق لهم

الحب :

احب كل واحد مودب

9/ تحب مين اكثر ابوك ولا امك طيب ليش ؟

احب ابوي واحب امي النهم سبب وجودي في الدنياء بعد الله

واختار بعدي ابوراكان

أبن مصاول

11 - 09 - 09 08:09 PM

رد: مقابله مع طفل

موضوع رهيب صراحة وأنا انتظر دوري أختي شويهينة وأشكر الأخوان الذين شاركوا في الموضوع وفعلوه والله على برأة الأطفال حلوه ..

أبن مصاول

أبو راكان

11 - 09 - 09 08:41 PM

رد: مقابله مع طفل

مشكوره اختي شويهينه على الموضوع الرائع
انا اعتذر عن المشاركة حيث ان ابني صغير بالسن مايعرف الا بابه.
وكرر اعتذاري مره اخرى ويسعدنا المشاركه في هذا الموضوع والشكر موصول لاخوي عز الخوي على اختياري،،،،،،

ابن صحران

11 - 09 - 09 08:47 PM

رد: مقابله مع طفل

مشكوره اختي شويهينه على الموضوع الرائع

وانا اعتذر عن الشاركه لأني ما تزوجت ولا عندي اطفال

والشكر الجزيل لكــ

شويهينه الهيلا

12 - 09 - 09 04:46 AM

رد: مقابله مع طفل

وش دعوا يابوراكان وياابن صحران ماعندكم احد يقربلكم عنده اطفااااااااااااال ؟

شويهينه الهيلا

12 - 09 - 09 04:48 AM

رد: مقابله مع طفل

ابومصاول تفضل في المشاركه اخوي حياك الله ولا يهون الجميع

أبن مصاول

13 - 09 - 09 06:30 AM

رد: مقابله مع طفل

السلام عليكم ورحمة الله

وبما أن الأخت العزيزه شويهينه قد أختارتني لكي التقي بطفل صغير فقد أخترت أبنتي غيداء حياة أبوها , وروحه ملهمتي في امور كثيره , محبة والدها , ومحبها لدرجة أنه لا يتخيل الحياة بدونها ....

غيداء بنت حبوبه ومؤدبه تتمتع ما شاء الله عليها بذكاء وفطنة منذ الصغر تعلمت أشياء صغيره قبل المدرسة منها (أستخدام الكمبيوتر ,الأحرف والأرقام تتقنها,الرسم بطريقة جميله) لها هوايات كثيرة من ضمنها كما تقول السفر ...

ننطلق مع غيداء

1/ وش تسوين إذا صرتي فاضيه ؟

http://www.almizany.info//uploads/im...dbe9bcaf80.jpg

http://www.almizany.info//uploads/im...27e58c2cc2.jpg
...أروح العب

2/ لو فزت بـــ1000ريال ايش تسوين فيها ؟

http://www.almizany.info//uploads/im...10c88802d2.jpg
...أعطيك أياها

3/ وين ودك تسافرين في الإجازه؟

http://www.almizany.info//uploads/im...e03c1004b1.jpg
أي مكان ...دبي أو الإمارات وبس..

4/ لو صرتي مديرة مدرسة وش بتسوين ؟

http://www.almizany.info//uploads/im...0a6b36c1f2.jpg

..أطالب الأبلات لا يسووون شئ !!! وأقول لا تهاوشن

5/ تحبنيني ياغيداء ؟

http://www.almizany.info//uploads/im...e171efccfc.jpg
أموت فيك ....

طيب ليش؟؟
http://www.almizany.info//uploads/im...558bc92c05.jpg
لأنك أبوي حبيبي

6/ وش تبين تصيرين اذا كبرتي ...؟
http://www.almizany.info//uploads/im...da68ff1937.jpg

..أصير مديرة مدرسة.

7/ تحبين المدرسـه ..؟

http://www.almizany.info//uploads/im...e541e07da4.jpg
أيه...

طيب ليش ...؟

http://www.almizany.info//uploads/im...0b6a5926ba.jpg
لأنها مدرستي .

8/ وش تعرفين عن

:الأنسولين

http://www.almizany.info//uploads/im...6644e99d67.jpg

حق حراره وتطريش وبس ههههههههه

:
الإنترنت :
http://www.almizany.info//uploads/im...6733cb0711.jpg

منتديات الموازين وبس.

مجلس الشورى :

ما أعرفه....

الإتيكيت :
http://www.almizany.info//uploads/im...98dbc1ce31.jpg

انك تلبس زين وبس .

الصداقـه :
أروح مع خوياتي أتمشى معهن (شهد وعهد ولمى ولمار وكنده ورنا وكلهم)..

الحب :

9/ تحبين مين اكثر ابوك ولا امك

أحب امي وأبوي ...

طيب ليش ؟
http://www.almizany.info//uploads/im...650eb48d93.jpg

أحب أبوي لأنه رباني ..أحب امي لأنها ربتني

كانت أعلاه هي إجابات غيداء بدون تدخل مني بالمره ....الله يحفظها لنا ويطول في عمرها ونفرح بها :049:

غيداء رايحه تدخل أولى أبتدائي السنه الجايه إن شاء الله

ابـــو فيحـــان

13 - 09 - 09 07:43 AM

رد: مقابله مع طفل

ماء شاء الله والله يخليه لعيـن تــر جيــه
اجـــــوبه قـــويه والله يحفظه وتربى بعــزك يابـو ضيف الله ،

شويهينه الهيلا

13 - 09 - 09 09:12 AM

رد: مقابله مع طفل

الله يخلي لك غيدا واخوانها ويطول عمرك وتفرح فيهم ان شالله وتسلم اخوي علي تواضعك واستجابتك لدعوتي هناء ياابن مصاول

شويهينه الهيلا

13 - 09 - 09 09:26 AM

رد: مقابله مع طفل

واتمنى اخوي الطويل ان يشاركناء مع طفله او اذا ماكان عنده طفل لا يجيناء فاضي يبحث حتي يلقى اي ورع هههه

ابن صحران

13 - 09 - 09 09:32 AM

رد: مقابله مع طفل

ماء شاء الله والله يخليه لعيـن تــر جيــه

وبنتظار اخوي الطويل

مشعاب الزنغوب

13 - 09 - 09 09:42 AM

رد: مقابله مع طفل

الله يعطيك العافية اختي شويهينه الهيلا

ممكن تطلبيني بعد اخوي ابن مصاول لان عندنا ضيوف جونا امس ومعهم ولد عمي الصغير ... وابي اسأله بس والله انه عنيد

بس ولا يهمك اغريه بـ 5 ريال .....<< واجد عليه ..< هههههههههههههههههههه

اوكيه

شويهينه الهيلا

13 - 09 - 09 09:52 AM

رد: مقابله مع طفل

اخوي مشعاب يامرحبا فيك وابشر بعزك وتفضل بعد اخوي الطويل وانا مني عشره عشان يفرح الورع هههه

الطويل

13 - 09 - 09 09:58 PM

رد: مقابله مع طفل

مشكوره اختي شويهينه الهيلا. على اختياري .

بس خلودي الصغير بعد الفطور وافق على المقابله . بس سواهه فيني صلينا التراويح وطلع قبلي ونحاش البيت جده. بس ابي اجيبه لكم الليله بذانه ونحقق معه .

تحياتي .

الطويل

14 - 09 - 09 02:04 AM

رد: مقابله مع طفل

اسئله مع خالد مشعل (خالد الطويل) . يبلغ من العمر تسع سنوات ناجح الى الصف الرابع. متعبني مره الله يصلحه لانه اخر العنقود.الله يهديه.

1/ وش تسوي إذا صرت فاضي ؟

العب . وش تلعب؟ كوره.اكس بوكس.بلاي ستيشن.(عاد الحبيب يلعب لو ماهو فاضي)

2/ لو فزت 1000ريال ايش تسوي فيها ؟

اشري محمول

3/ وين ودك تسافر في الاجازه؟

ودي اسافر معك ..... (هين اذا اخذتك)

4/ لو صرت مدير مدرسة شو بتسوي ؟

اسكر المدرسه.

5/ تحبني يا........ ؟ طيب ليش؟؟

ايه.حتى ما تضربني!

6/ وش تبي تصير اذا كبرت ...؟

اي شي. انا مافهمت شي منه.

7/ تحب المدرسـه ..؟ طيب ليش ...؟

شوي. طفش !

8/ شنو تعرف عن

:الأنسولين

علاج زي الي تجيبه. (قصده الاسبرين)

:
الإنترنت :

تتصل بالكمبيوتر وفتح لعبة الترفيان.

مجلس الشورى :

مافيه.

الإتيكيت :

؟

الصداقـه :

الي العب معهم .

الحب :

9/ تحب مين اكثر ابوك ولا امك طيب ليش ؟

كلكم .

شويهينه الهيلا

15 - 09 - 09 05:32 AM

رد: مقابله مع طفل

تسلم اخوي الطويل ماشالله زين انك مسكت ولدك هههههههههههه تحياتي لكم
وننتظر اخوي مشعاب كانه تاخر

مشعاب الزنغوب

15 - 09 - 09 06:41 PM

رد: مقابله مع طفل

اسف على التأخير اختي شويهينه

مقابلة مع ابن العم (عزام) ...
..........
/ وش تسوي إذا صرت فاضي ؟

اشعر ..(( ياسعود شب النار واضبط الدلة ..) .. < والله شي طيب

2/ لو فزت 1000ريال ايش تسوي فيها ؟

اشري جوال ...

3/ وين ودك تسافر في الاجازه؟

الباحة ... فيه خضروات واجد ....< هههههههههههههههههه الله يقلع بليسك عزام

4/ لو صرت مدير مدرسة شو بتسوي ؟

افصل المدير ..< افاااااااا مرة وحدة

5/ تحبني يا........ ؟ طيب ليش؟؟

ايه .. طيب ليش علشانك عطيتني 5 ريال ..< الحب مايجي الا عند الفلوس..

6/ وش تبي تصير اذا كبرت ...؟

مدري ...

7/ تحب المدرسـه ..؟ طيب ليش ...؟

لا طيب ليش .... كل يوم يخربون النوم علي ...< والله بعذره

8/ شنو تعرف عن

:الأنسولين

علاج للراس ..< بالله

:
الإنترنت :

الي تقعد عليه انت ....

مجلس الشورى :

مجلس الرياجيل ..< اهم شي .

الإتيكيت :

كيك ...< بالله

الصداقـه :

مثل اصدقاء ..

الحب :

9/ تحب مين اكثر ابوك ولا امك طيب ليش ؟

كلهم ....

شويهينه الهيلا

16 - 09 - 09 01:59 AM

رد: مقابله مع طفل

تسلم اخوي مشعاب وصراحه اما الاتكيت كيك موزونه وزن

شويهينه الهيلا

16 - 09 - 09 02:01 AM

رد: مقابله مع طفل

جبر الخواطر اتمني المرور مع طفلك او مع اى طفل

شويهينه الهيلا

17 - 09 - 09 03:12 AM

رد: مقابله مع طفل

اتمنى من اخوي عبدالرحمن ابن غلاب المشاركه مع طفله

جـبـرالـخـواطـر

20 - 09 - 09 02:20 AM

رد: مقابله مع طفل

معليش اختي شويهينه
اعتذر لأن ليس حولي اطفاال

وان شاءالله في ثاني اجي

يعطيك العافيه

شويهينه الهيلا

20 - 09 - 09 09:30 AM

رد: مقابله مع طفل

بسم الله الرحمن الرحيم
اخوي الرمح تفظل مع طفلك لاهنت ومرحبا الف وتمنى استجابت دعوتي
وكل عام وانت بخير

الرمح

22 - 09 - 09 05:41 PM

رد: مقابله مع طفل

اعذروني لم أرى الدعوة في الموضوع إلا الآن والليلة مشغووولوووووون عندنا زواج وغدا لنا لقاء إن شاء الله

شويهينه الهيلا

23 - 09 - 09 06:17 AM

رد: مقابله مع طفل

خذ راحتك اخوي ارمح ومشكوررررر انك لبيت دعوتي ونحنوا بنتظارك

الرمح

24 - 09 - 09 12:43 AM

رد: مقابله مع طفل

كان اللقاء مع ابنتي مجد ذات الخمس سنوات

1/ وش تسوي إذا صرت فاضي ؟

ماسوي شيء

مع أنني كررت عليها السؤأل لكن رفضت تغير إجابتها <تصدقون إنها هي الصح الواحد لصار فاضي يعني مايسوي شيء ههههههههه

2/ لو فزت 1000ريال ايش تسوي فيها ؟

استانس

3/ وين ودك تسافر في الاجازه؟

بعد تفكير عميق قالت المهد علشان عرس .............<عمتها>

4/ لو صرت مدير مدرسة شو بتسوي ؟

استانس

5/ تحبني يا........ ؟ طيب ليش؟؟

إيه...........بس علشانك مزيون <طبعا في نظرها وصدق من قال كل فتاة بأبيها معجبه >

6/ وش تبي تصير اذا كبرت ...؟

معلمة

7/ تحب المدرسـه ..؟ طيب ليش ...؟

إيه ..............بس

8/ شنو تعرف عن

:الأنسولين

دهون

:

الإنترنت :

كمبيوتر

مجلس الشورى :

مجلس رياجيل

الإتيكيت :

الإستشوار

الصداقـه :
زميلتي

الحب :

الصداقة

9/ تحب مين اكثر ابوك ولا امك طيب ليش ؟

كلبوهم ............بس علشاني أحبهم

شويهينه الهيلا

24 - 09 - 09 01:08 AM

رد: مقابله مع طفل

ماشالله تبارك الله الله يخليها لك وتشوفها عرووووس
ومشكووووووراخوي لتلبيتك دعوتي وماقصرت وافي والله
والان ندعواااااااا الاخت ريم الموازين تتفضل عندنا

ابن مشدد

24 - 09 - 09 01:30 AM

رد: مقابله مع طفل

ماشاء الله يابوفهد الله يخليها لكم وتفرح بها عروس ان شاء الله

لاكن ترا البنت محجرها لـ سعود <ههههههههههههههه

ريم الموازين

24 - 09 - 09 11:13 PM

رد: مقابله مع طفل

مشكوره اختي شويهينه لاختياري
ولي عوده بالاجابات ^_^

ريم الموازين

26 - 09 - 09 12:51 PM

رد: مقابله مع طفل

انا جيت ومعي ضيفتي جود
1/ وش تسوي إذا صرت فاضي ؟

اشوف افلام كرتون

2/ لو فزت 1000ريال ايش تسوي فيها ؟

اشتري حلاو<< راحت فيها ^_^

3/ وين ودك تسافر في الاجازه؟

الرياض

4/ لو صرت مدير مدرسة شو بتسوي ؟

ماهاوش البنات

5/ تحبني يا........ ؟ طيب ليش؟؟

ايه احبك

لانك تعطيني حلاو<< حسيت اني بقاله مو عمه ^_^

6/ وش تبي تصير اذا كبرت ...؟

دكتوره << والله طموح قوي بس اذا كبرت اكيد بيتغير ^_^

7/ تحب المدرسـه ..؟ طيب ليش ...؟

ايه
عشان فيها كل البنات صديقاتي

8/ شنو تعرف عن

:الأنسولين

حلاو

:
الإنترنت :

العب فيه

مجلس الشورى :

مجلس الرجال

الإتيكيت :

الجاكيت

الصداقـه :

يعني اختي

الحب :

يعني احبكم كلكم
9/ تحب مين اكثر ابوك ولا امك طيب ليش ؟

كلهم احبهم لانهم ربوني وكل شي يجيبونه

انتهت اجوبت جود ويالله مسكتها تقول بسرعه بروح ^_^

ابن مشدد

26 - 09 - 09 12:59 PM

رد: مقابله مع طفل

ماشاء الله على جود ويخليه لأهلها

تسلمي على المقابله الجميله ريم الموازين

الساعة الآن 03:01 AM.

صفحة 1 من 2

عرض 40 مشاركات من هذا الموضوع لكل صفحة

إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها