بعض البشر لامن حشمته طمع فيك = وبعض البشر لامن جفيته يودك
وبعض البشر يتعب على شان يرضيك = وأغلى من اخوانه بقلبه يعــــدك
ويا صاحبي هالحين بانت خوافيـــك = علقـــتني مابين مزحـــــــك وجدك
وش جاك مني ياعشيري وانا اخيك = قبل امس انا صاحبك واليوم ندك
لاضاق صدري من عنا وقتنا اجيك = واشوف دمعات الغلا فوق خـــدك
والحين تظلمني وانا منك وفيــك = بكل إحترام اقول يا خوي حــــــدك
ثمن كلامك يا عسى الله يهديك =لاصار ماي الوجه يعجز يـــــــردك
ثوب الردى ياصاحبي مايقديك =الثوب لا ثوبك ولا القــــــــد قــــدك
انا اول انسان اذا ضقت بجيك = حتى ولا اذكر يوم وقــفت ضــــدك
ماتذكر اني بالوفا كنت اجازيك = وانته تجازيني بظلمك وصــــــــدك
لكن خلاص اليوم والله مابيك = النفس طابت ســــو ماهــــو بــودك
الطعنه اللي من ورى الظهرتنهيك = وشلون لاجاتــك من اللي يـــــودك
لا واهني يوم انا اموت بيديك = ذابح وتبكــــــــــي من ذبحته بيــدك

قصيده جميله ورائعه لك الشكر

أبو راكان على النقل الرائع

لكـن خـلاص اليـوم والله مابـيـك=النفـس طابـت سـو ماهـو بـودك
الطعنه اللي مـن ورى الظهرتنهيـك=وشلون لاجاتـك مـن اللـي يـودك

ادري انة ردي متأخر شو ية
لكن شدني العنوان
(بعض البشر لامن حشمته طمع فيـك)....... وبعض البشر لامـن جفيتـه يـودك
(وبعض البشر يتعب على شان يرضيك....... وأغلى مـن اخوانـه بقلبـه يعـدك)

يعطيك العافية ابو ركان جبتها عالجرح
هالبيتين يكفي عن قصيدة كاملة
سلمت ايدك

الطعنه اللي مـن ورى الظهرتنهيـكوشلون لاجاتـك مـن اللـي يـودك
لا واهني يـوم انـا امـوت بيديـكذابـح وتبكـي مـن ذبحتـه بيـدك


صح لسا ن شاعرها وسلمت يد نقلها