يا نور عيني ما نسيتك على البال=وشلون بانسى من له الروح تشتاق
لك بالحشا يا غاية امناي منزال=محبة مسكانها وسط الأعماق
با ابو جديل فوق الأرداف ميال=ويا ابو خدود كنها لمع براق
سلهام عينك يبني بروحي آمال=والعمر لك يا ساكن القلب منساق
احلى الوصايف فيك يا سمح الأقبال=الله عطاك الحسن مع طيب الأخلاق
أفرح بقربك يالغلى لحظة وصال=وبعدك ما اطيقه يا اريش العين حراق
اهيم بك واغليك والحب قتال=قد قالها قبلي حبايب وعشاق
محبتك ما أسمع بها حكي عذال=يا بهجة الخاطر ويا كل الأشواق
يا كثر ما مروا عليه من اشكال =غيرك لعيني بين الأحباب ما لاق
ولو بيني وبينك مسافات واميال=لا مرني طيفك خذاني للأشراق