الله على اللي مديله دوب عجوبه=سجل على الكرت عشره فوق الالفيني
لكسز وفي فلسفة تصميمه اعجوبه=مركب للأسره وشيخان الموازيني
يشريه من لايخزن المال بجيوبه=ولاهو خساره لونه ينشري ديني
اليا مشا كن مشيه مشي رعبوبه=مزيونتن تقطع اقلوب المحبيني
لوشافها ملفي ياجابرنطل ثوبوبه= ويقول وش هالمصيبه يابو حسيني
حتا ولوا قلبه اخضر يعلن التوبه= ويغمض العين عن كل المزاييني
هاذي هي اوصاف جيبن زان مركوبه=لهل الفخامه مزكين الملاييني
ولا انا محفضة مخباي منكوبه=عيا رصيدي يجي فالبنك عشريني
ولارحت ابشريه دز البنك مندوبه=يقول من راتبه مخصوم ثلثيني
قلت الله انه يلد البنك ودروبه=اللي على الدين عشر اسنين حاديني
خدمت عشرين عام وراتبي دوبه=نبا التجاره وحملنا من الديني
واللكسز اللي بغيت اشريه عيوبه=صالة تايوتا على اللكسز معييني

صح لسانك يابو حسين

لاهنت

صح لسانك يابو حسين
وإذا عودت للخضار كل قلوبنا خضر , بس أنا ماشوف ملفي وجابر كايد ردو لها الحين وذكرك لهم فالقصيدة مايسدنا منهم خضار قلوبهم نبي مجاراتهم للقصيدة وخصوصاً أنك أوردت القصيدة على ما يشتهون من شعر.....................

كن صوته صوت سربوت ٍ بأذن سربوتـه=مرخي ٍ صوتـه بـأذن صاحبتـه يخاليهـا