((الموت حق وكل عينٍ له تشوف = مير البلا من شاف موته ولامات))
يعيش في حيره وحسره معا خوف = وتغصه السكره وهي مابعد جات
هذا المفارق طعنته طعنت سيوف = يجرح وجرحه بالمعاليق بالذات
ذقته وذاقه قبلي الآف وألوف = وشن الحزن في خافقي منه غارات
ماكنت احسب ان الهوى يجلب حسوف = ولاكنت احسبه يقلب الحال بسكات
يلين فارقت الذي فيه مشغوف = غرو كتبت بداخلي له روايات
خذوه ربعه غصب وعيوني تشوف = خذوه بسلومٍ قوية وعادات
وش حيلتي حكم القدر لافني لوف = كل ماأقول بتنفرج جات نكسات
والله لو جابوا تهاني معا نوف = مايدخلن القلب لو بس ساعات
لانه هو اللي بين الاضلاع معروف = في كل ضلع واسمٍ له علامات
ياليتني من قبل افارقه ملفوف = وسط الكفن واصير من ضمن الاموات

الموت حق وكـل نفـسٍ تذوقـه=مير البلا من ذاق موته ولا مـات
من واحدن قلب المعنـى يسوقـه=وبـدل ليالينـا الهنيـه بـونـات