كريم يابرق(ن) سرى في مناشيه=مزنه من المنشا تبين ارجابه
يمطر على جو(ن) عسى الغيث يزيه=وعلى مرابينا يخيل سحابه
تمطر مقاديمه وتبرق تواليه=وكلن ذكر سيله وكلن مشابه
يز البلاد الي على جال واديه=وادي مفرق والقنانه غدابه
جو(ن) عسى نو الثريا يساقيه=يرجي وطنى لين تخضر ارحابه
اباه يزي المملكه مع نواحيه=وعنده مفاتيح الفرج لا نوابه
وانا اترجى والمخاليق ترجيه=وليا عطاء ربي سريع(ن) ثوابه
ضيم علي الفرج والوقت واطيه=والوقت ماضي من عصور الصحابه
نعطي العوايل والمطالب ونعطيه=والرزق عند الرب ماصك بابه
كثرت مخاسيره وشانت لياليه=والوقت طول والسعاير نهابه
هذا نوصيبه والأخر نوطيه=والوقت ياهندي عطيب(ن) صوابه
والعبد رزقه ممن(ن) عند واليه=محصله الله سجله في كتابه

المشاركة الأصلية كتبت بواسطة ولدالدويلة (المشاركة 188840) صح لسانه وبيض الله وجهك علىنقل القصيده الجزله وننتظر جديده تقبل مروري واحترامي

المشاركة الأصلية كتبت بواسطة أبو راكان (المشاركة 188970) صح لسان الشاعر عسكر بن مشدد ولاهنت اخوي ابن عسكر على النقل .ونأمل منك تزويدنا بقصائد ابو فهد

المشاركة الأصلية كتبت بواسطة ابن معتاد (المشاركة 189121) مشكور ابو ريان على نقل قصايد الشيخ عسكر بن مشدد وارجو منك تزويدنا بقصايد والدك عسكر بن مشدد اول باول وتقبل تحيـــــــــاتي واحترامي

المشاركة الأصلية كتبت بواسطة عز الخوي (المشاركة 189135) صح لسان الشاعر ابو فهد واطال الله في عمره ومشكور ابوريان على النقل الرائع وانت دائما تتحفنا بماهو جديد عن والدنا ابوفهد اكرر شكري لك.

المشاركة الأصلية كتبت بواسطة بنت مطير (المشاركة 189327) صح لسانك على القصيده

المشاركة الأصلية كتبت بواسطة أبن مصاول (المشاركة 189336) صح لسان الشاعر والقصيدة متوسطة وبها ملاحظات كثيرة , نرجو الإنتباه اليها وخاصة ما أشار اليه سالم وهو معروف ويلفت الإنتباه. نرجو ان ننقل فقط كل ما يثري الأدبيات ونبتعد عما هو دون ذلك... أبن مصاول

المشاركة الأصلية كتبت بواسطة عزيز بن بديد (المشاركة 189354) صح لسان الشاعر ومشكور على النقل وعسى الله يحقق امنياته

المشاركة الأصلية كتبت بواسطة دخيل الغلإ (المشاركة 189794) صح لسان عسكر ابن مشدد مشكور ابوريان ع طرح ماقصرت بيض الله وجهك بنتظارجديدك