كل ما جيت ابصبر يابدر وعزماء = دق هاجوس قلبي والطريق اجهله
كن في الكبد جوع وكن فيها ضماء =وكن فالقلب ناراً يابدر مشعله
صار قلبي وعيني فالطريق اخصماء = مراًَ اكذب القلب ومرار اسئله
يوم شفت شعباء والعرق خشمه زماء = غنت افراح قلبي مقفيه مقبله
ياوجودي على اللي ساكن(ن) في الحماء = مثل وجد الغريب اليا تذكر هله
عنق ريماً يتل القلب لاسلهماء =مثل تل الغصون اليا انحرف بعجله
دون وادي الجرير وحول وادي الرماء = كل خدن ليا طاح المطر ينزله
جعل من لامني في حبهم للعماء =كل ماجيت ابصبر زادت المشكله
والله اني هليك الحب مير ارحماء = طال صبري وطال الوقت يامطوله
كان قصدك تسريني بلليل اظلماء = ياحبيبي تراني ماقطعت الصله

الشاعر/ شاعي مشعل مشدد المينيح

المشاركة الأصلية كتبت بواسطة ابن مشدد (المشاركة 206671) صح لسان ابومشعل على هذه القصيده الرائعه وتسلم يمنيك يابدر على النقل

المشاركة الأصلية كتبت بواسطة امير الروح (المشاركة 207778) صح لسانك يابو مشعل وبيض الله وجهك على هالقصيده الرائعه وتسلم يمينك يابدر على نقلك الجميل

المشاركة الأصلية كتبت بواسطة فهد بن صحران (المشاركة 207647) صح لسان يابو مشعل وبيض الله وجهك يا بدر على النقل

المشاركة الأصلية كتبت بواسطة اشكل (المشاركة 208278) جعل من لامني في حبهم للعماء =كل ماجيت ابصبر زادت المشكله والله اني هليك الحب مير ارحماء = طال صبري وطال الوقت يامطوله كان قصدك تسريني بلليل اظلماء = ياحبيبي تراني ماقطعت الصله [/poem]SIZE=5]الشاعر/ شاعي مشعل مشدد المينيح صح لساااااااااااااااااااان خااااااااااااااااااااالك مشكور ابو بندر على النقل