يا عذابي لا ضوى الليل ليته ما ضوى=اتكدّر لا ضوى الليل من قلّ الصديـق
واتقلّب في فراشـي و تفكيـري دوى=قمت أحسّ بضامري فايحٍ فوحة بريق
الهواجيس أزعجتني و لا ذقت اللوى=بس اهوجس و أتذكّر ولا أندل الطريق
يا منير الحبل من دون الأحباب ألتوى=وصّله ولا أقطعه دمت أعدّك لي رفيق
عوي قلبي عوي ذيب ليا منّه عـوى=يوم عدّاه الطرد من غنم ذاك الفريـق
يا منير إن أشملوا يمّة عيون الجـوى=يا منير إن غرّبوا حدّهم وادي العقيق
يا منير إن سنّدوا ردّهم سقـط اللـوى=وإن تحدّر نوّهم ردّهم عارض طويـق
أبذل المجهود خابرك قـد المستـوى=لا تهاون يا رفيقي ترى علمي حقيق
والله إن قلبي دليلي و فكري ما غوى=أفزعوا لي قبل موتي ترا قلبي رقيـق

ارجوان لاهنتي على النقل والله يعطيك الف عافيه

المشاركة الأصلية كتبت بواسطة أبن مصاول (المشاركة 208012) قصيدة كلها جزالة وروعة نشكرك اختي أرجوان على اختياراتك وذوقك الرفيع وصح لسان الشاعر محمد بن عبدالهادي الحميداني القحطاني