|
موقف حصلك عند تعلم السواقه
السلام عليكم ورحمة الله وبركاته
اخواني حبيت ان اطرح هاذا الموضوع وهو عن السواقه ومن المتعارف لدى البدو وبالأخص الموازين الواحد يطلع من بطن امه سواق هههههه حبيناء نتناقش عن هاذا الموضوع وطرح عدت اسأله عليكم س1/ كم كان عمرك اول ماتعلمة السواقه!؟ س2/ من الذي ساعدك على تعلم السواقه؟ س3/موقف طريف حصلك عند تعلم السواقه؟ س4/ مانوع السياره التي تعلمة عليهاءبالصوره اذا كان هناك صوره ؟ س5/ هل تعلمة سواقة سيارات النقل الثقيل؟ س6/ مارائيك بتعليم الطفل السواقه بالصغر هل يضر ذلك عليه؟ بقلمي/ بناخي الزحزوح:z049::wavetowel2: |
رد: موقف حصلك عند تعلم السواقه
ابو محمد اشكرك على هذا الطرح واتمنى منك ان تختار عضو يجيب على الاسئله
|
رد: موقف حصلك عند تعلم السواقه
ماعليش على التاخير انا اختار اميرنا العزيز مدير المنتدى ابن مصاول
|
رد: موقف حصلك عند تعلم السواقه
حياك اخوي بناخي الزحزوح وأشكرك على أستضافتي في موضوعك هذا
وهذه هي إجاباتي على الأسئلة: س1/ كم كان عمرك اول ماتعلمة السواقه!؟ تلعمت السواقه وكان عمري حوالي 12 سنة س2/ من الذيساعدك على تعلم السواقه؟ اخوي الكبير رحمه الله والد المشرف العام (الفارس) س3/موقف طريف حصلك عند تعلم السواقه؟ يا هوووووووووووووووووووه بلاش ...بلاش هي مواقف مش موقف فمن تعلق على قشعه الى هبوط اضطراري في حوض برسيم الى تجنيحات من الخط كثيره ولكن أطرف واحد هو أنني في بداية التعلم كنت أسمع بالتفحيط والحركات اللي يسوونها أبطال أفلام هوليووود في السينما وكنت اتابع كثيراً من الأفلام وخاصة افلام السيارات نعود للموقف في بداية تعلمي ذهبت انا واخي عبدالله رحمه الله الى مزرعة والدي رحمه الله في منطقة البدائع الوسطى وكانت مزرعة كبيرة جداً مما تهئ مناخاً ملائماً لتعلم القياده , كان قبل كم يوم تعلمت أساسيات القيادة ولكنني لم اتقنها ومنذ ان تعلمت تلك الأساسيات كنت أريد تطبيقها على اوسع نطاق وبسرعه لأن الوقت يمضي <<وش مستعجل عليه الأخو؟؟؟؟ المهم في ذلك اليوم كانت نيتي مبطنة في تحقيق الهدف الذي في يدور في رأسي ألا وهو القيادة بطريقة المحترفين في الأفلام ولا يضر من بعض التفحيطات ههههههههههه (جمس بوند على غفله) المهم بدانا درس القياده وكان اخي يحذرني ويقول انتبه وخلك ماشي شوي شوي وهلما جرا ..بس انا أقول في عقلي الباطن (هين) هههههههه المهم دربني على بعض الحركات وشاف اني زين لأنني كنت أريد كسب ثقته حتى يفتح لي المجال للشارع المكنكر وهو طريق مردوم او skid road ..لفينا كم لفه ووطينا كم قشعه وهو بعض المرات يتنرفز ويقول لي : هالحين انت ما خليت ولا قشعه ألا وطيتها وش فيك ما تشوف؟؟ قلت: خلنا نروح للمطينه وتشوف القياده الأحترافيه اما هنا كله قشع وطرق ترابيه وتبي تدبل كبدي وتبي تكسر سيارتك الجديده وكان معنا ددسن مديل 83 وكانت مديل السنه على ما اتذكر .. وافق أخوي على مضض واخذ علي التعهدات وانا أقول هين بس خلني أمسك المطينه ويصير خير !!! طلعنا من المزرعه واخذنا المطينه وما امدانا نقول سلام عليكم يا مطينه إلا وانا شادها بالأول وبسرعه واخوي يقول هد السرعه ..هد السرعه ....وتلتف السياره بي والفها شمال ..الفها يمين والفها شمال مرة ثانيه وتتوجه بنا لعقم كان بين المطينة وبين مزرعة واحد من الجماعه الله يستر عليه وتنط بنا العقم وإذا بنا في احد احواض البرسيم وقد قفزت بنا السيارة قفزة كبيره (فيما بعد عللنا قوة الطيران انني الله يستر علي جلست دايس على البنزين هههههههههههه) المهم يوم حولنا في حوض البرسيم لانا في موقف لا يحسد عليه وكان على راسي الظاهر 50 عصفور وعلى راس المرحوم علامات أستفام وتعجب !!! كيف وصلنا الى هنا بهذه السرعة وبغمضة عين... وهات يا سب وقال الله يرحمه بلاوي زرقا مثل : يا ح...وهلم جرى بس ما ينلام الله يلوم اللي يلومه ..المهم المشكله هالحين السياره لا تروح لا ورا ولا قدام ووسط الحوض والحوض أصلاً محفور ولم يزرع يعني يا سلام سلم تغريزه على كيف كيفكم وورا السياره العقم وقدامها الأحواض وكلها محفوره.. وكان همنا الوحيد ان نخرج من هذا المأزق المخجل قبل وصول صاحب المزرعه وهو بالعادة لا يكون متواجداً في هذا الوقت ولكن لسؤ الحظ ونحن نحفر للسيارة ونحاول إخراجها إلا وهو يقول : سلام عليكم!!! عاد دورنا م تلقانا موقف محرج للغايه .. واصبح يلف ويدور حول السياره ويقول : تغريزه وآمنا بالله ولكن انتم من وين جايين وكيف أستقريتم في هذا الحوض ؟؟ قلنا : امر الله قوي واخذ أخي يشرح له الوضع ويخبره بانني كنت تحت تأثير نشوة القياده ههههههه وبرضه عطاني كم كلمه من اللي يحبهم قلبك المهم ما طلعنا سيارتنا إلا بالحراثه هههههههههههههههه وبعدها أخوي ما عاد يثق في أبداً وهذا هو اطرف موقف وبعدها صرت أسوق بكل ركاده (فطيراننا) اللي حصل كاد ان يقتلنا لولا حفظ الله س4/ مانوعالسياره التي تعلمة عليهاءبالصوره اذا كان هناك صوره؟ ددسن موديل 83 وددسن أيضاً 78 ميلادي الصورة لا يوجد للأسف. س5/ هل تعلمة سواقةسيارات النقل الثقيل؟ لا ..أبداً س6/ مارائيك بتعليم الطفل السواقه بالصغر هل يضر ذلك عليه؟ اكبر خطأ وانا ضد هذه الطريقه فالقيادة فن وذوق وأخلاق وهذه لا تتوفر للطفل للأسف وربما يقتل نفسه واهله والآخرين. أشكركم جميعاً وارجو ان أكون أضفت شيئاً مسلياً ومفيداً للموضوع |
رد: موقف حصلك عند تعلم السواقه
مشكور اخوي ابن مصاول على تعليقاتك من جد ضحكتناء
لاتكون هاذي يابو ضيف الله الددسن 83 http://www.almizany.info//uploads/im...d8bb505813.jpg مشكور يابو ضيف الله على قبول دعوتك وارجو منك اختيار عضو يجيب على الأسئله وشكرا لمرورك المشرف |
رد: موقف حصلك عند تعلم السواقه
مشكور اخوي بناخي الزحزوح
على الموضوع الممتع ولاهنت يا ابو ضيف الله واثرك منت بهين سوااااقــ ههههههه ومبدعـ بأجوبتك ويعطيك العافيه |
رد: موقف حصلك عند تعلم السواقه
العفو يابن صحران
والممتع هو مرورك العطر |
رد: موقف حصلك عند تعلم السواقه
نسينا نختار هههههههههههههه نختار ابن صحران يالله عجل علينا بمواقفك الطريفه
تم تبليغ العضو برسالة على ملفه الشخصي |
رد: موقف حصلك عند تعلم السواقه
اقتباس:
ههههههههههههه كنها هي انت من وين جايبها ؟؟؟المرحومه ههههههههههه |
رد: موقف حصلك عند تعلم السواقه
اقتباس:
|
رد: موقف حصلك عند تعلم السواقه
اقتباس:
هههههههههههههه اثرك سواق يابوضيف الله موضوع جميل واشكر بناخي الزحزوح على هذا الموضوع الرائع |
رد: موقف حصلك عند تعلم السواقه
ابن مشدد مكسبي شوفتك في موضوعي
ومرروك العطر ولاشكر على واجب |
رد: موقف حصلك عند تعلم السواقه
اقتباس:
جايبهاء يابو ضيف الله من العقم الي طبيت فيه ههههههههه بانتظار اخوي ابن صحران:049::wavetowel2: |
رد: موقف حصلك عند تعلم السواقه
اشكرك اخوي بناخي الزحزوح على هذا الموضوع .
|
رد: موقف حصلك عند تعلم السواقه
مشكور بناخي الزحزوح على هالموضوع تقبل مروري
|
رد: موقف حصلك عند تعلم السواقه
بسم الله الرحمن الرحيم
السلام عليكم ورحمة الله وبركاته موضوع مميز ولاهنت يا بناخي الزحزوح والله يهديكـ يا ابن مصاول وراكـ انشبتناء ربي ساتر علي ههههههههه يــالله نبدا المغامـــــــــــرهـ س1/ كم كان عمرك اول ماتعلمة السواقه!؟ كان عمري 13 سنه س2/ من الذي ساعدك على تعلم السواقه؟ الولد واخي الاكبر س3/موقف طريف حصلك عند تعلم السواقه؟ والله حصل كثير لاكن الطريف منها اول بداية تعلمي لسواااقه ما كنت اعرف الا الاول والثاني والثالث والرابع والوالد الله يجزاه خير نسى يعلمني الريوس وتوهقت عند احد المحلات كنت موقف خلف راعي سياره وطلع من المحل وقالي لوسمحت ارجع ورا قلت طيب يوم ركبت السياره اتذكر الريوس كيف ما ادري يا ولد اجي السياره منا ولامنا المهم ما اعرف قعد يدق بوري وانا اقول طيب دقيقه ليما نزل وقال انت علامك قلت كل شي اعرفه الا الريوس ههههههههههههههه والله يجزاه خير طلع السياره عنه وانا من عقب الموقف هذا ما اداني العايدي وما اسوق الا التوماتيك ـ وارجو اذا علمتو اولادكم لا تنسون الريوس ههههههههههههههههههههههه س4/ مانوع السياره التي تعلمة عليهاءبالصوره اذا كان هناك صوره ؟ ددسن 85 الله لا يعيده من ددسن هههههههههههههههه س5/ هل تعلمة سواقة سيارات النقل الثقيل؟ لالالالالالالالالالا س6/ مارائيك بتعليم الطفل السواقه بالصغر هل يضر ذلك عليه؟ اكــيــد يضر ضرر كبير جدآآآ اول شي القي ابني في الخطر وان السواقه لها قواعد وتنضيمات ولها عمر محدد ولا انصح بتعليمهم في السن المبكرـ ولك جزيل الشكر اخوي /بناخي الزحزوح والــــــــــي بعدي /مــلــفـي الميزانــي ولقد تم ارسل تنبيه على ملفه الشخصي |
رد: موقف حصلك عند تعلم السواقه
اشكرك بناخي الزحزوح على موضوعك الرائع
|
رد: موقف حصلك عند تعلم السواقه
اقتباس:
نتحرى طرائفك بفارغ الصبر |
رد: موقف حصلك عند تعلم السواقه
اقتباس:
ياخوي ابن صحران كان دفيتهاء هههههههههه امتعتناء بتعليقاتق وضحكتناء وشكرا لمرورك وبانتظار ابوراكان ومواقف الصقره هههههههه |
رد: موقف حصلك عند تعلم السواقه
اقتباس:
ويشرفني مرورك العطر |
رد: موقف حصلك عند تعلم السواقه
س1/ كم كان عمرك اول ماتعلمة السواقه!؟
ج1/لا اتذكر بالتحديد بس المهم اني ماشوف اللي قدام السياره الا مع جنب الدركسون س2/ من الذي ساعدك على تعلم السواقه؟ ج2/شقيقي الاكبر العضو(لفا الميزاني)وبالعربي مايصلح مدرس عصبي كم مره سطرني وهو يعلمني السواقه س3/موقف طريف حصلك عند تعلم السواقه؟ ج3/كنا بعيد الاضحى وجمعه ووناسه المهم بالعيد الاول بعد ماضربت فالضحيه لين قلت بس والجو عز الصيف بعد ماتغدينا قلت لبناخي (بدر الحميدي)اللي تزوج قبل فتره وكانت صوره معنا بالمنتدى مشينا ندوج شوي بعد مامشينا قمت اتكلم له عن بطولاتي فالقياده واني اعرف افحط وكل ماقول له شئ يقول اتحداك انت لاقيني تنصب علي قلت طيب الحين تشوف!!ومع ذاك الطريق بالبر وانا امشي حدود(100) قلت طالع بعجه السياره وش رايك قال والله ياخال انك داهيه انا صدقت عمري ولفيت رأسي بشوف عجه السياره التفت ورى ورجعت بسرعه للسياره قد طلعت شوي من الخط رديتها بحركه بهلوانيه وبعدها مدري وش صار؟ دخت بعد شوي صحيت للدركسون فوق والمراتب ادور خويي ماهو فيه وطلعت من السياره الا وهو واقف كله اشهب من غير ملامح اول ماشافني طلعت قال(والله ماعا اروح معك)هههههههههه من الخرعه ياليل ابو لمبه والحل مافيه الا نطقها كعابي ومشتري نعال الله يكرمكم مكشخ فيها بالعيد ولا أروع ادورها وحده موجوده والثانيه مفقوده (الرمضا)تشوي المهم رجعنا مشي معيدين عيد غير والنعله مره يمين ومره يسار من الرمضا حتى وصلنا. وباقي القصه فالحلقه الاخيره س4/ مانوع السياره التي تعلمة عليهاءبالصوره اذا كان هناك صوره ؟ ج4/بانوراما البدو(ددسن بس مدري وش موديلها ناسيه) س5/ هل تعلمة سواقة سيارات النقل الثقيل؟ ج5/المدرعات والدبابات والهميت وبس س6/ مارائيك بتعليم الطفل السواقه بالصغر هل يضر ذلك عليه؟ ج6/اكيد مضر وان ضد هالشئ الا اذا كان بالبر ينهضم شوي مشكور بناخي الزحزوح والشكر موصول ل(ابن صحران) واختار الشاعر/ علي الدجيما |
رد: موقف حصلك عند تعلم السواقه
العفوء يابن العم ملفي وسراحه امتعتناء بالمواقف المضحكه
النعله لاتكون ماركه هههههه..... خساره!!!!! بانتظار اخوي الشاعر /علي الدجيماء وبنتظار مغامراته |
رد: موقف حصلك عند تعلم السواقه
ههههههههههههههههه
والله موضوع جميل جداً وفكاهي بنفس الوقت مشكور اخوي وبأنتـظار العضو المطلوب |
رد: موقف حصلك عند تعلم السواقه
مشكور اخوي ملفي وبأنتـظار العضو
المطلوب |
رد: موقف حصلك عند تعلم السواقه
العفو اخوي جبر الخواطر والجميل
هو مرورك العطر وبنتظار اخي العزيز علي على احر من الجمر |
| الساعة الآن 04:34 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
