عند العزاء وموادع الحي للحي =هلت دموع العين مثل الهميله
أطيح أنا واقوم واقول وش في =ووجس بوسط القلب مثل المليله
ملوم عيني يا فهد يوم تبكي=تبكي وتبكي من وراها قبيله
عليك يلي من قباله يسلي=مذكر اليا جت اللزوم نعنيله
مرحوم يلي عادته مايصدي=قلبه على درب المراجل دليله
مرحوم يلي مطلبه ما يردي=جزام شيال الحمول الثقيله
نجم(ن) سطع فوق النجوم متعلي=واليوم غاب وغاب عنى ظليله
تعطي يمينه بالخفاء ويش يرجي=ألا ثواب الله وكسب الجميله
غيث(ن )سحابه مدلهم(ن) مسدي=هداج تيما مايشاد الثميله
من بعدك الدنيا نراها ولا شي=لوكان دنيانا علينا طويله
يقطعك يادنيا تقبل وتقفي=يالأدمي دنياك عجل(ن) رحيله
بقلوبنا يالخال تصبح وتمسي=مقدر المولا علينا نشيله

صح لسانك يابومشعل وانت شاعر محاوره ونظم وشهادتي فيك مجروحه

والله يرحم خالك مذكر عيد ابن معنيه ويسكنه فسيح جناته وابو عيد فقيده على

الموازين كافه

المشاركة الأصلية كتبت بواسطة ابن مشدد (المشاركة 211497) وهذه صورة شاعرنا ابومشعل في زواج الاخ /نامي ناجي http://www9.0zz0.com/2009/03/06/18/413547647.jpg من اليسار صورة شاعرنا / شاعي مشعل المينيح

صح لسانك ابومشعل على القصيده المرثيه والله يرحم مذكر بن عيد الدجيماء

وحياك الله أخي شاعي بين أخوانك وأحبابك

ابو مشعل صح صح لسانك


كم تمنيت ان اجد لك لوووو بيت واحد فما باللك بقصيدة............ وقصيدة ليست


كا القصائد وشاعر ليس كأي شاعر..تشرفت بمجارتها وتشرفت بمصافحتك هنا ايه الهرم والجبل لاشم


..قصيدة سبكت وحبكت وكتبت بماء الذهب معاني جميلة كجمال سريرة


شعرها... شاعر مميز يابو مشعل ومهما سطرت من كلامات لن اوفيك ما


تستحق..... تقبل ودي ومروري ومحبتي وتقديري