يسعد اوقاتكم بكل خير



ابيات متواضعه اتمنى ان تعانق اذواقكم


..

لاقلت يالطيب نبـي منـك معـروف =اكيد مايرفض لـك ان كـان قـادر
مايقولك بالطيـب مانـي بمكلـوف =وبين الردى والطيب مابـه مكاسـر
دايم زبون الطيب بالطيب معسـوف =والا الـردى دايـم زبونـه مكابـر
الطيب بالطيب مدى الدهر مالوف=والا الردي دايم عن الطيـب قاصـر
ومن لاتعرفـه ماتثمنـه بالشـوف =ولاينحكم بالشوف والشـوف غـادر
يرميك حضك نوب في رجل موصوف =رجلاً موعيـه الزمـان المعاصـر
وان طشك الحظ الردي عند مشغوف =وحاجتك عنده لازم تقـول حاضـر
عن الغلط مالله جعل خلق مصروف =وعلى الردى من حدك تكون صابـر
نوباً دواها بالمثـل دون ماتـروف =ونوباً بعشره غلطة انسـان شاطـر
وما كل رجلاً قلبه اكتاب مكشـوف =ولا كـل مخبـر جسّدنـه مناظر
يمكن تحصلك ولـد خبـل ملقـوف =والا تحصلـك ولـد حــر نــادر
والاتحصلك عمـى قلـب وكفـوف =والاتحصلـك عـديـم المشـاعـر
والا ولد ليثاُ كسر حاجـز الخـوف =مهما فقد بيـن الوجيـه المصـادر
مايتفق عقليـن باهـداف وحـروف =ولا عقل ابوجابر مثل عقـل جابـر!

أبن مصاول

المشاركة الأصلية كتبت بواسطة أبو راكان (المشاركة 224696) صح لسانك واعتلى شانك ياشاعرنا احمد العوفي على هالقصيدة الشامخة.

المشاركة الأصلية كتبت بواسطة لــمــعــة الــمــاســة (المشاركة 224698) صح لسانك ياشاعرنا المبدع مما راق لي مايتفق عقليـن باهـداف وحـروف =ولا عقل ابوجابر مثل عقـل جابـر! تقبل مروري:لمعة الماسة حساسة

المشاركة الأصلية كتبت بواسطة جـبـرالـخـواطـر (المشاركة 224710) صح لسانك ولاهنت