واحظي اللي للعواكيس معلاق =في كل دربن تنتظرني معوقه
الهم دايم واقفن لي علي ساق=لا جيت ابسلى جاب ذوده يسوقه
حتى السعاده بيني وبينها فراق= وكن التعاسه بس لي مخلوقه

صبرت بس الصبر وشلون ينطاق = وانا خفوقي كاثراتن فتوقه
يذبل شقا اوراق أوتنبت اوراق =وتبرق على الهم المخيم بروقه

واليوم من كثر العنا خاطري ضاق = حتى ولو قلت المشاعر صدوقه

حدتني الدنيا على غير مالاق = وأمست عيوني بالدموع مخنوقه
والمشكله هم وهواجيس ورهاق =ونفسن من الحض المعقد زهوقه
بيني وبين البهذله ظم وعناق=لين إنحرق قلبي ويبست عروقه

متى على الله يشرق الحض بشراق =ويلحق على باقي اماني تشوقه
العمر راح وترقب العين براق=براق ماندري عن اخر حقوقه

ويالله ياللي في تصرفك الأرزاق =ولولا رضاك النفس ليش مخلوقه

أطلبك بالتوفيق من كل الأعماق =ولطف لعينن نومها ماتذوقه

المشاركة الأصلية كتبت بواسطة أبن مصاول (المشاركة 227574) قصيدة جداً راقيه وفخمه ومن العيار الثقيل, وانا أرى انك أختي شويهينه من قصيدة الى اخرى تزيد شاعريتك وتتفجر .. نص جداً متماسك ,قوي ويذكرنا بالقصائد الفخمه التي نفتقدها. والله يبعد عنك وعنا الهم ويفرج لكل مغموم ويبتسم له الحظ . أضحكي للدنيا تضحك لك , أبن مصاول

المشاركة الأصلية كتبت بواسطة الطويل (المشاركة 227577) ابدعتي في نظم هذه الابيات التي لا يكتبها الا من عاشها فترجمتها احاسيسك الى درر منظومه في عقد من الذهب الخالص . ابداع ورقي في المعني وتسلسل في الكلمات . اشكرك ايتها الشاعره المتميزه على هذا العقد الفريد ..

اختي الشاعرة المتميزة شويهينة .

نص مفعم بالاحاسيس يعكس واقع معاش , ولايكتبه الا من اعطاه الله موهبة لترجمة هذا الإحساس بمثل هذه الشاعرية .

أبيات بمنتهى الروعة حسب ترتيب الاجمل من وجهة نظري :

بيني وبين البهذله ظـم وعنـاق=لين إنحرق قلبي ويبست عروقـه
و
العمر راح وترقب العيـن بـراق=براق ماندري عـن اخـر حقوقـه
و
الهم دايم واقفن لي علـي سـاق=لا جيت ابسلى جاب ذوده يسوقـه

المشاركة الأصلية كتبت بواسطة بناخي الزحزوح (المشاركة 227578) صح لسانك اختي الشاعره شويهينة الهيلا وبصراحه ابحناء واستمتعناء بهاء انشاء الله الحض يقوم وتحقق كل امنياتك تقبلي مروري وتقديري وحترامي

واحظي اللي للعواكيـس معـلاق=في كل دربـن تنتظرنـي معوقـه
الهم دايم واقفن لي علـي سـاق=لا جيت ابسلى جاب ذوده يسوقـه
حتى السعاده بيني وبينهـا فـراق=وكن التعاسه بس لـي مخلوقـه
صبرت بس الصبر وشلون ينطاق=وانـا خفوقـي كاثراتـن فتوقـه

المشاركة الأصلية كتبت بواسطة ابن مشدد (المشاركة 227607) صح لسانك شاعرتنا شويهينة الهيلا ومن تالق الا تالق ودائماً مبدعه بماتعنيه الكلمه

الشاعر الي يكتب وعنده أخلاق=نفسه على كتب القاصيد شفوقه
قلبه من الأحساس ينبض وخفاق=فيض المشاعر نابعه من خفوقه
اليا كتب عنده هدف يرض الأذواق=والناس بالتفكير كلن وذوقه
جزل المعاني تجعل الناس عشاق=والشعر بين الناس مابار سوقه

المشاركة الأصلية كتبت بواسطة علي حميدان الدجيما (المشاركة 227624) الشاعره شويهينه شاعره تغيب وتعود بماهو مفيد قصيده من شاعره متمكنه والله انها قصيده ودره ياشاعره والله يبعد الهم عنك تحياتي لك واعجابي بهذه القصيده

المشاركة الأصلية كتبت بواسطة أبو راكان (المشاركة 227626) صح لسانك ياشاعرتنا شويهينه الهيلا.قصيدة جزله.ومبدعه دائمآ

المشاركة الأصلية كتبت بواسطة سالم رباح (المشاركة 227813) اختي الشاعرة المتميزة شويهينة . نص مفعم بالاحاسيس يعكس واقع معاش , ولايكتبه الا من اعطاه الله موهبة لترجمة هذا الإحساس بمثل هذه الشاعرية . أبيات بمنتهى الروعة حسب ترتيب الاجمل من وجهة نظري : بيني وبين البهذله ظـم وعنـاق=لين إنحرق قلبي ويبست عروقـه و العمر راح وترقب العيـن بـراق=براق ماندري عـن اخـر حقوقـه و الهم دايم واقفن لي علـي سـاق=لا جيت ابسلى جاب ذوده يسوقـه

المشاركة الأصلية كتبت بواسطة عز الخوي (المشاركة 227901) صح لسانك شويهينة الهيلا على القصيده الرائعه

المشاركة الأصلية كتبت بواسطة عبدالرحمن بن غلاب الميزاني (المشاركة 227902) شويهينة الهيلا اولا الله يبعد الحزن والهم عنا وعنك وعن كل مسلم وهذه القصيده يعجز عن نضمها الكثير من الشعراء فهي من اجمل ماقرأت واتت من معانات ولم تأتي من نسج الخيال كما يفعل البعض صح لسانك يا شويهينة الشعر وارجو ان تقبلي هذا اللقب مني

المشاركة الأصلية كتبت بواسطة بدر المينيح (المشاركة 227942) واحظي اللي للعواكيـس معـلاق=في كل دربـن تنتظرنـي معوقـه الهم دايم واقفن لي علـي سـاق=لا جيت ابسلى جاب ذوده يسوقـه حتى السعاده بيني وبينهـا فـراق=وكن التعاسه بس لـي مخلوقـه صبرت بس الصبر وشلون ينطاق=وانـا خفوقـي كاثراتـن فتوقـه صح لسانك ياشاعرة المبدعه وقصيدة جزله وعجبتنى القصيدة لكن انا اختار هذة الابيات التى تعبر عن مشاعر الانسان واكرر وقول صح لسانك

المشاركة الأصلية كتبت بواسطة الحميدي بن فارس الميزاني (المشاركة 228209) شاعره متمكنه اختي اشويهينه ورائعه فيما سطرتي لنا من أبيات جزله. واعجبتني الأبيات فجاريتها بهذه الأبيات. الشاعر الي يكتب وعنده أخلاق=نفسه على كتب القاصيد شفوقه قلبه من الأحساس ينبض وخفاق=فيض المشاعر نابعه من خفوقه اليا كتب عنده هدف يرض الأذواق=والناس بالتفكير كلن وذوقه جزل المعاني تجعل الناس عشاق=والشعر بين الناس مابار سوقه الحميدي بن فارس الميزاني

المشاركة الأصلية كتبت بواسطة الفارس (المشاركة 228447) ما اقول الا ماشاء الله عليك يا شويهينة .. صراحة ابيات لا توصف .. وعندنا وعندك خير يا بنت الهيلا الهموم ذبحتنا في هالدنيا عسى الله يصلح الحال .. والله يبعد الهم عنا وعن المسلمين .. تقبلي مروري واعجابي بما خطته يداك ..

المشاركة الأصلية كتبت بواسطة معّرب الجدين (المشاركة 228454) شويهينة الهيلا يوما بعد يوم تثبتين شاعريتك العذبة نص جميل وراقي أعجبني وعشت معه بيتا تلو الاخر ولكن أجد ملاحظه على البيت التالي يذبل شقـا اوراق أوتنبـت اوراق وتبرق على الهم المخيـم بروقـه ألاحظ ان هناك ثقل واضح وجلي بالشطر الأول اتمنى منك أن تنتبهي له وأيضا الأخطاء الاملائيه كثيره بالنص أرجو أن يتم تعديلها لكي تتكمل الصورة الرائعة لهذا النص صح لسانك ولاهنتي تقبلي تحياتي

المشاركة الأصلية كتبت بواسطة ابن مصاول الميزاني (المشاركة 228957) الشاعره شويهينه صح لسانك ولاهنتي على القصيده غبتي مده طويله عن المنتدى والشعر وحضرتي ومعك القنبله اشكرك على هالدره ولاهنتي تقبلي مرروري اخوك ابن مصاول الميزاني