ما لكم إلا عصير الربيع
 

السلام عليكم ورحمة الله وبركاتة

كيفكم ان شاء الله بخير ؟؟

هذا الموضوع تضامنا مع الحملة اللي مسويها أخوي فهد بن صحران..









http://www.mstaml.com/imagesData/f-110726.jpg




اليوم انا كتبت موضوع بنفسي عن الببسي وماادراك ماالببسي >>> اقول لايكثر عطنا من الاخير



هذا يا طويلين العمر




اليوم الصباح و أنا في البوفيه احاسب على الفطور الا اخذت لي كوكاكولا



شوي الا الهندي يقولي بريال ونص !!



قلت له:نعممممممم!! صايدني يبو الشباب ؟ هذا كولا مو ببسي!!



قالي:سديق هذا امس يجي ريال ونص سيم سيم ببسي



قالها وهو يلصق خطاب الشركه في خشمي !!



و أنا اللي تقفل معي واخذ الكولا بارجعه الثلاجه



وقلت والله لو باشرب مويه الردايتر مع الفطور اني ما أخذه بريال ونص !!



وأنا ارجع الكولا لمحت بطرف عيني الثلاجه الصغير اللي جنب ثلاجه الكوكا



إلا اشوف عصير مابقي منه الا 3 حبات



أركز شوي الا هو عصير الربيع برتقال !!



وانا اللي اطالع الهندي بنص عين



و أقوله : وش أخبار الربيع وصل الى خمسه ريال ولا بعد ؟!



قال : لابابا هادا واحد حبه ريال



طالعت في عصير الربيع وابتسمت بحنان



وبغيت أضم القوطي لولا اني خفت الهندي يقول عني مجنون



وانا اللي اضف أخر 3 قواطي في الثلاجه واحاسب الهندي وأطلع



اول ما ركبت السياره وانا اللي افتح قوطي الربيع (وأطعنه)بالمزاز وامزلي ذيك المزه



الللللللللللللللله ياهي مزه !!! (بفتح الميم وليس بضمها..منعاً لسوء التفاهم)



الله يا جماعه الخير يوم ذقته اني احس اني رجعت 12 سنه لورى



تذكرت ايام الطفوله



وأيام المدارس والفسحه بعد الحصه الثالثه



تذكرت أيام الاختبارات



تذكرت لا أبوك عطاك ريال وقالك اشترلك عصير مفيد بدل الببسي والله ما كنت اخذ غيره



يالله على ذيك الأيام والله ان الريال فيها كان بركه



كان البزر فينا اللي معه5 ريال يعتبر كأنه الوليد بن طلال بيننا!!



أيام كان الريال الواحد تخطط له وين بتصرفه وكم حبه علك بتشتري فيه !!



والله من زود الحنين قمت أسولف مع القوطي وكان الحوار كالتالي:



تصور يا(ربيعي العزيز) ان الببسي كبر راسه قبل كم يوم؟!



وما صار يرضى يطلع من الثلاجه الا بريال ونص ؟؟



شاف نفسه الخايس !!



بعد كل اللي سويناه ليه



أبائنا يحذرون منه وطنشناهم



الدكاتره يقولون لا تقربونه وطنشناهم



وقلنا هذا ببسينا الغالي



وهذي اخرتها حبيناه الى ما كبر راسه علينا



على بالك همنا يالربيع؟!! لا وغلاتك ما هز فينا شعره !!



وقلنا له بلعنه ما نبغاك عندنا ولد عمك الكوكا كولا



للحين حبيب ويجي معنا بريال زي الحلاوه



بس والله يالربيع طلع قليل خاتمه مثل ولد اخوه !!



ما مر عليه يومين الا هو الثاني صار يتغلى وصار بريال ونص !!



تصور يالربيع !



طول عمرنا نشتريه بريال؟



وش اللي جد في الموضوع ؟



تقولي السكر ارتفع؟



بالله خلهم يلعبون غيرها !!



طيب ليه ما ارتفعت اسعار الكيك والعصائر والمربي....مع انها فيها سكر هي الثانيه !!



والسؤال الأهم انت يالربيع ليه ما ارتفع سعرك؟ ليش انت ما فيك سكر ؟



انا أقولك ليه............ لأنك وفي!!



من يومك وانت بريال

من يومك وأنت بارد

من يومك وأنت تروي عطشنا





والله لا أرجع لك لأن ثبت ان باقي المرطبات مافيها خير





-الببسي والكوكا وكبر راسهم وصاروا يرال ونص !!! >في ستين داهيه على قوله اخوانا المصريين







-البايسن وطلع يجيب عقم !



-السن توب طلع دنماركي




-الريدبول طعمه خايس وميزانيته ما تصلح مع اخر الشهر






-الهولستون الرمان بعد ما حبيناه باسبوع صار ب3 ريال ونص !! يعني نسيناه قبل لا نحيه










فديت راسك يالربيع مالنا إلا أنت فلا تتخلى عنا تكفا.....!!!




كل هذا الحوار دار وأنا ما زلت واقف امام البوفيه



والهندي يناظر فيني من ورى القزاز ويدق بجوال >>ضنتي انه يدق على مستشفى شهار !!



أثرت السلامه وتوجهت لدوامي ومعي قوطيين ربيع زياده لزوم الغدى والعشى



وخلي الكولا في ثلاجاتها

وخلي النص ينفعك يالببسي





وخلي النص ينفعك يالببسي ..




http://doraan.com/up//uploads/images/d1-31a42af281.jpg











ملطووووش

رد: ما لكم إلا عصير الربيع
 

شـكــ وبارك الله فيك ـــرا لك ... لك مني أجمل تحية .

رد: ما لكم إلا عصير الربيع
 

رد: ما لكم إلا عصير الربيع
 

ههههههههههههههههههه

ربيع صحه للجميع

اي والله مالكم الا عصير ربيع

يالله يد بيدا حملة على مقاطعة المشروبات الغازيه

يعطيك العافيه اختي العزيزه ارجووان على النقل المميز

دمتي بووود

رد: ما لكم إلا عصير الربيع
 

الحمدلله لي سنه ماشربت ببسي من قبل انو يصير بريال ونص

قراءت عنه كلام والله اني كرهته خل الاسباب الصحيه على جنب مفروغ منها اهم سببين خلتني اقاطعه الاول انو يدخل في صناعته شي من الخنزير وثاني سبب ان الشركه المصنعه للببسي داعمه لاسرائيل هاذان السببين كافيه ان الواحد منا يقاطعه لكن للا سف لم نحرك ساكن ولم نشل الحملات الى ان غلي الببسي نص ريال الله المستعان قومنا الدنياء وماقعدناه

يعطيك العافيه نقل مميز

رد: ما لكم إلا عصير الربيع
 

مشكلة الناس أنهم لا يحسون بفرق السعر لأنهم يقولون نصف ريال وبعدين؟؟؟؟ نصف ريال ماهي شئ!!

إلا شئ إذا حسبت أن شركة الجميح أو القصيبي تبيع مليون حبه يومياً إذاً الفرق نصف مليون ×365=182500000 ريال ..عرفتوا الفرق.

بس صاحب عصير الربيع ليش يسميه قوطي؟؟؟؟ وهو كرتون!!! المفروض يسميه "عبوه"

لا هنتي على النقل أختي أرجوان وأنا أويد هذه المقاطعه ...

رد: ما لكم إلا عصير الربيع
 

عصير الربيع احسن عصيررر مالنااا غيرة

يعطيك العافية ياعسل

رد: ما لكم إلا عصير الربيع
 

ههههههههههههههههههه

عصير الربيع صحه للجميع


طاب لطشك ارجوان

يعطيك العاافيه

رد: ما لكم إلا عصير الربيع
 

رد: ما لكم إلا عصير الربيع
 

ههههههههههه قدام العبوه اسمها عند ارجوان قوطي لا ابشرو ابي رتفع سعره ههههههههه..

رد: ما لكم إلا عصير الربيع
 

ملطوش جميل اختنا ارجوان ومحاوره جميله من صاحب القوطي زي ما قال
بس لاتمدحون الربيع كثير ثم يرتفع سعره ههههههههههه

رد: ما لكم إلا عصير الربيع
 

هذا المشكله يابوسعود اذا ارتفع وجاه ماجاء الببسي:049:

رد: ما لكم إلا عصير الربيع
 

العفو كلي إحساس ..

لا هنتي على المرور

رد: ما لكم إلا عصير الربيع
 

صدقتي ريم الله يديم النعمة .. بس والله إن له شوق وحنين لأنه أول عصير عرفناه من طلعنا ع الدنيا ..

وأنا كذلك مقاطعة المشروبات الغازية منذ مبطي ..




الله يعافيك ..

رد: ما لكم إلا عصير الربيع
 

بنشوف يافهد حملتك تنجح ولا لا ؟؟




الله يعافيك .. ومشكوور على تواجدك العطر ,,

رد: ما لكم إلا عصير الربيع
 

صدقتي أختي دره المفروض يقاطعونه على الأسباب اللي ذكرتيها مو على إرتفاع سعره .




أشكرك على مداخلتك والله يعطيك العافية ..

رد: ما لكم إلا عصير الربيع
 

صدقت أخوي ابن مصاول الناس متهاونين بهالنص .. ما دروا إنا إذا جمعنا نص على نص بيطلع مبلغ وقدره ..



والسبب سلمك الله في إنه سماه قوطي هذا والله إما من زود الطفارة اللي أثرت بعقله أو من هول الصدمة..


أشكرك اخوي ابن مصاول على تواجدك وتعليقك ..

رد: ما لكم إلا عصير الربيع
 

الله يعافيك يا إشطه ..


منورتنا أختي أم الأمير ..

رد: ما لكم إلا عصير الربيع
 

الله يعافيك أخوي جبر الخواطر ..



لا هنت على المرور ..

رد: ما لكم إلا عصير الربيع
 

رد: ما لكم إلا عصير الربيع
 

بيرتفع ,, بس أصبر للحين ما وصله الدور ..


كل الشكر على تواجدك أخوي ابن مشدد ..

رد: ما لكم إلا عصير الربيع
 

مشكوره ايتها التاجره المتنقله ..

رد: ما لكم إلا عصير الربيع
 

رد: ما لكم إلا عصير الربيع
 

تواجدك الأجمل أخوي عبد الرحمن .

إذا ربي عطانا عمر بنشوف إن مارتفع سعره . . ماوصله الدور لها الحين .

كل الشكر ع مرورك .

رد: ما لكم إلا عصير الربيع
 

إي والله ياطويل . . الله يخلي لنا البسطة شفت العالم رفعوا اسعارهم فقلت وش زودهم على أرجوان ؟ خلني أرفع اسعاري وياربي لك الحمد .

وبعدين أنت تضحك على صاحب القوطي تسوي نفسك ما تعرفه ؟

هذا واحد يعمر له فله يقال له أبو فيصل وفي رواية أخرى الطويل .هالفلة أكلت
ماوراه ودونه ومن زود الطفارة اللي أثرت بعقله قال قوطي .

بس قل له لايجيني ادينه سيارة ترا ماعندي .


كل الشكر لتواجدك .

رد: ما لكم إلا عصير الربيع
 

انا الببسي مااحبه خلقه لكن الميرندا مااقدر فيه

يسلموا ارجوان

رد: ما لكم إلا عصير الربيع
 

العفو أختي رذاذ ..

تسلمين .. والله لا يحرمنا طلتك البهية




كل الشكر لتواجدك ..