|
القصيدة التي اثير حولها جدل في شاعر المليون
بسم الله الرحمن الله الرحيم (مليون احتمال) هذه القصيدة التى اثارت الجدل في تصفيات شاعر المليون النسخة الثالثه
ياشمس طلي واشرقي زار الفنا عذب القصيد= الصمت خيم فوق راسي والصبرخيم وطال احيان اجد نفسي كذا عايش بهالدنيا سعيد = واحيان اضع حول السعادة قوس واكثر من سؤال احس بحروفي دفا ممكن يقرب لي بعيد= واذا كتبته صار بالحسبان مليـون احتمال ماكل حر(ن) لانوى الهدات يفلح بالهديد = ولاكل من هازا الطويله عانق سفوح الجبال شاعر يقول الشطر يحفظ له مع الامه رصيد=وشاعركتب وادي قصايد وانمحا شعره وزال شاعر يموت وينحسب موته على الامه فقيد=وشاعر يموت ولاشكا فرقاه غير ام العيال قلته وانا ماني لحالي لاحشا ماني وحيد = جيت احمل معاناة غيري من نساء ومن رجال كم من حروف(ن)مشرقه هاجت وذاب الها الحديد=ومن قبل لانطرب لها ذابت وغطتها الرمال اتوه في ليل(ن) دجى وصور الماضي واعيد= ويشوقني برق(ن)تكاشف شرق والوجهه شمال وصوت(ن)ينادي فالدجى كنه يقول اليوم عيد= ثم استجابة وامطرت بعده هماليل الخيال نادا به اللي لانوى الجزلات ماعنها يحيد = شيخ(ن)تبنا عدلها يوم ان سيف العدل مال نادا وقال اسرج خيولك دون شرط ودون قيد=يوم ان غيره مارغبك الا وعندك راس مال ان كان للاشعار فالتاريخ تاريخ(ن)مجيد = اليوم اشوفـه بسم ابوخالد لبس ثوب الكمال ياشيخ انا شاعر جزل واخشى مقولة لاجديد = وشلون اقدم لك جزيله وانت مرتع للجزال ومن يمدحك نذر(ن)علي انه هو اللي مستفيد = تصبح علم في وسط شـعره غـير قـابل للزوال |
رد: القصيد التي اثير حولها جدل في شاعر المليون
صح لسانك يابوحمد.وتضاف لروائع عبدالرحمن العقيلي.
سوأل:ابوحمد هل اجازوك اللجنة بهذه القصيدة. |
رد: القصيد التي اثير حولها جدل في شاعر المليون
صح لسانك يابو حمد وعتلا شانك وقصيده جميله
|
رد: القصيدة التي اثير حولها جدل في شاعر المليون
صح لسانك يا أبو حمد ولي عودة مع هذه الرائعه
|
رد: القصيدة التي اثير حولها جدل في شاعر المليون
صح لسانك ياشاعر الـ ع ــقايله
|
رد: القصيدة التي اثير حولها جدل في شاعر المليون
صح بدنك يابو راكان
وياهلابك-خلال اللقاء الاعلامي تحدث معي ابوضيف الله عن هذه القصيدة ووضحت له انني حصلت على اجازة اعضاء لجنة-المليون-تركي المريخي-وحمد السعيد-وبدر صفوق-فيما اجازني سلطان العميمي بتحفظ يعني اجازه غير مؤيدة والسبب كلمة سفوح كنت اقصد بها قمم الجبال-بينما هي منحدرات الجبال فاللغة وهذ السسب الذي اخرجني من المسابقة كلمة واحده والحكم للجميع تحياتي |
رد: القصيدة التي اثير حولها جدل في شاعر المليون
صح بدنك يبن مشدد
اسعدني مرورك تحياتي لك |
رد: القصيدة التي اثير حولها جدل في شاعر المليون
الف شكر يابوضيف الله
وبانتظار عودتك تحياتي |
رد: القصيدة التي اثير حولها جدل في شاعر المليون
صح بدنك يبن طلاق
اسعدني مرورك الف شكر على تقبل تحياتي |
رد: القصيدة التي اثير حولها جدل في شاعر المليون
صح لسانك ملايين يابوحمد وحسبي الله على سلطان العميمي عشان كلمه لايجيز
ولاكن خيره اخوي عبد الرحمن والجاي انشاء الله خير بأذن الله والله يوفقك |
رد: القصيدة التي اثير حولها جدل في شاعر المليون
صح لسانك يا العقيلي والله مافيك حيلة على قولتهم
|
رد: القصيدة التي اثير حولها جدل في شاعر المليون
صح لسااااااانك ملايين
جزله ومن رأس جزل مهما قلت عنك وعن شعرك اعتبر نفسي مقصر ولو بكتب كل اللي في صدري ماتكفيني صفحات المنتدى اخوي عبدالرحمن كلمه(سفوح)استغرب انها مرت عليك لأني قرأت المقابله اللي معك كلها وماأتضح لي انك شاعر مثقف//خيرها في غيرها يالذيب والجايات أكثر وأتمنى اني اشوفك فالنسخه القادمه لشاعر المليون,,,كل التحايا لك |
رد: القصيدة التي اثير حولها جدل في شاعر المليون
صح لسانك ياالعقيلي .....
قصيده جزله من شاعر جزل ...... لا تكرهو شيآ وهو خيرآ لكم .... القادم أفضل .... تحياتي لك عــــــ المطيري ــــــــــيد |
رد: القصيدة التي اثير حولها جدل في شاعر المليون
صح لسانك عبدالرحمن
وماعليك من شاعر المليون وانت شاعر انا بنفسي اطرب لقصائدك بدون مجامله وشاعر المليون يعتمد على جميع القبائل بأن يكون منها اثنين او واحد وقليل ثلاثه من قبيله واحده وتقبل مروري المتواضع ولك ودي |
رد: القصيدة التي اثير حولها جدل في شاعر المليون
صح لسانك أخوي أبو حمد
|
رد: القصيدة التي اثير حولها جدل في شاعر المليون
مرحبا بناخي الزحزوح
طبعا لجنة المليون انفسهم اعتقد ان بينهم تنافس كيف يجي ثلاثة ويجزون القصيدة بقوة ياتي الرابع ويكتشف خطا بيسط مشى على بقية الاعضاء-سلطان العميمي اعتقد ان هذه الطريقه جعلت هيئة ابو ظبي للتراث والثقافه يرقونه للمرتبه الي وصل لها الان على حساب الشعراء الذين يتصيد اخطاءهم عنم خيرها بغيرها والف شكر على مرورك الكريم |
رد: القصيدة التي اثير حولها جدل في شاعر المليون
سفير مطير
اسعدني مرورك وصح بدنك وشهادتك غاليه من غلاك تقبل تحياتي |
رد: القصيدة التي اثير حولها جدل في شاعر المليون
ايضا ماعليك زود ياخوي ملفي
فعلا هو خطى فادح شاعر مبتدى ماتطوف عليه لاكن مكتوب اشكرك على مرورك الكريم ومداخلتك الرائعه وتقبل تحيلتي |
رد: القصيدة التي اثير حولها جدل في شاعر المليون
اخي عيد امطيري
جميله مداخلتك وهي عباره عن مواساة ههههه اشكرك على هذا الاطراء وبالفعل الخيره في مااختاره الله تقبل تحياتي |
رد: القصيدة التي اثير حولها جدل في شاعر المليون
ا اخوي الشاعر/عبدالله العوني
اشكرك على هذه الاطراء الجميل والرائع واعجابك في قصائدي تاكد بانه غاية دائما وابدا نبحث عنها ولاعليك زود تقبل تحياتي |
رد: القصيدة التي اثير حولها جدل في شاعر المليون
صح بدنك ياعزيز النفس
تحياتي |
رد: القصيدة التي اثير حولها جدل في شاعر المليون
بغض النظر عن أي خطأ وقع فيه الشاعر لغوياً إلا ان القصيدة جزلة ومن العيار الثقيل ولو لم يتصيدوا محكمي شاعر المليون أخطاء الشعراء لما أصبحوا لجنة حكم فهم مطلوب منهم فلترة القصائد ولكن المشكلة انهم يمررون جمالاً ويمسكون النمل!!! ففلترهم دائماً مطاوعه..
اخي الشاعر والكاتب القدير عبدالرحمن العقيلي صح لسانك حتى ترضى وقصيدتك جزلة من شاعر عرف بالجزاله.. احيان اجد نفسي كذا عايـش بهالدنيـا سعيـد=واحيان اضع حول السعادة قوس واكثر من سؤال
تقبل مروري ابن مصاول |
رد: القصيدة التي اثير حولها جدل في شاعر المليون
ابو حمد صح لسانك مليون والله يعوضك فالمليون
وانت اكبر من شلة غسان والعميمي ومن وراءهم المهم انا ابي اتفلسف شوي يابو حمد وابي اصير غسان المنتدى هههههههه اقتباس:
ابو حمد هل هناك ترابط بين الصدر والعجز في هذا البيت من وجهت نظرك؟ ألم يكون العجز منافي لما اتى في الصدر؟ |
رد: القصيدة التي اثير حولها جدل في شاعر المليون
اشكرك على هذا الشعور ورايك بالقصيدة كراي اعلامي كبير وناقد على مستوي عالي يابوضيف الله
ولاهوب مدح فيك لكونك مطلع الا؟ شهادة حق فانت لك ثقلك ودرايتك بالشعر ولاتقل واذا ماكنت افضل من لجنة المليون فانت تعد على مستواهم:رايك تقول بالفعل يوجد خطا لغوي ولكن لايوصل لدرجة التحفظ خطا كان بامكان العميمي يتجاوزه فقط مع لفت نظر الشاعر لعدم الوقوع في مثل هذه الاخطاء مستقبلا وهذا راي اغلبية النقاد الذين اطلعو على هذه القصيدة:ولكن فات الفوت والخيره فيما اختاره الله والف شكر يابوضبف الله على اطراءك الجميل وشهادتك بالقصيدة بانها من العيار الثقيل عوضتني عن كل مامضى تقبل تحياتي |
رد: القصيدة التي اثير حولها جدل في شاعر المليون
هلا يابوعيسى حياك الله ملايين
تقصد المسيقه اللي هي الشطر الثاني يتحدث عن الشطر اللي قبله كيف؟؟؟؟ اضرب لك مثل ابوعيسى االلي يرد فيه قصيدة هو المستفيد اللي هو الشاعر الشاعر هو المستفيد ماهو ابوعيسى وشلون؟؟ مجرد انه ذكر اسم ابوعيسى في قصيدته خلاص ستخلد هذه القصيدة ولن تنسى ولن تزول اقول لابوخالد الشيخ محمد بن زايد حفظه الله
من يمدحك نذرٍ علي انه هو اللي مستفيد=تصبح علم في وسط شعره غير قابل للزوال
بمعنى ان اي شاعر يمدحك ويذكر اسمك يابوخالد في قصيدته ستخلد هذه القصيدة ولن تزول ليه ماتزول؟ لان اسم الشيخ محمد بن زايد موجود في سطورها والمستفيد هو الشاعرانشاءالله اني قدرت اوصل لك اجابة السؤال يابوعيسى شاكر ومقدر لمرورك ومداخلتك الرائعه وتقبل تحياتي |
رد: القصيدة التي اثير حولها جدل في شاعر المليون
< مليون إحتمال >
والله انك حيرتني يابو حمد شسميك (الشاعر الاسطورة أو أسطورة الشعر) عموماً تستاهل كل خير ولجنة شاعر المليون ع العين والراس بس فيهم أنهم يقيمون القصيد النبطية بالقصايد الفصحى.... والله يعطيك ألف عافية يابو حمد ودي وأحترامي / إِبّــ(زَرّاَقٌ)ــنْ |
رد: القصيدة التي اثير حولها جدل في شاعر المليون
جميل جدا مرورك ومداخلاتك مثيره جدا اخوي قاسم
الف شكر على هذا الوصف الرااااااااائع والذي هو مصدر فخر لي وشهادتك غاليه من غلاك تقبل فائق احترامي وتقديري |
رد: القصيدة التي اثير حولها جدل في شاعر المليون
ياشيخ انت مبدع وفضل من سلطان العميمي
كان قلت له انزل الميدان مناضره بيني وبينك خليته يعرف وش معنى شاعر صدقني عدم ايجازتك لن تزيدك الا قوه يااااااااااااامبدع |
رد: القصيدة التي اثير حولها جدل في شاعر المليون
اقتباس:
شهادتك غالية الثمن بدون ادنى شك وتعوضنا عن كل شي تقبل تحياتي |
رد: القصيدة التي اثير حولها جدل في شاعر المليون
صح لسانك اخوي عبدالرحمن العقيلي وبيض الله وجهك
انت شاعر المليون جمهور بدون شاعر المليون درهم |
رد: القصيدة التي اثير حولها جدل في شاعر المليون
اقتباس:
بن مصاول الميزاني صح بدنك ملايين شهادتك ك غالية ونعتز بها جدااا تقبل فائق احترامي |
رد: القصيدة التي اثير حولها جدل في شاعر المليون
الله الله ياجبل مايهزك ريح
مهما قالو يبقى النص شامخ شاعرنا |
رد: القصيدة التي اثير حولها جدل في شاعر المليون
لاهنت يبن حسين
تقبل تحياتي |
| الساعة الآن 12:49 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
