|
حمران النواظر ياخوالي ................؟
سلام الله على اللي دايم العليا لهم منزال
مطير أهل الشجاعة باول الدنيا وتاليها رجل ماهم بني عمه ولا له من طرفهم خال عيونه وقت عسرات الليالي جت بما فيها والطارف من خوالي يسد اللازم |
رد : حمران النواظر ياخوالي ................؟
تبي فزعه يالبناخي ابشر بسعدك حدد وش تبي
|
رد : حمران النواظر ياخوالي ................؟
اقتباس:
هلا يا مرحباً ترحيبة تزها بمن هو قال:=( مطير أهل الشجاعة باول الدنيا وتاليها) وحنا يا خوالك للمراجل عندنا مدهال=ونارد في حياض الموت والأرواح نهديها أبن مصاول : وسر يا ساري |
رد : حمران النواظر ياخوالي ................؟
حياك يالبناخي هلا ومسهلا
وابشر بعزك ونا خالك |
رد : حمران النواظر ياخوالي ................؟
اعذرني يابن مصاول بالتاخير
استلم اعرف ان الجبل ثابت ولو طال الزمن ما مال عسى خالي يحلل كلمتي من قبل لحكيها فراعنة الكنانه قامت تصنع لها تمثال وسكان الجزيرة لاحياة لمن يناديها |
رد : حمران النواظر ياخوالي ................؟
راس الضلع
مودماني لاهنتم وعزالله انكم كفوا وابيكم سالمين وغانمين دوووووووووم . بس نبي نوسع صدورنا ونتعلم من اللي سبقونا . لاهنتم ياخوالي ... واشكركم على المرور والتفاعل . |
رد : حمران النواظر ياخوالي ................؟
أعرف أنك من صقور مواكرها طوال جبال=ومن جزل المعاني رايح تصطاد غاليها وترى رجل الجزيره للمصاعب دايم شيال=وأهل مصر العروبه سابقينا من مباديها وأسف للتاخر بسبب مشكلة بطئ في النت قد طرأت على كمبيوتري وخاصة من امس ولا يتحسن التصفح إلا حوالى الساعة 11:30 مساءاً وخاصة لموقعنا هذا وانا اداخل عن طريق سيرفر أرامكو اما السيرفرات الثانيه فلا يوجد بها مشكله |
رد : حمران النواظر ياخوالي ................؟
مدام انه مع اهل الشعر لك مخرج ولك مدخال
وليال العيد تعرف ياصحيبي من عصاااااريها انا بنشدك عن بنت(ن) يعيش بوسطها رجال ولولا الرجل يا خالي ترى محد(ن) يدانيها ولو ردي جا متأخر شوي بسبب ظروف الإجازة في الرياض وتحملني شوي يا خالي وعلى فكره تراني ماعرف اكتب لو لاحظت ملاحظة مشها ........ تحياتي .. |
رد : حمران النواظر ياخوالي ................؟
اقتباس:
منول يوم أحل اللغز وبالأغاز ما أحتال=أحله في دقيقه ما أتأخر.. لا.... ما ثنيها وترى يا صاحبي عقارب الساعه بعد تنقال= ورصاص وبندق الصايد تراها في حراويها |
رد : حمران النواظر ياخوالي ................؟
الظاهر أن الحل الصحيح هو (اللولو والمحار)..........
|
رد : حمران النواظر ياخوالي ................؟
اقتباس:
جبتها صــــح >> اثرك شاعر |
رد : حمران النواظر ياخوالي ................؟
اعرف انك من رجال (ن) مواقفهم تهد جبال
واعرف انه على مثلك ترى صعبة نمشيها ترى مقياس ريختر ماضبط في قراية الزلزال تطوف الاوله والثانية جت في حراويها عندي طلب بسيط من القائمين على هالمنتدى ... يكون به قسم ( المحاورة بين الاعضاء ) حتى نستفيد ممن سبقونا بهالمجال وتقبل تحياتي يابن مصاول ...... ولي عودة معك قريبا لا اللعب مع من هم بحجم شاعريتك مكسب بكل تاكيد .. وتقبل تحياتي .. |
رد : حمران النواظر ياخوالي ................؟
اقتباس:
تقوله صدق يا بناخي؟؟؟ وحل اللغز يا حلال!!!=أجل لولوها ومحارها أبد ما يروح غاديها وانا خالك ترى الملعب يبي له في الكلام زلال=زلال الهرج نفرح به ونختم به...... معانيها وأبشروا باللي تبونه رايح انفذه إن شاء الله عن قريب أبن مصاول: سعدت بالمحاورة معك يالبناخي |
رد : حمران النواظر ياخوالي ................؟
يامرحبا ياطلال ونا خالك امر تدلل اللى تبي انا حظر
|
رد : حمران النواظر ياخوالي ................؟
بيض الله وجيهكم ومحاوووووره ممتعه جمعت البناخي مع ابن مصاول اسئل لكم التووووفيق والهدايه
|
رد : حمران النواظر ياخوالي ................؟
حياك يا شليان وسرنا مرورك وتعليقك ولا يهون أبو عابد
|
رد : حمران النواظر ياخوالي ................؟
ارحب طلال التويجري هلا ومرااحب ومسهلا في المنتدىى
ياهلا ومرحبا بالي ينشد عن خواله جيتك ياطلال تسووى ثالث العيدين ياهلا ومرااحب ياطلال في المنتدى وااسف على التاخير من ناحية الترحيب اخوك شديد الميزااني |
| الساعة الآن 12:43 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
