(العمر )


*العمر يابنادم تـــراااه يهبشنا
والقلب مالك غير تحسن نواياه



*أمس أنولدنا مضغة"ن"وأنتعشنا
في صغرنا مانطلبه دوم نلقـــاه



*أقصى مطالبناأليامن جهشنا
نصيح نبي الديد ونقول يمــاه



*عقب الطفوله بالمراهيق طشنا
في مراهقتنا كل شي فعلنــاه



*ووقت الشباب العقل معه أبتلشنا
عشنا الحياة وكل شي عرفنــاه



*وعلى تمام العمروالشيب يشنا
نصبح كبار وكل مافات ننساه



*همومنا نشيلها مــــاطفشنــا
نحيـــاوألــه البيت يحفظ وياقاه



*يومك فرشت اليوم حنا فرشنا
وماقدمه راعي المعاريف يلقـاه



*ياما على كف المقدر طرشنا
نمشي ورب العرش يقسم عطاياه



*ياما تجادلنا وياما أهتوشنا
واللي تفرق من غلانـــا جمعناه



*وياما لمرسال الحبايب كرشنا
وياما تركنا المـــاي يرجع لمجراه



*ياما حبيب"ن"فالمحبه وحشنا
وياما فقيد"ن"عقب مامات صحناه



*نسج في دنيا"ن"عماها عمشنا
كلا على مايشتهي يــــدور منــاه



*يــــاكثرما للوقت لاراح هشنا
نعد ســـاعاته وننكــرعطــايــاه



*وياكثرما أروانا الزمان وعطشنا
وقت مضى من عمـرناماحسبناه



*على جدار الوقت ياما نقشنــا
وسم لنا في صفحة العمـرنقراه



*وشعاد من ما فات ياهووه حشنا
وشعاد خذنا من عمرنا وحشناه



*وشعاد حصلنا ولو كان نشنا
وشعاد حصلنا وهـــذي سواياه



*يارب حسن الخاتمه لابلشنا
يارب ترحمنا وتحسن بقاياه



*وختامنا للموت لوكان عشنا
الموت حق ولازم الخلق ترضاه



*لادقت الساعه ودني نعشنا
لآخرطريق في عمرنا وصلنــاه



*قبر"ن"على قدالجسم به دفشنا
وأغلى عيالك من يحطك بضلماه



*فوقك يهل من الترايب ويشنا
ويدمدم ترابك حبيبــك بيمنــاه



*تقعد وحيد"ن"ونس الله وحشنا
كلا يروح ورحمة الله تـــولاه



*هذا العمر كنه دقايق وعشنــا
من راح ماكنه مشى الدرب ماطاه



*وختامها صلوا عدد ما أفترشنا
وعداد ماصلى المصلي لــــمولاه



*وعداد رمل البر وطيور رشنا
على النبي المصطفى لاختمنـــاه



وسلامتكم
دانة القصيد

فهد الشمشم


صح الله بدنك يالغالي


المميز مرورك سيدي لاهنت


سلمت ودمت لاعدمناك

الدانه

سنا برق


الرائع تواجدك فديت قلبك أناا


يااااااالبيه يالغلا ذاك ماكنت أتمناه


الشكر لك سيدتي على عذب تواجدك لاعدمتك


سلمتي ودمتي لاهنتي

الدانه

سهام


صح كلك يابعدي


أعجابك دافع للأحسن فديت عيونك


مرورك اسعدني لاعدمتك


سلمتي ودمتي شاعرتنا

الدانه

عزيز النفس


صح بدنك يالغالي


اسعدني تواجدك لاهنت


سلمت ودمت لاعدمناك

الدانه

ابن زراق قاسم المطيري


هلابك يالغالي طال عمرك ودام عزك لاهنت


سعدت بطيب حضورك لاعدمناك


سلمت ودمت فديناك

الدانه

الرائع تواجدك لاعدمناك


الشكر لسموك على عذب مرورك فديناك


شهادتك وسام لاهنت


سلمت ودمت يالغالي

الدانه

ابو راكان


حياااااااك مشرفنا الغالي


صح بدنك ودام عزك لاعدمناك


شرفني مرورك هنا سيدي لاهنت


سلمت ودمت فديناك

الدانه

فتى الجزيره


صح بدنك يالغالي


انتظارك محل أعتزازوتقدير,,,, وحافز لكل جديد لاعدمناك


سلمت وسلم تواجدك لاهنت


الدانه

امير الروح


صح بدنك يالغالي


سعدت بعذب مرورك لاعدمناك


سلمت ودمت لاهنت


الدانه