ههههههههه اجتماع اوبك مع جدتي موضي هههههههههههه
 

واجتماع اوبك و جدتي موضي
السلااااااااااااام عليكم ..

اول شي اهنئ اهل الريااااااااض .. بالاجااااااازة هاليومين ..والصراااااااحة المفروض يغيرون اسمه ..من مدينة الرياض الى مدينـــة الاجازاااااااااااااات ..:00113:




بس هالمرة طلعت بطاعونة هالإجازة .. يوم يقولون فيه اجازة وبعدين يقولون مابش ..
وحنا بلشين بشنطة امـي .. ماغير نـنـزله ونرفـعـه فـوق هالــدولاب ..
فيه اجازة نــزلوا الشنطة أحط به هدومكم .. نروح للشرقية ..
لا مافيه اجازة ارفعــوا الشنطة فوق الدولاب ..
والله يالسحــاب من القهــر لاشـــاف امي وهــــو فوق الدولاب انفتح هو من نفسه ..


مالكم بالطويلة يالبي ..


انا طلعت انا وجــدتي موضي بشوارع الرياض نشوف اســـتعدادات الرياض لاستقبال الوفود ..
ومثلكم خااااااابرين .. مع كل مؤتمر .. تستعد الرياض لاستقبال هالضيوف ..
بالورود والأعلااااااااااااااام .. والاجازات ..



وحنا ندور بالشوارع ومعي ( صقيقتي ) جدتي موضي ..
طبعاً مغطية نص وجهه والنص الثاني مطلعة عيـنـه علشان تشـــوف .. ونص العبـــاة تسحـــــب بالشــــارع ..
وتطن معه وتحشرهة جــــدتي وتســـــألن :


هاللحين ياوليدي وشـواله غـازين هالبـيــــارق ..
وشــواله هالعالم هاللي تخترش ماغير تغرس بهالــورد .. غاديتن الأرصفة يادافع البلى تقول مزهرية ..


هذا يمه علشان اجتماع راعين منظمة اوبك ..
جامعينهم يبون ( ترفع ابوك ) اسعار البترول ..

قالت امي :اارفع ثوبي .. وش عليهم من ثوبي ارفعه فرقعين جدي ..
<<((== تحس انه مطمبسة وماسكة طرف ثوبه من تحت ..


لا لا ياميمتي وش دخلهم بثوبتس .. عااااااد لاتخلينا انتي وهالثوب يافستان زفاف فاتن حمامة على غفلة ..
هذي ياميمتي ( اوبك ) منظمة الدول المصدرة للبترول ..


ايه .. البترول .. زاد اقول ياوليدي وش ريحة هالديــــزل ..


ياميمتي وش يجيب الريحة لهم .. والله لو انهم يشتغلون بمحطة بنزين ..
هذولا وزراء .. مثل النعيمي عندنا هو اللي يجمع قروش البيع حقات البترول ويروح يعطيهن الملك ..
يقول للملك .. هذولي قيمة بيعنا للـ 9.000.000 ملاااااااااااايين برميل ..


لااله الا الله .. تسعة ملااااااااااااااااين برميل كل يوم ..
وتسبدية ياوليدي من هاللي يبي يــدربيهــن لهم .. هذولي يبي لهم شهر وهم يدربونهن ..
:0028:


بعدين وش يبي بهم الملك يجمعهم عنده .. يجيهم شي همن يقعد يبلش مع اهلهم فرقعين جدي ..
هذولا بسم الله علينا سريعين الاشتعال .. مير علم الملك لايقعد هاللحين يدخل عليهم بالمبخرة يبي يبخرهم همن يقبعــون ..


ياوليدي هذولا الله اعلم انهم يتطيبون بطفاية حريق ..

انت تدري ياوليدي ان هذولا يعرقون ديزل .. مهوب مثلنا عرقنا موية وملح ..



اقول ياوليدي انا اقول الله يستر من هالاجتماااااااااااااااع ..
اخااااااف بااااااااااااتسر عقب هااااااااااالاجتماع ..
يرجع سعر لتر البنزين الى ريال ..

همن نقول ياليتنا بلى هالااجتماااااااااع وبلى هالاجااااااازة ..




وسلاااام ائليكم ..


سي يو

رد : ههههههههه اجتماع اوبك مع جدتي موضي هههههههههههه
 

لا يالحضري بشر جدتك أن الإجتماع سيتم فخلها تنزل الشنطه والإجتماع هذا ماهو علشان رفع أسعاره بل لخفض أسعاره لكي تكون في متناول الجميع فالكل يصيح الدول الفقيرة تصيح والدول الغنية تصيح !!! وأرتفاع أسعاره ليس في صالح الجميع...

ويجب إتخاذ قرارات حاسمه تجاه الإرتفاع الدراماتيكي لهذه الأسعار التي طالت المستهلك العادي ....وحسبي الله على اللي كان السبب <<<<<أدعوا معي يالربع

رد : ههههههههه اجتماع اوبك مع جدتي موضي هههههههههههه
 

يالبي الخوف ان هالاجتماع يتمخض بخفض اسعار البترول الخام ..
وزيادة اسعار مشتقاته وهذ اللي يحصل دايم .. همن شـلـــق يالبي ..


وشوكرن لك يالبي ..


سي يو ..

رد : ههههههههه اجتماع اوبك مع جدتي موضي هههههههههههه
 

حتى لو يخفضون سعر البترول (الدولار) ماعاد له قيمة اما اليورو

يعني الافضل يرفعون سعر البترول من صالحي انا فقط هههاااي

رد : ههههههههه اجتماع اوبك مع جدتي موضي هههههههههههه
 

ارتفع او انخفض معروف وين تروح قروش البترول مخابيهم اكس لارج دبل مليون مرة



ماعلينا دام ابن مصاول مستفيد من البترول ومتوظف في ارامكوا هذي فايدتنا الوحيدة من البترول وظيفة ابو ضيف الله والباقي ماشفنا غير ...........


مااحصل وظيفة عندك ياابن مصاول لواحدا من الربع بلشنا به

رد : ههههههههه اجتماع اوبك مع جدتي موضي هههههههههههه
 

والله يا أبو مرزوق لو على كيفي ما اخلي لا ميزاني ولا مطيري إلا اوظفته ولكن شروط الشركات صعبه وقوانينها صارمه خاصة شركة أرامكو ....يبيله تجاوز:

1-القبول المبدئ عن طريق النت...ثم الفرز.

2-الإتصال بالمتقدم.

3-تجاوز أختبار مهارات الذكاء

4-الجلوس لإختبار الأنجليزي والرياضايات....ويجب تجاوز إختبار اللغة الأنجليزيه.

5-يجب ان يكون معدل القدرات فوق 65%.

6-تجاوز الفحص الطبي الثاني..

أبن مصاول: ليت والله في يدي التوظيف..

رد : ههههههههه اجتماع اوبك مع جدتي موضي هههههههههههه
 

يؤ يؤ يؤ يؤ وش ذا التحليل يالرويس

والله يالنت كمخه بعد ههههههههه هاجتنبوووه يابعدي ليــــا رفعنا على الدول المستورده للبترول في المقابل بيرفعواسعر المواد علينا ومثل مانت عارف احنا ناااااس مستهلكين ومع مرتبت الشرف الاولى والمستفيـد اثنـيــن فقــــط

(( دولتنا اعزها الله ، والشركات الاجنبيه )) اما المواطن في ذا البلاد فهو ضحيت غلا الاسعار مثل ماهو حاصل الان



سي يو

رد : ههههههههه اجتماع اوبك مع جدتي موضي هههههههههههه
 

هلا بالبي سالم رباح ..
يسلموا يالبي يابعد الدنيا كله انت ..

ابن مصاول يشتغل في البراميل !!! ماشاء الله يالله انك تحييه >> برووح ادور ملف علاقي اخضر


سي يو ..

رد : ههههههههه اجتماع اوبك مع جدتي موضي هههههههههههه
 

ياااحوووول كلل ذي شروووط عاد هونها يابن مصاول ، وشف للراجل دبره ولا عطوه برميل

او برميلين وبيسكت ،


لحظه ماخلصت يابن مصاول


انا عاااد معي وايت سقس ابو كفرتين تكفــا ( ترا تكفى تهز الرجاجيل ) يابن مصاول ابيك تعبيه لي رد واحد بس ، بس مااادري اجيب معاااي ماااطور ( عشان نسحب بـــوه البترول ) او عندك ماتور


شفت عاااد ان طلبي بسيط جدا ههههههههههههههه




سي يو

رد : ههههههههه اجتماع اوبك مع جدتي موضي هههههههههههه
 

هههههههههههههههههههههه

إذا على برميل زيت خام ..........تعال اخذ انت وجماعتك كلهم براميل ..ياهي بتطيح في كبودكم :mhtar:

رد : ههههههههه اجتماع اوبك مع جدتي موضي هههههههههههه
 

يااالله تعااال يااابن ربااااح نبي نتخاااوااااا


ابن مصاول عطانا براميل والنعم والله بذا الرجل والله ياااهـو سـنااافي


والله يانا بصير تااااجــــــــــــر حيـــل == قاعد يفكر وش يسوي بالقروش

ياجمااعه من يخبر لنا الــه حاسبه حجم كبير (( عشان يعد بها القررروش هههههههههه )) اذاااااا تجـــر

وبي ارووح احفـــر حفرتن بالنفووود وش كبره ( قــــد كــــذا ) عشان اندس بــــه براميل الزيت ماتسرق

شفتن ذهانتي وشزيناااه

وبروح لوميمتي اقول ادعي لبن مصاول 3 مرات في اليوم ، اما ثلاث مررات ، ذا موبدعا ذااا وصفة طبيب

يالله انه تخلي امويمته له هههههههههههه

سلااام اائليكوووم







سي يو

رد : ههههههههه اجتماع اوبك مع جدتي موضي هههههههههههه
 

والله اذا لزم الأمر نسرق لنا براميل

شف شيعة العراق ملبقين بالويت جنب اي بيب بترول وشفط من البيب ويبيعون على قرايبهم في الدين الايرانين .

يقولون ريسهم ان المالكي عنده 5000 وايت يسرق من البترول .


الظاهر انا نبي نشق لنا بيب يالحضري بس يلزم لنا خبير وش رأيك ندبس ابن مصاول فيها .













عاد لاتصدقون وتبلغون علينا ترانا ضعوف قنوعين يكفينا الرويتب بس نبغاهم ينزلون من الاسعار شوي بس هذا اللي نبغاه واما البترول حلالهم وهم حرين فيه ( في حلال ابوه طالبوه )

مافيه بيت مال مسلمين ولاشئ وليس لنا حق نبغى رويتب ونعيش بدون حاجة بس :z041: