بسم الله الرحمن الرحيم

قصيدة في
الشيخ:كايد العقيلي

http://www.almizany.info//uploads/im...481eddf079.jpg
الشيخ: كايد العقيلي (أبوطلال)

اذا عصاك القاف حده على الجال= لاتتركه حتى يطاوعك مجبور
ديني ودين الشعر لاصال ثم جال= وليا بدا اللازم بدا يلف ويدور
سنّه مثل سَن القنا اقفاي واقبال=وان ماعرفت اسم القنا؟سَن ساطور
زلزل حروف الشعر بالشعر زلزال=اللي صفا يصفي وماراح معذور
اكتب وقل والرجل يصدق ليا قال=ومدح الملا زود(ن)على حقوقها زور
ولا تشتكي همك على اى رجال= ماكل رجال(ن)يبدي لك الشور
اقصد كريم اليا حداك اشهب اللال= واخذ الحذر لاتشكي الجور للجور
احذر غشيم(ن)ماطرا لك على البال=ينطق بها والناس من حوله حظور
تراك منتب ناقص(ن)حكي عذال=يزداد همك وانت من قبل معثور
اتعيش بزمه مالها أي حللال=معقده مثل ازمة اقليم دافور
اصبروحس بقيمة الصبر لوطال=تراك من ربي على الصبرماجور
واذا بغيت الراي؟ياطيّب الفال=اقرب واخذ لك راي وافي ومقصور
ملفاك من ملبوس تاج الشرف نال=(كايد)ليا ذكرو هل الراي والشور
مادربه عوده على جمع الاموال=رابي ببيت بسيرة الرب معمور
ازبن بظل مسلية كل مهتال=اللي لهم معنى الوفا وافي شبور
يازين ملفاهم لياجيت مرسال=عصير والا الصبح مع طلعت النور
لمقدمة بيته معاميل ودلال=وعود(ن)يعج ازرق من السور للسور
يشفي لك جروح(ن)عليها الزمن حال=بفنجال هيل مع اشقر البن مديور
راعيه شيخ للابته قيف وظلال=وافي ومن شوفة طراقيه مسرور
ابشر بفزعه ماتبي حذفة عقال=اركد ولو انك من الضيم مقهور
ولا قال كيف الحال قله عن الحال=وخل الامر لمبدل الحزن بسرور
وكايد ليا كادتك عسرات الاشكال=الكايد لكايد مبسط وميسور
افعاله تنومسك واقواله افعال=(كايد) على حل الصعيبات دكتور
اليا سمع همك لشكواك يشتال=وجميع ماتبدي عن الناس مستور
يراقب الرحمن في كل الاعمال=صدره وطن لاضاقت بهمك صدور
حلحيل تغلب حيلته كل محتال=الحق عنده حق والظلم مقبور
الله من هم(ن)على يدينه انزال=ومن خاطر(ن)يظحك بعد كان مكسور
يوقف نهار مشيّبت روس الاطفال=في وقفة(ن)فيهاعلى الجاير يجور
رجل(ن)خلق يامر وينها له ارجال= ولياعرفته قلت منهي ومامور
من التواضع صرح عالي للامثال=فيه التواضع جد عن جد مذخور
ومن الكرم حاتم على الارض مازال=الا؟؟لحاتم يبدي الراي ويشور
وفي ساحة اهل الطيب فارس وخيّال=له هيبة(ن)منها اسحم السبع مذعور
مالوم من سمو على(كايد)عيال=صقور لكن نظرة صقور لصقور
تدرون؟ لوللي بعرش السما عال= واخاف من شي(ن)من الدين محذور
لصعد قمم وانحت صخرواطع جبال=اصعد جبال الارض وجّمّع ضخور
وانحت عليها اسمه من الكاف للدال=واضيف من تحت الاسم جملة سطور
حتى يضاف لمجد تاريخ الابطال=ويبقى بعدنا عصور وعصور وعصور
تحكي به اجيال(ن)ورانا للاجيال=والمجد ياخذ منه للمجد دستور
يابنت يلي معك قلب العنا مال=من شوفتك كني على نار تنور
ام الجديل اللي على المتن ميال=لاشفتها ودك تقدم لها ازهور
ادري نظرها؟يم(كايد)وتختال=تحلم تبنى بسمه احلام وقصور
منتي بحوله بينك وبينه اميال=تدرين كم يبغن كايد من الحور؟
غيرك بنات انواع واصناف واشكال=واللي مثل شرواك خمسين طابور
(كايد)ترجّّح كفته كل معدال=ويعطي مؤشر وزن تنبيه محظور
ماهو غرور؟الا كذا(كايد)لحال=وليا بغيت تقول مغرور؟مغرور
مادام ابن عمي لحمل الوفا شال= يحق لي لاصابني موجة اغرور
والله لاكتب عنه من ضاف الاطلال=مادام لي عزوه ولي دم(ن)ايفور
اكتب كلام الصدق والصدق ينقال=محلا الشعرلاصارمن صادق شعور
لحظة ذكرت اسمه بدا الشعر ينهال=استغفر الله ظني الشعر مسحور
ياشيخ لاسمك لاحت بروق وخيال=غرب الحطيم وغرب قمة جبل ثور
وامطر على راسي تقل وبل همال=شي(ن)كتبت وشي مازال منثور
وابل شعر لو مر واد الرشا؟سال=ويجلس ثمان سنين سايل وممطور
من الثنا ماتنثني دونك حبال=ومنك الردا مجفي ومنفي ومهجور
ومنك الوفا ياخذ مساحه ومنزال=ومنك السموحه لاحصل مني قصور

ولا تشتكي همـك علـى اى رجـال=ماكـل رجال(ن)يبـدي لـك الشـور
اقصد كريم اليا حداك اشهـب الـلال=واخذ الحذر لاتشكي الجـور للجـور
احذر غشيم(ن)ماطرا لك على البـال=ينطق بها والناس من حوله حظـور


بيض الله وجهك ويستاهل الشيخ كايد ها القصيدة
ولا هي غريه من شاعر أُسطورة
بيض الله وجهك ابو حمد

صح لسانك يابوحمد.ويستاهل الممدوح المدح


ولا هنت

المشاركة الأصلية كتبت بواسطة أبو راكان (المشاركة 253608) صح لسانك يابوحمد.ويستاهل الممدوح المدح

المشاركة الأصلية كتبت بواسطة ابن صحران (المشاركة 253630) صح لسانك يابوحمد.ويستاهل الممدوح المدح ولا هنت

صح بدنك يبن صحراااااان


وتستاهل الطيب


تقبل تحياتي

المشاركة الأصلية كتبت بواسطة عــزيـز النفــس (المشاركة 254157) صح لسانك أخوي عبدالرحمن

صح بدنك وتقبل تحياتي

المشاركة الأصلية كتبت بواسطة ابن الموازين (المشاركة 254176) صح لسانك اخوي عبد الرحمن العقيلي

صح بدنك يبن الموازين

وتقبل تحياتي

وأنا أشهد انه من صادق شعور لأن مدح بهذه الطريقة لا ياتي إلا من صادق شعور فلولا الصدق ما أتى بهذه القوة و التدفق العجيب وجريانه الذي يشبه جريان السيل ..

صح لسانك يا أبو حمد وقصيدة قمة في الجزالة وسلاسة العبارة وتنقل صورها ومعانيها بطريقة لا يجيدها إلا المبدعون أمثال الشاعر والكاتب الكبير (عبدالرحمن العقيلي)


أبن مصاول: ياليت يا أبو حمد تترجم لنا للشيخ كايد العقيلي ويا حبذا لو وجد صورة لنضعها في مقدمة القصيدة

شاعرنا القدير عبدالرحمن العقيلي اسعدنس تواجدك معنا ونثر ابداعك هنا في منتديات الطهر والعفه صرح الموازين الابي ..

يستاهل الشيخ كايد هذا المديح وكم شرفني علاقة القربه التي تربطني به..

تحياتي لطهركـ ايها الفذٌ

مرحبا ملايين استاذنا وشاعر وناقدنا المحبوب:ابوضيف الله

شهادتك تحفظ بماء الذهب والقمة هي المكان الطبيعي لك استاذي الكريم

طبعا الشيخ كايد العقيلي شخصية محترمة لابعد الحدود طيب القلب عفيف اللسان من صفاته الطاعة انسان

متدين ايضا يتصف الحقيقه بالاحساس الصادق تجاه الاخرين ومساعدة الناس سوا يعرفهم ام لايعرفهم

الكرم وحسن الخلق من صفاته التواضع من صفاته وكذلك صفاة عديدة تميز بها وهو محبوب من الجميع وهذا

يكفينا فخرا لان من حبه الله حبوه الناس وهذا من فضل الله تبارك وتعالى على عبادة

محلا الشعر لاصار من صادق شعور-نعم انا من طبيعتي اكره المبالغة في المديح ولكنني من خلال هذه القصيدة بالعكس ارى بانني مااوفيته حقه وباختصار من قدم الطيب ويحترم ربعة واهله والبعيد والقريب فهو بلا شك يزهاه المديح- سواء الشيخ كايد اوغيره

اعتذر لك اخوي ابوضيف الله عن الاطالة وبالنسبة للصورة فصورة الشيخ كايد احتظنتها جميع المنتديات التي نشرت هذه القصيدة ---لا---وبعد صورة محفور اسم الشيخ كايد على الصخر كما ورد في احدى ابيات القصيدة قلت انحت صخر واكتب الاسم عليه فقام المخرج بعمل هذه الصورة التي ستصلك اليوم
انشاءالله ونطلب منك اضافتها لو ماعليك كلفه ونيابة عن الشيخ كايد ابوطلال اقولك ماعليك زود وبيض الله وجهك على المرور والكلام الطيب والاشادة بشخصية ابو طلال من قبل لاتعرفه
وتقبل فائق احترامي وتقديري

المشاركة الأصلية كتبت بواسطة اميره بذوقي (المشاركة 274055) صح لسانك اخوي عبد الرحمن العقيلي وربي يعطيك العافيه

مرحبا ملايين اميرة بذوقي

صح بدنك وطاب فالك

اصدق الاماني

المشاركة الأصلية كتبت بواسطة عادل الجبيري (المشاركة 274067) شاعرنا القدير عبدالرحمن العقيلي اسعدنس تواجدك معنا ونثر ابداعك هنا في منتديات الطهر والعفه صرح الموازين الابي .. يستاهل الشيخ كايد هذا المديح وكم شرفني علاقة القربه التي تربطني به.. تحياتي لطهركـ ايها الفذٌ

مرحبا ملايين اخوي عادل

ونا اكثر سعادة هذا التواجد وتستاهل الطيب ولاعليك زود نيابة عن الشيخ كايد ابوطلال وبيض الله وجهك

يستاهل صرح الموازين هذه الصفة

الف شكر لك

وتقبل تحياتي

المشاركة الأصلية كتبت بواسطة عبدالرحمن العقيلي (المشاركة 274133) مرحبا ملايين استاذنا وشاعر وناقدنا المحبوب:ابوضيف الله شهادتك تحفظ بماء الذهب والقمة هي المكان الطبيعي لك استاذي الكريم طبعا الشيخ كايد العقيلي شخصية محترمة لابعد الحدود طيب القلب عفيف اللسان من صفاته الطاعة انسان متدين ايضا يتصف الحقيقه بالاحساس الصادق تجاه الاخرين ومساعدة الناس سوا يعرفهم ام لايعرفهم الكرم وحسن الخلق من صفاته التواضع من صفاته وكذلك صفاة عديدة تميز بها وهو محبوب من الجميع وهذا يكفينا فخرا لان من حبه الله حبوه الناس وهذا من فضل الله تبارك وتعالى على عبادة محلا الشعر لاصار من صادق شعور-نعم انا من طبيعتي اكره المبالغة في المديح ولكنني من خلال هذه القصيدة بالعكس ارى بانني مااوفيته حقه وباختصار من قدم الطيب ويحترم ربعة واهله والبعيد والقريب فهو بلا شك يزهاه المديح- سواء الشيخ كايد اوغيره اعتذر لك اخوي ابوضيف الله عن الاطالة وبالنسبة للصورة فصورة الشيخ كايد احتظنتها جميع المنتديات التي نشرت هذه القصيدة ---لا---وبعد صورة محفور اسم الشيخ كايد على الصخر كما ورد في احدى ابيات القصيدة قلت انحت صخر واكتب الاسم عليه فقام المخرج بعمل هذه الصورة التي ستصلك اليوم انشاءالله ونطلب منك اضافتها لو ماعليك كلفه ونيابة عن الشيخ كايد ابوطلال اقولك ماعليك زود وبيض الله وجهك على المرور والكلام الطيب والاشادة بشخصية ابو طلال من قبل لاتعرفه وتقبل فائق احترامي وتقديري