ياسعود ابو تركي ترى الفكر منحاس = والقلب في وسطه من الهم شاضي
شف لي طبيب يبري الفكر بقياس = والقلب دورله عن الهم قاضي
واصحى تجيب اللي يعالج بالافلاس = اللي يداوي بالعلوم الحواضي
عطني مقام الطيب يا طيب الساس = ولا ترتخي مع قول ماني بفاضي
واعرف ترى الدنيا تجاريب للناس = وتكشف لك اسرار طوال اعراضي
انسانعت صارت معزه ونوماس = وان ادبرت تنقض فرحها نقاضي
كم واحداَ منها شرب مر الاتعاس = يصبر بشرب المر ماهو براضي
هذا جواب اللي مصدر من الراس = وموجه (ن) يمك غاشيه البياضي
قافٍ ثمين وغارسينه على ساس = مثل الخيال اللي بروقه نواضي
لايصير في صدرك من الشك وسواس = ارد غدير الشعر ومل الحياضي
وحات من متع عباده بالانفاس = ماقلتها اقصد من قبالك عواضي
وصلاة ربي عد ماهب نسناس = على النبي اعداد نبت الفياضي

حي الجواب اللي لفاني بقرطاس = من واحد[ن] قدره علي افتراضي
من شاعر[ن] في قمة الشعر نبراس = نسل الحرار اللي لهم فعل ماضي
اسندلي الدعوى وانا رجل حساس = وفالقيض نحّرني لهيب الرماضي
ومادام قامت حرب من رمح جساس = الزير ما ضاقت عليه الاراضي
غب البحر ما ياصله غير غطاس = وترى البحرماغاض لوقلت غاضي
والوقت له صوله وجوله ومرواس = مالي على حكم الزمان اعتراضي
واللي ماياخذها بتوقيت وسياس = يطيح لو انه يبا الانتهاضي
دنياك لاقفت مثل طابخ الفاس = تبقى عقيمه واخرتها انقراضي
والهم ما تنفع معه قوّة الباس = مهما تسوي فيه منت امتقاضي
اصبر لوانك تضرب اخماس واسداس = مال الهموم اعلاج غير التغاضي
واترك يابومتعب منافق وهلاس = كب الهزل واخذ العلوم الحماضي
انته فهيم وحطها بين الاقواس = هذي قريحه خاطري يوم هاضي

نرجو التأكد

في البيت التاسع وفي عجز البيت في رد أبوتركي جاء:

مـهـمـا تـســوي فـيــه مــــنت امـتـقـاضـي


ولا هنت أخي سند على النقل

المشاركة الأصلية كتبت بواسطة خـالـدالـمـيزاني (المشاركة 282460) صح لسان الشاعر /محمد بن سند بن مصاول بن مدلج صح لسان الشاعر /سعود بن مجاهد بن مصاول بن مدلج ويعطيك ربي ألف عااااااااااااااااااافيهـ ع النقلـ الرائعـ

المشاركة الأصلية كتبت بواسطة فارس الكلمه (المشاركة 282465) قصيدة اقل ميقال عنها قامه شعرية ولاهي غريبة كم واحداَ منها شرب مر الاتعاس = يصبر بشرب المر ماهو براضي بيت عن قصيدة سلمت اخوي على هذ الموضوع

المشاركة الأصلية كتبت بواسطة عبدالمجيد الظويفري (المشاركة 282471) الله اكبر الله اكبر رديييييه سااااااخنه من اجمل ماقرات صح لسسان ابو متعب طول الله عمره وصح لسسسسان ابو تركي عساه على القوه بيض الله وجهك يابو محمد على نقلها مساجله من نوع فريد وتضرب على الوتر الحساس تقبل مروري يابعد راسي

المشاركة الأصلية كتبت بواسطة ابوسلطان المطيري (المشاركة 282485) عزالله هذا القصيد ولا بلاش صحت السنت شعارنا اطال الله اعمارهم ولاهنت على النقل يالقرم

المشاركة الأصلية كتبت بواسطة ابن مشدد (المشاركة 282488) صح الله لسان الخال والراوي والشاعر ابو متعب وصح الله لسان الشاعر ابو تركي والف شكر يابو محمد على هذه المساجله الجميله

المشاركة الأصلية كتبت بواسطة اوتار الحنين (المشاركة 282489) صح لسان الشاعر محمد بن سند بن مصاول بن مدلج صح لسان الشاعر /سعود بن مجاهد بن مصاول بن مدلج ويعطيك العافيه اخوي سند على نقلها لنا لاهنت تحياتي لك

المشاركة الأصلية كتبت بواسطة قرم الموازين (المشاركة 282491) مشكور ياسند الميزاني على هذه القصايد بيض الله وجه ابو متعب وبيض الله وجه ابوتركي وانت ياسند الميزاني وجهك ابيض نترقب الجديد اخوك\ قرم الموازين

المشاركة الأصلية كتبت بواسطة الحميدي بن فارس الميزاني (المشاركة 282500) صح لسان كل من عمي الشاعر الرواي / محمد بن سند بن مصاول بن مدلج والشاعر / سعود بن مجاهد بن مصاول بن مدلج قصيدتين معبره واشبعت ذائقتنا الشعريه لاهنت اخوي سند الميزاني على النقل تقبل احترامي وتقديري اخوك / الحميدي بن فارس بن مدلج

المشاركة الأصلية كتبت بواسطة ابن فالح (المشاركة 282536) صح لسان الشاعر\محمد سند صح لسان الشاعر\سعودمجاهد لاهنت على النقل سندالميزاني

المشاركة الأصلية كتبت بواسطة أبن مصاول (المشاركة 282552) صح لسان الشاعر الكبير والراوية الصدوق الشيخ محمد بن سند بن مصاول والشعر ليس بغريبٍ عليه وهو أبن الفارس والشاعر سند بن مصاول(راعي الشرفا) الذي جاوزت سمعته الآفاق ومن شابه أباه فما ظلم. واما أبوتركي فنقول له شاعر وجزل جداً يا بناخي الشاعر الكبير شقير بن عجل رحمه الله ووالده ايضاً شاعر .. مساجلة رائعة ومعانيها جميلة ورد سعود صراحة جاء قوي جداً ... هناك ملاحظة وهي بلا شك من الناقل حيث جاء في عجز البيت الثامن من قصيدة أبو متعب: ومــوجـــةٍ يــمـــك غـاشــيــه الـبـيــاضــي نرجو التأكد في البيت التاسع وفي عجز البيت في رد أبوتركي جاء: مـهـمـا تـســوي فـيــه مــــن امـتـقـاضـي وأعتقد الصحيح: مـهـمـا تـســوي فـيــه مــــنت امـتـقـاضـي ولا هنت أخي سند على النقل

المشاركة الأصلية كتبت بواسطة أبو راكان (المشاركة 283168) صح لسان الشاعرين محمد بن سند بن مصاول و سعود بن مجاهد بن مصاول. ولاهنت على النقل اخوي سند

المشاركة الأصلية كتبت بواسطة الطويل (المشاركة 283187) صح السان الراوي والشاعر ابو متعب وهو صاحب الجزلات والله يطول بعمرك يخال.. وصح السان الشاعر الخلوق ابو تركي .. لاهنت اخوي سند على اتحافنا بهذا المراد ..

المشاركة الأصلية كتبت بواسطة بناخي الزحزوح (المشاركة 283397) صح لسان ابو متعب على هاذه القصيده الرائعه وصح لسان ابوتركي ....وبصرحه تشبع الذائقه شكرا على نقلك /اخوي سند الميزاني...ونتمناء ان تتحفناء بمافي جعبتك من جديد...عن ابو متعب

المشاركة الأصلية كتبت بواسطة عادل الجبيري (المشاركة 283622) صح لسانك ولسان الشاعرين / الشيخ محمد بن سند والشاعر / سعود بن مجاهد

المشاركة الأصلية كتبت بواسطة عز الخوي (المشاركة 284032) صح السان الشاعرين محمد بن سند وسعود بن مجاهد على المجاراه الرائعه وتسلم الاخ سند الميزاني على النقل الموفق