ماقلت لك تراي لا شفت ماعفت=والله لأصد ولو حياتي بيدينك
كثييرحذرتك _ ولكنك أخلفت=حلفت ماتجرح وجرحك يدينك
تعبت أنامشوارك وطبعك الزفت=تعبت وأنا أتبعك وأرضى بشينك
إلى جرحت اللي يحبك تحسفت=وأصبر ولكن مايبين بعينك
اليوم _يومني على موتي أشرفت=وبيديك كاس الضيم أروى ضنينك
خذها صريحه ماتصنع ولاخفت=ودعتك الله ياعسى مايهينك
لوشفتني ساكت تراي أعرف الكف؟=أعد زلاتك وأقايس حنينك
لاتقول في هالحكم ياليتك أنصفت=مثلك على نفسك عساالله يعينك
ولأنك بتعذيبك لمن حبك أسرفت=فاللي خطف عينك تراها يمينك
رح لاتذكرني ولا كني لك شفت=لاعاد تذكرماضي من سنينك
ماض"ن"قضيته معك مابه تشرفت=عشتك عذاب وضيم واليوم وينك؟
أمس أنت من عقلك بخلك تصرفت=واليوم أنااللي بالعقل مايعينك
غفرت لك ياكم وياكم طوفت=دمحت زلات"ن"مسحها ونينك
أعرف ترا من كل ماقلت وأسلفت=الحر يفهم يوم تشر بحينك
أكبرخساره يوم أنابك تعرفت=خسارتي قلب"ن"ملكته رهينك
كثرت غرابيلك ومع ذلك أضفت=جرح المشاعر والبلا دمعتينك
تجرح وتقسى مابيوم تعطفت=قتلت قلب"ن"منزله راحتينك
وليتك عقب هذا وهذا تلطفت=إلاااا مع الغربال تعقد جبينك
وصلت حد بضيقتي لين وقفت=لآني ضعيف"ن"لك ولاني جنينك
ولآني حدى خدامك اللي أنت وظفت=ولامن حدى_أخوانك ولا والدينك
ماني ترى ملزوم..ولابك تكلفت=وأظن حتى الدين..ماهوب دينك
لأني من اللي صارياصاحبي خفت=قساوتك وأنته تعذب سجينك
ماحن له قلبك ولايوم به رفت=بيحت سدي الله يبيح كنينك
ومدام شفت اليوم أنامنك ماعفت=والله لأصد ولو حياتي بيدينك

المشاركة الأصلية كتبت بواسطة أبو راكان (المشاركة 289876) صح لسانك شاعرتنا دانة القصيد على هذا النص.ومن طول الغيبات جاب الغنايم

المشاركة الأصلية كتبت بواسطة عز الخوي (المشاركة 289882) صح لسانك دانة القصيد على القصيده الرائعه وما فيها من معانات

المشاركة الأصلية كتبت بواسطة عبدالرحمن بن غلاب الميزاني (المشاركة 289888) دانة القصيد صح الله لسانك قصيده رائعه

المشاركة الأصلية كتبت بواسطة تغافلني بغلا (المشاركة 289911) تعـبـت أنامـشـوارك وطبـعـك الـزفــتتعبـت وأنــا أتبـعـك وأرضــى بشيـنـك مشكور على الطرح الاكثر من رائع تحياتي لك

المشاركة الأصلية كتبت بواسطة ملكة القوافي (المشاركة 289944) صح لسانك أختي دانة القصيد

المشاركة الأصلية كتبت بواسطة عبدالله العوني (المشاركة 289978) دنة القصيد وانتي سالمه وغانمه وصح لسانك على القصيده الرائعه وتقبلي مروري وودي

المشاركة الأصلية كتبت بواسطة أبن مصاول (المشاركة 290078) صح لسانك اختي دانة القصيد وقصيدة فيها من الجمال الشئ الكثير

المشاركة الأصلية كتبت بواسطة أميرة الذوق (المشاركة 290090) قصيدة في قمة الرووووووعه والجمال صح لسانك غاليتي ِ