راكب اللي تطير من المطار=عقب شبو عليها بالسعير
يوم طارت مثل فرخ الحرار=قبل ترفُع لزوم(ن) تستدير
مامشت فالصحاري والغبار=فالفضاء مستريح بخط سير
ان مشى الليل ولا بالنهار=عارفن سكته قبل المطير
الفخامه لها حطت اشعار= والكراسي ملبستن حرير
منوت اللي بعيدين الديار=منتوين السفر لوهو خطير
يوم وصلت مداها فالطيار=من تعب ينسدح فوق السرير
قادها كبتن يشرب سكار=والمساعد عوين وله خشير
عاش دنياه واخرها دمار=يالله العفو من ذاك المصير
فوقها واحدً عني يسار=شفت زوله كبير وهو صغير
جيت اقدم عليه الاعتذار=كيف تجلس بجنبي مايصير
قال ابويه عليه مايغار=راقدً خلفها جاله شخير
قلت ابوها بضني مستعار=كان هذا حقيقه هم دشير
ثم قامت تغازلهم جهار=والله إنا نبا عنها الفرير
ماتعرف الحمار من الصفار=لوحة الوان حايسها ضرير