النفس ضاقت والصدر حيل مليان=مليان من سبـة همـوم(ن) تلوفـه
حزنان لو ماني من الحب خسـران=لا شك حزني تـو بانـت قنوفـه
يا وجد حالي وجد ضايع وضميان=ويشكي كسر رجله وسبعاً يحوفـه
بين الامل والخوف والذيب سرحان=يرفع يدينه يذهب الـرب خوفـه
ويا وجد حالي وجد عوداً وشجعان=وطفلاً يتيـم الأب وامـه تروفـه
وجاهم من القبله شياطين سرقـان=ومات الطفل قدام ام(ن) تشوفـه
وكلاً تعزوى بإسم جده والإخوان=والطيب فيهم واضحات(ن) وصوفه
وطاحوا ثلاثه ما بقى غير حدمـان=يشوف ربعه قدم عينـه حسوفـه
ثم كتفوا يـده وساقـوه حفيـان=والدمع من عينـه تزايـد عزوفـه
وده بذبح القـوم لكـن عجـزان=مكسور ساقه إبلط يمنـاً عنوفـه*
هذاك انا باسباب مكحول الاعيان=اللي غلاه إيفوق حسـه وخوفـه
اللي غـلاه منزلـه رب الاديـان=في وسط قلبي صاير اغلى ضيوفـه
الي بقلبي لـه مساحـات بنيـان=مثل الخبر ويا الحساء مـع هفوفـه
اللي يعـرف ان المحبـة للإنسـان=فيها الوفـا والتضحيـة والمروفـه
الصدق واضح والخلايق لها لسـان=يفهم منه طهر المُحـب وكشوفـه
يفهم منه بإن الوفـا فيـه عنـوان=والصدق خلا الخوف داخل رفوفه
لا شك ماني من غلا الزين خسران=لكن طبعـه زاد شكـه وخوفـه
يكض صدري حيثه اليوم زعـلان=من واهجاً وسط الضماير سيوفـه
لابد من يوماً يجـي فيـه ندمـان=يشكر صدق قلبي وحسن معروفـه

المشاركة الأصلية كتبت بواسطة فارس الكلمه (المشاركة 299627) قصيدة رائعة وتوظيف جميل الف شكر يابو ركان على النقل الاكثر من رائع

المشاركة الأصلية كتبت بواسطة مجري خضر (المشاركة 299668) مشكوووووووووووووووووور ابو راكان مميز دائمأ تحياتي

المشاركة الأصلية كتبت بواسطة نزف المشاعر (المشاركة 299697) صح لسان الشاعر ولا هان .. وتسلم أخوي أبو راكان على الإنتقاء الجميل استمتعت بقرآئتها .. الله يعطيك العافية .. ولك جزيل الشكر

المشاركة الأصلية كتبت بواسطة كل المواعيد وهم (المشاركة 299927) حزنان لو ماني مـن الحـب خسـران لا شـــك حـزنــي تـــو بـانــت قـنـوفــه يا وجد حالي وجد ضايع وضميـان ويشكـي كسـر رجلـه وسبعـاً يحوفـه الله علي هالروعه وصح لسانك

المشاركة الأصلية كتبت بواسطة ملكة القوافي (المشاركة 300142) أختيار رائع أخوي أبو راكان الله يعطيك العافيه وصح لسان شاعرها

المشاركة الأصلية كتبت بواسطة ابن فالح (المشاركة 300271) صح لسان الشاعر ويعطيك العافيه يابو راكان

المشاركة الأصلية كتبت بواسطة عز الخوي (المشاركة 300273) صح لسان شاعرها ومشكور ابوراكان على النقل الموفق

المشاركة الأصلية كتبت بواسطة فهد بن صحران (المشاركة 300278) صح لسان شاعرها ويعطيك العافيه يابو راكاان