ابتدي بالقاف في رب رحوم=
=عالم(ن) بالغيب منشي لرعد
بعد ذكره قام فكري بي يحوم=
=أنظم الابيات من جوف(ن) ركد
امدح رجال الاوازم والسلوم=
=طيبين الساس خبر من نشد
الكرم والطيب من طبع القروم =
= وانت يبن عبيد من نسل الآسد
سمعتك تاصل على طيب العلوم=
=اشهد أنك ذيب والآسم الافهد
مرحبابك عند رجال الازوم=
= ابو منيف اللي بطيبه هو حصد
كاسب الطولات ما رافق رخوم=
=له فعول(ن) ماضيه ماله عدد
والمراجل ماهي بلبس الهدوم=
=الله الشاهد وكل (ن) به شهد
والجميع اهلن وسهلا دون لوم=
=مرحبا مليون بوجيه السعد
وأخر الآبيات صلو يالعموم=
= علي نبي الله بدينه اتحد

صح لسانك اخوي

سمعتك تاصل على طيب العلوم


اشهد أنك ذيب والآسم الافهـد


ملاحظه الافهد اتوقع لوتكون الفهد يكون صحيح البيت

لو المراجل تجي من غاليات اللبوس=كان العذارى تجيك تفتل اشنابها

لو المراجـل لبسـة شمـاغ وعقـال=قـل للـعـذارى يلبـسـنّ العمـايـم

المشاركة الأصلية كتبت بواسطة ملكة القوافي (المشاركة 302635) صح لسانك أخوي مزعل الشمري

المشاركة الأصلية كتبت بواسطة نزف المشاعر (المشاركة 302639) صح لسانك اخوي مزعل .. ونعم فيك وبالامير فهد ابن عبيد ابن ثنيان و الشيخ فرحان محمد الربيع .. الله يعطيك العافية ولاهنت ..

المشاركة الأصلية كتبت بواسطة عز الخوي (المشاركة 302721) صح لسانك اخي مزعل الشمري على القصيده الرائعه

المشاركة الأصلية كتبت بواسطة مجري خضر (المشاركة 302736) صح لسانك اخي مزعل وياليت ترد النضر في صياغة القصيده لوجود اخطا كبيره ومنهاااااا ابتدي بالقاف في رب رحـوم خطاء في الفض والمعني مع وجود ثقل يصنف من قائمة الكسر في بعض ابيات القصيده كذلك عسف واضح جدأ ومنها (ابو منيف اللي بطيبه هو حصد)عسف انتها بك الى كسر مع ان القصيده جميله من ناحية المعنى والبناء في كثيرن من الابيات تقبل نقدي بصدررررررررر رحب وتقبل تحيتي

المشاركة الأصلية كتبت بواسطة ابن مصاول الميزاني (المشاركة 302752) صح لسانك أخوي مزعل الشمري ولاهنت

المشاركة الأصلية كتبت بواسطة ريم الموازين (المشاركة 302811) صح لسانك اخوي سمعتك تاصل على طيب العلوم اشهد أنك ذيب والآسم الافهـد ملاحظه الافهد اتوقع لوتكون الفهد يكون صحيح البيت

المشاركة الأصلية كتبت بواسطة قاسم الزراقي (المشاركة 302857) صح السآآنك ملآآيين يا بعد حيي ولا هآآآن رآآسك والمعنيين فا القصيدة يستآآهلون الطيب تقبل مروري

المشاركة الأصلية كتبت بواسطة أبن مصاول (المشاركة 302896) صح لسانك أخوي مزعل وقصيدة طيبة من شاعر رائع ننتظر منه الروائع دائماً وهذه القصيدة شملت رجلين بالمدح وهما فهد الثنيان وفرحان الربيع ونعم بهم ويستاهلون الطيب .. وبالنسبة لقولك (المراجل ماهي بلبس الهدوم) ذكرتني ببيت شهير من محاورة شهيرة للشاعر محمد بن شلاح المطيري أمام الملك فيصل رحمهما الله حيث قال: لو المراجل تجي من غاليات اللبوس=كان العذارى تجيك تفتل اشنابها وأيضاً بقصيدة نسبت للمبرقعه تلك الشخصية الشهيرة في مجلة اليقظه : لو المراجـل لبسـة شمـاغ وعقـال=قـل للـعـذارى يلبـسـنّ العمـايـم وهي قصيدة طويلة وشهيرة... وصح لسانك وملاحظة ريم في مكانها

المشاركة الأصلية كتبت بواسطة عبدالله العوني (المشاركة 303131) صح لسانك يامزعل الشمري ويستاهلون الممدوحين وودي لك