ماتدري إن الحي ما يرجي الميت = لا تعتبرني حي وعلن حدادك

يالي على القمه طلعت وتعليت = تحققت رغبتك حسب اعتقادك
يحقلك لو تطلب اللي تمنيت = الله عطا كل البشر وأنت زادك
تاخذ من اللي يعجبك حيث ماشيت = بس المهم أنك تحقق مرادك
قلبي وطن تحل به وين ما جيت = حدودك ظلوعي وصدري بلادك
حكمتني بالحب حكم العفاريت = من هيبتك حبك يجي من عنادك
أخذت كل اللي تبي ويش خليت = مفادني طيبي معك يوم فادك
دامي معك مخلص معي ويش سويت = طفيت نارك ما بقى إلا رمادك
ماتدري إن الحي ما يرجي الميت = لا تعتبرني حي وعلن حدادك