هذه القصيده قلتها في الأحداث الأخيره على قافلة الحريه والأعتداء
عليها من قبل الكيان الصهيوني وعدم فك الحصار عن غزه والشعب
الفلسطيني الأبي .

هاذي فلسطين الجريحه تنادي = وين الشعوب اللي تعرف الصداقه
ياأمة الأسلام وين المبادي = الشعب الأعزل كيف ضيّق خناقه
ليه العرب مايفتحون الجهادي = راع الحماقه ماله إلا الحماقه
الصبر عن حده تعدى وزادي = متى نوقت ساعة الانطلاقه
إن كان ما انتم ضاغطين الزنادي = أقل حاجه تقطعون العلاقه
الوضع متأزم ولاهو بهادي = الغرب وأسرائيل خان أتفاقه
صرنا لهم مثل الفريسه نقادي = قرارنا محد(ن) يطبق سياقه
نشجب ونستنكر بصوت إنفرادي = والراس تحت أمواس راع الحلاقه
إلى متى نصبر على الأضطهادي = وأقدامنا ماتامن الانزلاقه
مات الضمير بحسرة الأنحيادي = حتى العراقي مايهمه عراقه

أخوكم / الحميدي بن فارس بن مدلج

المشاركة الأصلية كتبت بواسطة بدر حيي (المشاركة 312568) صح لسانك الشاعر الحميدي على هذه القصيده الجزله من شاعر جزل ولا هنت والله ينصر اخواننا المسليمن في فلسطين وفي كل مكان تحياتي وتقديري

المشاركة الأصلية كتبت بواسطة مجري خضر (المشاركة 312570) صح لسانك وبيض الله وجهك ونصر قريب والعزه للمسلمين

المشاركة الأصلية كتبت بواسطة أبو راكان (المشاركة 312590) صح لسانك يابو خالد على هذا النص..وان شاء الله منصورين

المشاركة الأصلية كتبت بواسطة أبن مصاول (المشاركة 312684) صح لسانك يا أبو خالد وقصيدة جزلة من شاعر جزل والآن بعد هذه القصيدة سوف نطلق عليك شاعر الأمه لأنك أحسست بمعاناة الأمة وترجمتها في قصيدة تعبر عما يحسه كل ميزاني ومطيري وعربي أبي... صح لسانك وأعتلى شانك

المشاركة الأصلية كتبت بواسطة ملكة القوافي (المشاركة 312598) صح لسانك أخوي الحميدي بن فارس الميزاني.وان شاء الله منصورين

المشاركة الأصلية كتبت بواسطة فارسه متهاب الغدر (المشاركة 312694) صح لسانك شاعرنا قصيده جزله من شاعر مبدع ولله ينصر المسلمين عاجلا غير آجل

المشاركة الأصلية كتبت بواسطة سعود بن مجاهد بن مصاول (المشاركة 312758) صح لسانك قصيده جزله تحياتي

المشاركة الأصلية كتبت بواسطة ابن فالح (المشاركة 312788) صح لسان الشاعر ابو خالد

المشاركة الأصلية كتبت بواسطة عبدالمجيد الظويفري (المشاركة 314743) اشهد ان ضميرك حي يابو خالد واهنيك على هالقصيده الجزله والجميله

المشاركة الأصلية كتبت بواسطة ابن مصاول الميزاني (المشاركة 316593) الله عليك صح لسانك ياأبو خالد وبيض الله وجهك قصيده متماسكه واعجبتني فيها بعض المفردات الجميله لاهنت وبيض الله وجهك