السلام عليكم ورحمة الله وبركاته

أمانه لارحلتي ودّعي قلبي شويّ .. شويّ = تراني منكسر من سيرة الفرقا وطاريها
تراني من هذاك اليوم .. لاميت ولاني حيّ = ولا ادري عن جميع الناس قاصيها ودانيها
امانه وش معي ؟ .. والا وش اللي من غيابك ليّ ! = ياكود الوّنه اللي ماتعدّت صدر راعيها
على حطة يدك / كل الطعون النازفه .. هيّ هيّ = بعد .. حتى انشراحة خاطري مني سرقتيها
انا مثل الغريب .. وغربة احبابي طوتني طيّ = اجاهد ضيقتي .. وظروف وقتي ويش اسميّها
ياويّ من السفر .. ومن الغياب المنتظر ياويّ = بلياك الحياه الهاديه وش حاجتي فيها !
بعد بان الصباح .. وذعذع الغربي .. ومال الفيّ = تنّهت .. وطرت لي ساعةٍ ماني بناسيها
هي اللي باقية لي من لقاك وذكريات الغيّ = تعزيني بعدك من الجروح اللي تركتيها
فمان الله .. رووحي .. والا انا مافي يديني شيّ = عسى عينٍ جفاها نومها .. تفرح بغاليها

المشاركة الأصلية كتبت بواسطة أبو راكان (المشاركة 313842) شيله رائعه جدآ.اشكرك نزف المشاعر على الانتقاء الرائع والذائقة الرفيعه.يامال العافية والله

المشاركة الأصلية كتبت بواسطة ابن مشدد (المشاركة 313846) الف شكر نزف المشاعر على النقل الرائع لهذه القصيده والشيله الجميله

المشاركة الأصلية كتبت بواسطة رذاذ المطر (المشاركة 313870) شيله رائعه.. سلمت يداك يالغلا على ذائقتك الجميله وانتقاءك الاجمل لاعدمناك