ياراكب اللي معه يحمل ضمانه = من جدته يحمل ضمانه عن العيب
لونه غريب وفارق(ن) عن خوانه = من مصنع اليابان للملكه جيب
توه جديد ولايبي له صيانه = جيب(ن) يقرب نازح البعد تقريب
نحّـرته اللي بـيـن(ن)في مـكانه = حراً تعلى فوق روس المراقيب
واليا سئلني واحد(ن) قـلت عـانه = نفل ولد سلمان ذيب ولد ذيب
دايم ليا جـيته تبـسـم ثـمانه = طلق الحجاج ومعه زين التراحيب
تلقاه في وسط المجالس تـكانه = ياخذ سواليف الرياجيل ويجيب
ماهو بـثرثار(ن) طويـل(ن) لسـانه = منزه (ن)نفسه عن اللوم والعيب
مارافـق اللي مشـيهم بالخيانه = أهل النمايم ملحقين المشاهيب
ختوش الرجال مضيعين الامانه = كبار البطون مدورين المعازيب
عزيز نفس ولا يـحب الاهـانه = ولا هي غريبه منك يمنقع الطيب
ياشوق مجمول(ن) على زعيـتمانه = بنت الرجال مكملين المواجيب
أخوك شاف المـشكله من زمانه = وقت يشيّب فاتلين الاشانيب
وقت(ن) به الثعلب يزيد اضـبحانه = ويفرس بنابه مثل مايفرس الذيب
وقت(ن) تـحـداني وزاد مـتحانه = يطعن بشلف(ن) مثل شلفا تراحيب
وقعدت افكر بين زانـه وشانه = وجنبت عن بعض السواليف تجنيب
اخاف من هرجت خبيث البطانه = اللي على الغره يحش العراقيب
يا نفل من باب الوفاء والميانه = عبرت لك عن ماضي الوقت تجريب

المشاركة الأصلية كتبت بواسطة أبن مصاول (المشاركة 315038) صح لسان والدك أخي جبر الخواطر الشاعر القدير عويـض مطر الحريـّص وقصيدة اكثر من جزله فصح لسانه واعتلى شانه ولكن هل هو مسندها على الشاعر الكبير نفل بن سلمان المريبيط الميزاني؟؟ الشاعر الكبير نفل بن سلمان المريبيط الميزاني

المشاركة الأصلية كتبت بواسطة جـبـرالـخـواطـر (المشاركة 315053) اي نعم اخي ابن مصاول مسندها الى الشاعر الكبير نفل بن سلمان المريبيط ولـ نفل بن سلمان رد على هذه القصائد ولكن لاتحضرني الأن وسوف ااتي بها عن قريب ان شاءالله واشكرك على مرورك العطر