وين ابلقـى واحـد مثلـك وأحبـه=يشعل أيامـي ويستوطـن خيالـي
والغلا اللي فات في قلبـي يصبـه=لين أحس انه مثل ما غليك غالـي
وكل عـرق كنـت طبيتـه يطبـه=ما يخلينـي ولـو لحظـه لحالـي
وان سليت اقبل علـي ليـن اتنبـه=وين ما وجهت إليـا وجـه قبالـي
وان شكيت البرد مثل الجمر اشبـه=وان شكيت الشمس أحس إنه إظلالي
واعشقه طيف وسواليـف ومحبـه=واشربه مثل الغدير المن الزلالـي
واحتفي برضاه والهاجـوس أذبـه=عقب زعلاته علي بعـض الليالـي
وان طرا عطره على الريح ومهبه=قبل أشم العطر عطره وسط بالـي
لوكل عـرق كنـت طبيتـه يطبـه=خالق مثلـه لـو اشريـه بحلالـي
بس لو مثلـه يقـول الحـب لبـه=ويشعل أيامي ويستوطـن خيالـي
والله أني لا زم ارجع لـه وأحبـه=ويتجدد لين يرخـص كـل غالـي
العياف اللـي لغيـره ويـش طبـه=ساليً غيره ولا نـي عنـه سالـي
واحـدً دخيلـه ودخـيـل ربــه=قبل اعرفه كنـت رجـالً شمالـي

المشاركة الأصلية كتبت بواسطة اوتار الحنين (المشاركة 322414) قصيده رائعه صح لسان شاعرها ولاهنت اخوي يعطيك العافيه

المشاركة الأصلية كتبت بواسطة ملكة القوافي (المشاركة 322436) صح لسان عواد خلف الطواله والف شكر لك أخوي عز الخوي ذائقة راقيه الله لا يضرك

المشاركة الأصلية كتبت بواسطة بٌَِنْتُِِّْ مًلوٍكَ (المشاركة 322447) صح لسان شاعرها وسلمت ايد ناقلها

المشاركة الأصلية كتبت بواسطة ابن الشاعر (المشاركة 323675) قصيده رائعه راقت لي كثيرا. وصح لسان شاعرها ولاهنت اخوي على النقل الثري