الارض مثل النفس تجزع وترتاب=ماتنبت إن كان السماء علقتها
إن ما مشى بالوسم وديان وشعاب=ماتنفع الامطار لوغرقتها
ولو زان وجه الارض بزهور واعشاب=جتها الهبوب العاتية واصفقتها
المرجلة ماهي ب/في فتل الاشناب=أهل اللحى في هالزمان حلقتها
أسمع تصاريحا على لسان كذاب=كذبة طمع وأصحابها صدقتها
وسط البيالة ملعقة سمها ذاب=وأشوف ناسا حركوا ملعقتها
طبخة هوان وذل يطبخ بها غراب=مافيكم اللي ما يذوق مرقتها
أوراق غدر وحقد في داخل كتاب=والريح من يم الشمال طرقتها
العام ماخوذ(ن) من أطنابنا أطناب=واليوم بحرين السلام ورقتها
وان ما وقفنا صف في وجه الارهاب=البندق العوجا تثور فشقتها
وليا اتحدنا نشنق أرقاب الاحزاب=وليا اختلفنا ولمت مشنقتها
والحية اللي تخفي السم باللناب=صيداتها لاجا الظلام درقتها
دون الخليج ارواح واعمار وارقاب=للموت سكرة والنفوس عشقتها
بالمعركة تاتيك للموت خطاب=وان عينت سومات موت فرقتها
أهل الخليج عيون وشيوخها أهداب=بايمانها وبحبها طوقتها
خليجنا يلبس من العز جلباب=بشته سهوم الحقد ما شققتها
سفينة(ن)تبحر ويحسب لها حساب=بامجادنا صعب البحور فهقتها
وان ماغدينا دونها ستر وحجاب=سود اليدين الغادرات خرقتها

المشاركة الأصلية كتبت بواسطة برق (المشاركة 323708) صح لسان الشاعر لاهنت ابو ركان على النقل المميز

المشاركة الأصلية كتبت بواسطة اوتار الحنين (المشاركة 323723) صح لسان شاعرها ولاهنت اخوي والله يعطيك العافيه ع النقل

المشاركة الأصلية كتبت بواسطة ابن مشدد (المشاركة 323724) صح لسان الشاعر/ زياد بن حجاب وقصيده جميله سلمت يمينك يابو راكان على النقل الجميل

المشاركة الأصلية كتبت بواسطة فارسه متهاب الغدر (المشاركة 323784) صح لسان الشاعر زياد بن حجاب الله يعطيك العافيه على النقل

المشاركة الأصلية كتبت بواسطة مجري خضر (المشاركة 323910) صح لسان ابن نحيت وسلمت اخوي ابو ركان

المشاركة الأصلية كتبت بواسطة ابن فالح (المشاركة 324401) صح لسان الشاعر زياد ابن حجاب لاهنت على النقل

المشاركة الأصلية كتبت بواسطة أبن مصاول (المشاركة 324424) صح لسان شاعر المليون زياد بن نحيت وقصيدة من روائع زياد ولا هنت على النقل يا أبوراكان