|
طرائف وعبر فيض الخاطر (مسند مازن الزحزوح)
بسم الله الرحمن الرحيم الأخوة الأعضاء الأخوات العضوات متصفحي صفحات منتديات الموازين الرسميه السلام عليكم ورحمة الله وبركاته أرتأيت أن أفتح هذا الموضوع المحدث بإستمرار والذي سوف أضيف فيه أي أشعار لا ترتقي عدد أبياتها الى قصيدة وتعتبر بوح للخاطر .. وسوف أطرح فيه ما يفيض من خاطري أما بيت او بيتين او ثلاثة وذلك كأرشفة لها وحفظاً لها من الضياع.. ونبدأ: 1 من لا يحوش المرجله في شبابه= مهو بويا جمعها عقب ماشاب بعض الشباب تصير مثل الذيابه= وبعض الشباب يفشلك عند الأجناب 2 ان ما مشيت وشفت وش قدم ما طاك= يمكن تزلبك القدم في قليبي فعل الردا مذموم والكل يشناك =يكرهك من فعلك بعيد وقريبي 3 عليك بالطيب و خله رفيقك= وبعد عن الرديان وقطع القاها ما فالردي مصلوح لو هو شقيقك= الي يجها رايها من نساها 4 طلقت(ن) عيت تصيب الهدف راحت بلاش=والهدف متبين(ن) له وعيا لايصيب والتجاره مستحيل(ن) تجيك من المعاش=كل ماقرب معاشك اليا عندك طليب 5 أن خاطبك جاهل من النا س كبه =كبه ترا الجها ل يكثر غثاها وحذر من الطيب تجيه المسبه =او كلمتن يبطي وهو ما نساها 6 يا وطنا من شموخك تحديت الفسيد=كل من دنس ترابك غدا فوقه شتات
الخبيث من الخباثه يغوي له بليد =منكرينه لو من الدين يلبس له عبات 7 من يشيل الزوم ما عنده رجوله=من خباله شايفِ نفسه زناتي
بين في مشيته يسحب هموله=ثم رز نفيسته يبغاك تاتي غرته دنياه من نفسٍ جهوله=ناسيٍ ماضيه من روس الرعاتي 8 أبا انصح اللي يشربون الزقاره=يترك شرابه لا يسبب له اوجاع ترا شراب التتن ماهو نماره=وشبك على كبدك تحط الك مرقاع واللي تسوقه فيه والله خساره=مضرة والمال من سبته ضاع 9
بكلمة هلا واهلين يستقبل الضيف=ضيف(ن) عزيز وكل عام(ن) يجينا اول فرح له منزل(ن) فالسماء شيف=واستبشرو به كافة المسلمينا وكل(ن) عليه ذنوب يحتاج تخفيف=وبرحمتك يارب تعطف علينا الناس مشغوله بجمع المصاريف=كن الشهر للاكل ماهو لدينا 10
من يارد الما بالحبال القصيره=ما يشرب الجمه اليا صار ضميان ولا تنفع البندق بليا ذخيره=واللي يجنب منهج الدين خسران وأعرف ترى الدنيا بأهلها قصيره=وعمر الفتى في كل يوم بنقصان 11
هرج(ن) يفيد وهرج والله مايفيد=يدوشك، من كثره بليا فايده والصمت حكمه واحترام ومنه الهيبه تزيد=وعيب(ن) على الرجال ينطق بالعلوم الزايده خلك مع الجاهل ثقيل ودور الراي الرشيد=ترا كثير الناس تمشي فالدروب الغاديه 12
الكذب للرجال عيب ومذله=ياللي تجيب الكذب والصدق تخفيه الصدق مثل السيف دايم تسله=وراعيه فالقمه ليا حل طاريه كم واحد(ن) كذبه يخرب سجله=فالمجتمع مكروه والله يجازيه 13
الشعب وجه للمعادي رساله=هرج العدا يقول ما نستمع فيه والتف حول اللي حكم بالعداله=خادم بيوت الله والشعب يغليه ويقول مانسمع كلام الحثاله=واللي يخون الدار حنا نعاديه 14
لا تنخدع يارجل في بعض الاشكال=الطول ما ينفع رقبة النعامه واليوم كل(ن) حط له بشت وعقال=لكن تلقى الفرق تحت العمامه جرم(ن) كبير، ومنطقه مثل الاطفال=ولا تنفع الاشكال ولد الخمامه وما كل مايسمع من الهرج ينقال=الهرجه الشينه تجيب الندامه 15
من عا ش فالدنيا يشوف العجا يب = شي"ن" يشاف وشي بالكتب نقراه الله يكافينا شرور المصا يب = يا كثرها في و قتنا اليوم كثراه وقت "ن" تغير فيه حتا الهبايب= سبحا ن رب الكون عالم خفاياه 16
لا والله اللي راحو الربـع ياسعـود=راحو صناديـد الرجـال الزحولـي رحوا اهل الفزعه اهل الطيب والجود=اللـي فقدناهـم جمـال الحمـولـي ياسعود دنيا(ن) عقبهم مابهـا فـود=اهـل الحميـه طيبيـن الدلـولـي عسكر وابن صحران وفهيد وحمـود=واسماء كثيـره كـم نعـد ونقولـي والنادر اللي تو فـي زمـت العـود=ماهو على شوف القصيـره ميولـي " 17 "
يالله دخيلك من إهل البطل والجور=كم واحد(ن) يوخذ حلاله بحيله ياكل حرام وخاطره منه مسرور=وياكل ربا والمال ياكل غسيله والشهاد اللي يشهد الظلم والزور=ضيع حقوق الناس وأخطاء دليله مايدري إنه حي والقبر محفور=مصيره الحفره وفوقه نثيله " 18 "
عز الله إنك ولد رجال=وش جنبك درب الأجدادي غير الرخامه كثير هبال=فيك الرداء قام يزدادي محسوب من جملة الانذال=تذكر على روس الاشهادي " 19 "
والله إني بوسط السوق بعت وشريت=تاجر(ن) محترف لكن ضاع جهدي من خيار البضايع لا شتريت انتقيت=جبت زين البضاعه يم سوق(ن) ردي ضاق صدري من الديره ومنها مشيت=شمت عنها بعد شانت وكثر حسدي البلاء من جنود الفوج مدري بخيت=والعتيبي ذخر له فالعراق اسعدي ’’ 20 ‘‘
ان كان تبغى الناس تذكرك بالخير=احفظ لسانك عن هروج النميمه ولاتمشي الا مع رجال(ن) مناعير=الدين فيهم والنوايا سليمه والحر ما تجنيه من ماكر الجير=لو قلت هذا حر تبقى ظليمه خلك صدوق وكب عنك المعاذير=دايم حصان الصدق يفلج خصيمه 21
كل حر(ن) يرصد الصيد لامنه رقا=والحرار اللي تنوشه مخالبها يطيح والمراجل من طلبها يواجه له شقا=والضعيف عن المراجل مع امه يستريح انشدك عن جامع المال بالله وش لقا=الشقا بين بحاله وعن نفسه شحيح 22
البذح والتبذير جنب دروبه=جنب وهذى تنحسب لك شجاعه من يجحد الانعام جته العقوبه=شوف الدول من حولنا والمجاعه شوف الضعيف ان كان تبغى المثوبه=كب الهياط وكب عنك الطقاعه واليا نويت الخير تلقى دروبه=شوف اليتيم اللي يدور متاعه وتلقى فقير(ن) جايع(ن) ما دروبه=فتش وتلقى كان حولك جماعه 23
التجاره دخل فيها ضعاف النفوس=يستغل المواطن لين يلعن ثواه مابقي للمواطن غير قلع الضروس=مايعرف القناعه يوم ربي عطاه تاجر(ن) مابعقله غير جمع الفلوس=قاعد(ن) للمواطن لين ياخذ شقاه 24
من دخل مجتمعنا ماله جبله=عن بلدنا يروح بعيد ويلالي ماحسبنا لمن بانت به الخله=الشراذم عليها الشعب ينهالي كان يبغى الخميني داره يدله=مابقى له بدار العز منزالي 25
ماني بمن يأتي بليا عزيمه=خبل(ن) على من يكرهه تمشي خطاه يفرح ليا قالوا ترا به وليمه=يقلط مع الضيف المكرم وخلاه خبل(ن) خذاها عادت(ن) له قديمه=مايستحي والناس بالذكر تشناه رجل(ن) بشكله مير مثل البهيمه=ياجعل ما يكثر مع الربع حلياه 26
انصحك لا تصاحب لك ردي=كل واحد يبين من اصدقاه إن بغى مصلحه جاك يعدي=وإن قضى حاجته محد(ن) لقاه من فعل طيب فاللاش يغدي=كل طيب(ن) فعلته به نساه 27
اقفت علينا سود الايام عجلات=اقفت وهي بأعمارنا مسرعاتي واللي بقى بالمدن من عرض الاموات=وصارت مجالس ربعنا للخواتي ولا ينفع الترميم شيء(ن) بعد مات=ولا عاد ينفع فيه طوق النجاتي 28
ليت الشباب يحط في الجيش دورات=مع بدلت الميدان يلبس جواتي خدمة وطن لوهي بليا معاشات=ويصير من دون الوطن للغزاتي تدريب في الصحراء وبعد المسافات=ومن البطولة ياخذون الصفاتي 29
كل شيء(ن) في دروب الخير بده=وكل شيء(ن) مايفيدك وش تبيبه وكل باب(ن) ينفتح بالشر سده=قبل ما تدفع من الغلطه ظريبه والجدار يطيح من ضرب المهده=والضعيف من البشر مقرب حظيبه 30
والبخيل الخير مايقدر يمده=لو حساب البنك يشكي من رصيده دايم(ن) مفتون ورياله يعده=والحساب من الهلع دايم يعيده والكلام الشين يارجال عده=كان ماتقدر على جمله مفيده وللتراب الادامي هذا مرده=سنه(ن) ربي شرعها في عبيده 31 إن عشت يوم(ن) واحد(ن) وانت في عز=اخير من طول الدهر بالتلزي
وليا لفاك الضيف في منزلك فز=واحذر من الهرج الردي والتهزي ترا الشجاع من المعادين ما اهتز=لو كان من بعض العداء مستفزي 32 إن شفت من يسخر من الناس قل طز=كم من بعيد(ن) عن قريب(ن) يعزي
و احذر من الاحمق يولع تقل قز=من الحماقه وسط ناره يكزي واللي يهايط فالمجالس ويرتز=تلقاه لا جته اللزوم امتوزي |
رد: فيض الخاطر (مسند مازن الزحزوح)
صح لسانك يا ابو نافع ورائع هو فيض خاطرك فلا تحرمنا منه ....
تقبل مروري |
رد: فيض الخاطر (مسند مازن الزحزوح)
صح لسانك يابو نافع ودائماً قصائدك جميله وفيض خاطرك اجمل وننتظر الجديد
|
رد: فيض الخاطر (مسند مازن الزحزوح)
بعض الشباب تصير مثـل الذيابـه وبعض الشباب يفشلك عند الأجنا ب
صح لسانك يابو نافع على هالمقتطفات الجميله من نبض قلمك |
رد: فيض الخاطر (مسند مازن الزحزوح)
اقتباس:
|
رد: فيض الخاطر (مسند مازن الزحزوح)
اقتباس:
|
رد: فيض الخاطر (مسند مازن الزحزوح)
اقتباس:
|
رد: فيض الخاطر (مسند مازن الزحزوح)
عليك بالطيـب و خلـه رفيقـكوبعد عن الرديان وقطع القاهـا ما فالردي مصلوح لو هو شقيقكالي يجها رايهـا مـن نساهـا صح الله الساااااااااااااااانكــ لاهنت |
رد: فيض الخاطر (مسند مازن الزحزوح)
اقتباس:
|
رد: فيض الخاطر (مسند مازن الزحزوح)
صح لسانك اخوي مسند ولاهنت على الابيات
|
رد: فيض الخاطر (مسند مازن الزحزوح)
اقتباس:
|
رد: فيض الخاطر (مسند مازن الزحزوح)
صح لسآ ـــــــانك عميد شعراءنا .. ولاهنت
فيض خاطر جميل .. ومتابعين لما ستطرح الله يعطيك العافية .. |
رد: فيض الخاطر (مسند مازن الزحزوح)
عليك بالطيـب و خلـه رفيقـكوبعد عن الرديان وقطع القاهـا ما فالردي مصلوح لو هو شقيقكالي يجها رايهـا مـن نساهـا صح لساانك يا رااعي الجزلات رواايع من رواائعك الداائمه ودي لك مع الاحترااام عيد محماااس |
رد: فيض الخاطر (مسند مازن الزحزوح)
اقتباس:
|
رد: فيض الخاطر (مسند مازن الزحزوح)
اقتباس:
|
رد: فيض الخاطر (مسند مازن الزحزوح)
صح لسانك وبيض اللة وجهك
|
جديد فيض الخاطر ( مسند مازن الزحزوح )
طلقت(ن) عيت تصيب الهدف راحت ضياع=والهدف متبين(ن) له وعيا لايصيب والتجاره مستحيل(ن) تجيك من المعاش=كل ماقرب معاشك اليا عندك طليب |
رد: فيض الخاطر (مسند مازن الزحزوح)
صح بدنك ووجهك ابيض اخوي حززن ،،
|
رد: جديد فيض الخاطر ( مسند مازن الزحزوح )
صح لسانك يابو نافع واعتلى شانك
|
رد: فيض الخاطر (مسند مازن الزحزوح)
صح لسانك يا أبو نافع على هذه الدرر وصدقت والله في ان التجاره ما تجي من المعاش ...والمعاش مكون من شطرين (ما) و(عاش) أي لا يعيش !!
تم دمج الموضوعين مع بعضهما وطرح الأبيات الأخيرة في اول الموضوع وسوف أقوم بترتيب الموضوع هكذا انت فقط مطلوب منك أن تضيف كل ما في خاطرك كمشاركة جديدة على هذا الموضوع وأنا او احد المشرفين سوف نقوم بنقل مشاركاتك المضافة في اول الموضوع مع ترك الأبيات الأخيرة مكانها كي ترفع الموضوع. مع الشكر |
رد: فيض الخاطر (مسند مازن الزحزوح)
صح لسانك يابو نافع مبدع الله لايحرمنا من أبداعاتك
|
رد: فيض الخاطر (مسند مازن الزحزوح)
صح لسانك يابو نافع
|
رد: جديد فيض الخاطر ( مسند مازن الزحزوح )
اقتباس:
|
رد: فيض الخاطر (مسند مازن الزحزوح)
اقتباس:
|
رد: فيض الخاطر (مسند مازن الزحزوح)
أن خاطبك جاهل من النا س كبه =كبه ترا الجها ل يكثر غثاها وحذر من الطيب تجيه المسبه =او كلمتن يبطي وهو ما نساها |
رد: فيض الخاطر (مسند مازن الزحزوح)
الله الله ..
صـــــــــح لـــــــــسا ــــــــــنك ولا هنت |
رد: فيض الخاطر (مسند مازن الزحزوح)
اقتباس:
|
رد: فيض الخاطر (مسند مازن الزحزوح)
طلقت ن عيت تصيب الهدف راحت بلاش = والهدف متبين ن له وعيا لايصيب
والتجاره مستحيل ن تجيك من المعاش = كل ماقرب معاشك اليا عندك طليب صح لسانك يابو نافع على هالبيات الجزله |
رد: فيض الخاطر (مسند مازن الزحزوح)
اقتباس:
|
رد: فيض الخاطر (مسند مازن الزحزوح)
صح لسانك يالعميد وهذه روائع من ذهب وياليت ابو نافع يحاول يكمل هالروايع ولو بخمسة ابيات او اكثر لانها مطلع قصيده جزله وحمكمه
وتقبل تحياتي |
رد: فيض الخاطر (مسند مازن الزحزوح)
صح لسانك
موفق |
رد: فيض الخاطر (مسند مازن الزحزوح)
اقتباس:
|
رد: فيض الخاطر (مسند مازن الزحزوح)
اقتباس:
|
رد: فيض الخاطر (مسند مازن الزحزوح)
صح لسان أخي مسند لاتحرمنا من جديدك
|
رد: فيض الخاطر (مسند مازن الزحزوح)
صح لسانك يابونافع على مقتطفات من قصائدك الرائعه لاهنت
|
رد: فيض الخاطر (مسند مازن الزحزوح)
اقتباس:
|
رد: فيض الخاطر (مسند مازن الزحزوح)
اقتباس:
|
رد: فيض الخاطر (مسند مازن الزحزوح)
مساكم الله بالخير
جديد فيض الخاطر من يشيل الزوم ما عنده رجوله=من خباله شايفِ نفسه زناتي بين في مشيته يسحب هموله=ثم رز نفيسته يبغاك تاتي غرته دنياه من نفسٍ جهوله=ناسيٍ ماضيه من روس الرعاتي |
رد: فيض الخاطر (مسند مازن الزحزوح)
صح لسانك يا أبو نافع ...وسلمت لنا وسلم رأسك يا حكيم شعراء منتديات الموازين وأبيات تفيض كلها حكمه
والغرور مالله حبه واللي ما يرى الناس فالناس لا يرونه شيئاً ومن تواضع لله رفعه. |
رد: فيض الخاطر (مسند مازن الزحزوح)
صح لسااااااااااااااااااااانك شاعرنا القدير
تقبل مروري |
| الساعة الآن 11:21 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
