السلام عليكم ورحمة الله وبركاته

أعتذر عن إنقطاعي للفترة الماضيه وحق وواجب تواصلي معكم يابني عمي

وهذه قصيدة كتبتها من فتره وأعتبرها مصافحة بعد الغياب لعلها تنال على الرضا

إليكم :

ياعرب في آخر زمن لاتلومون الشجاع=لو لبس تاجه وحارب طريق المسخره
الضعيف إليا ضرب به شعاع الشمس ماع=لو يشوف العزّ قدمه ربض تحت إشجره
مانلوم اللي رضى الذل وأرضاه الضياع=ومانلوم اللي بكذبه تغشّاه إغبره
والله إن السمعه أشرف عليّ من الوساع=ماندفن تحت إسم الأوهام والحب أجبره
شفت لي واحد تلخبط يبي يشري وباع=يشتري من غدر الآيّام والعز إخسره
كل ماصادف طريقه حمام الورق جاع=وكل ماهبهب له الريح ينقز فنحره
والله إن أصحابنا اللي يجيبون الصداع=يوم آشوف (الشهريار) إندفن في مقبره
مقبرة تدفن محبينها قبل الوداع=والبلا إنّ (الشهرزاد )أكثر أهل الثرثرة
العجب ثم العجب والعجب تسعين باع=كل رجل يغازل البنت جاته تشكره
وكل عذرا حسنها ترسله لرضاه ضاع=هي تبي منه إنخضاعه وهي ماتقدره
والعجيب إن قال أحبّك ليا حدّ النخاع=قالت أكثر منك أحبك وهي عقل بقره
كيف ترضى بنت الأحرار مع كثر النزاع=عولمة من ينتشر فيه ذلّه وانشره
لو تعرْف إن الحيا كنز والدنيا متاع=مارضت بملاعب الوقت والغدر أخطره
طافي النور إضحكت له بعينيها وطاع=شوف كيف الحال والحال ربّك يستره
مثل ذاك اللي مكبر جنوبه بالرقاع=ماقدر يشتال حمله يمينه وأيسره
صيدة الجاموس سهله على أنياب السباع=ومن خضع راسه مع الناس مافيه إثمره
مشكله يوم المره بالجهل ترضى الجماع=ومشكله يوم الرياجيل تجمعهم مره
ومشكله لو يضرب السيف في وقت الصراع=راس من ظنّت به الناس خير وتذكره
ماهقيت إن أسود الغدر بين الناس شاع=وماهقيت إن الحيا مات في الناس أكثره
عن دلعهم ودي ألبس على راسي قناع=مالتفت في وجه واحد كثير البربرة
وين صمت الحر الأشقر وممدود الذراع=لو نصوه أهل الحكي ما يجيبون خبره
مانشك إن الصديعات يرضنّ الخداع=ومانشكّ إن العليمي يقصنّ ظهره
السفينه لو بحرها كشف عنها الشراع=ماتوا أصحاب السفينه وهذا مانكره
راهنتني سود الأيام في فض النزاع=وأشبعتني من خبرها خبر مانحصره
ناقصين العقل ثلث ويحبّ الإطّلاع=ولو سقوني سمّ ماحرّكوا في شعره
لاجل أنا اللي جاهزٍ للهجوم وللدفاع=آخذ آقل الغلا (صدق ) وآكبّ أكثره
جبتها باسمى المعاني وقدر المستطاع=فالصميم من أوّل القاف لاحدّ آخره

المشاركة الأصلية كتبت بواسطة برق (المشاركة 335599) صح لسانك وبييض اللة وجهك على القصيدةالجزلة

بدنك يابرق

شرفتي تواجدك الطيب

المشاركة الأصلية كتبت بواسطة ملكة القوافي (المشاركة 335604) الله يسلمك وصح لسانك أخوي منصور الدرين قصيدة جزلة من شاعر جزل

ملكة القوافي

صح بدنك أختي

وشاكر لك ثنائك على القصيدة

كل الإحترام

المشاركة الأصلية كتبت بواسطة ساكب الحرف (المشاركة 335646) صح لسانك اخوي قصيده جزله

المشاركة الأصلية كتبت بواسطة أمير بكلمتي (المشاركة 335661) صح لسانك وبييض الله وجهك

المشاركة الأصلية كتبت بواسطة العبدليه (المشاركة 335922) صح لساانك خيو بودرين

\

شهادة من أبن مصاول

أعتبرها وسام على صدري وأعتبرها بمثابة جرعة مشجعة لتقديم الأفضل والأجمل دائماً

صح بدنك وثقتك أتمنى أكون في محلها

كل الإحترام

\

صح بدنك يالشاعر ياولد الشاعر

ثنائك أعتبره وسام على صدري

والله يجعلنا عند حسن الظن

كل الإحترام

صح بدنك ملاييييين

زادني شرف تواجدك

كل الإحترام

صح بدنك يابن مشدد

الإشاده منك مكسب حقيقي

كل الإحترام

صح بدنتس ياسعوديه

نورتي

صح بدنتس يابنت الملوك

كل الإحترام

شموخ العبيات

صح بدنك وتواجدك مشرف

كل الإحترام

الضاوي

صح بدنك وأسعدني ثنائك وإعجابك بما طرحت

كل الإحترام

صح بدنك
وتواجدك أسعدني

إحترامي

صح بدنتس ياصمت

الجمال تواجدك العذب في متصفحي

كل الإحترام

الأستاذه الشاعره والكاتبة الراقيه : شلاحية مطنوخة


إضافتك وتعليقك على القصيدة هي نظرة تختص بمن هم أهلاً للكتابة والنقد

وتواجدكِ يضفي على الموضوع بعذوبة وجمال آخر لايكفيه الشكر وحده


قصيدة شهرزادي أوافقك بأنها حتى الآن لم تجد المساحة الكافية في الشبكة العنكبوتيه للنشر

وأتمنى فعلاً أن صداها ينتشر قبل إنتشارها

لكِ الإحترام .