لبيه ياصوت(ن) ورأ حدب الاضلاع=تسمع صداه اهل القلوب الفطينه
عقدين من بعده معاليقي اجياع=تشتاق لمصافح يميني يمينه
اغيب مع ذكراه وافيق ونصاع=وسج واسرح بين رمشه وعينه
شوقي سحاب وذكريات الغضي قاع=اسقيتها دمع العيون الثمينه
في شاطي الذكرى بلا ناس واشراع=مرسى الالم والذكريات الدفينه
احيان احس اني محطه للاوجاع=واحيان صدري لسعاده مدينه
واحيان احس اني مكبل وملتاع=ويجلدني افراق الضنين لضنينه
وحيان مع قلبي نزاعات واصراع=حتى يجددلي غلاه وحنينه
انزف الم والناس تعتبره أبداع=وأثير بالشعر القلوب الحزينه
تناقض الاوجاع تطرب له اسماع=وناس ما تدري عن الجرح وينه
ليلي عنى وضربه انصاف وارباع=يمضي وانا ما شفت منه السكينه
اسمع خبر جرحي مع الناس ينذاع=ياهل ترى بتئيده او تدينه

المشاركة الأصلية كتبت بواسطة مجري خضر (المشاركة 350914) انزف الم والناس تعتبره أبداع=وأثير بالشعر القلوب الحزينه تناقض الاوجاع تطرب له اسماع=والناس ما تدري عن الجرح وينه اسمـع خبر جرحي مع الناس ينذاع=ياهل ترى بتئيده او تدينه

المشاركة الأصلية كتبت بواسطة ابن الشاعر (المشاركة 351185) الله الله صح لسانك ياخوي مجري وصحيّت كلك ابداااع بلاحدود كل بيت عن قصيده اشبعتني شعر والله ولاهنت ...

المشاركة الأصلية كتبت بواسطة اوتار الحنين (المشاركة 351189) صح لسانك اخوي لاهنت والله يعطيك العافيه

المشاركة الأصلية كتبت بواسطة صالح بن شداد (المشاركة 352395) صح لسانك يا أبو ريان على هذه الجزلة ونت شاعر ليس يصعب عليك فن من فنوون الشّعر

المشاركة الأصلية كتبت بواسطة ساكب الحرف (المشاركة 352479) احيان احس اني محطـه للاوجـاع واحيان صـدري لسعـاده مدينـه اخوي مجري خضر مبدع حتي في توليف الاضداد وصياغتها بأسلوب يصعب على المتلقي التقاط شيئ من شخصية مجري خضر ولكن الذي اجمعنا عليه جزالتك فقط دمت بخير

احيان احس اني محطه للاوجاع
واحيان صدري لسعاده مدينه
واحيان احس اني مكبل وملتاع
ويجلدني افراق الضنين لضنينه
وحيان مع قلبي نزاعات واصراع
حتى يجددلي غلاه وحنينه
انزف الم والناس تعتبره أبداع
وأثير بالشعر القلوب الحزينه
تناقض الاوجاع تطرب له اسماع
وناس ما تدري عن الجرح وينه
ليلي عنى وضربه انصاف وارباع
يمضي وانا ما شفت منه السكينه
اسمع خبر جرحي مع الناس ينذاع
ياهل ترى بتئيده او تدينه






الله الله .. صح لســـــــــــآنك .. مافيك حيلة ..




ألف شكر .. وبانتظار جديدك ..