هيّض وراجع حسابي ضرب هوجاسـي=اللـي منحنـي شهـادة فخـر ورتبّـي
قال إلزم الصمت لـو النـاس تحتاسـي=تراك كاسـب لنوماسـك علـى غبّـي
لاترخص النفس لاجل الغافـل الناسـي=ولاتتبع اللـي يصـبّ المهزلـه صبّـي
ياللي تحسـب الذهب يرجع للالماسي=إنزل تحت ماتبعتـك لـو تعايـب بـي
ماهي شجاعـه رجـل للمجـد جلاسـي=اللي على الكلمه الشينـه يجـرب بـي
قد قالها الشافعـي فالنـاس الأنجاسـي=قال أرفع الراس عنهم وأتـرك السبّـي
أنا أحمد الله وسيع العـرف وسياسـي=من فضل ربّي ولـي وقفـات ماتسبّـي
ومن قوّة الشعر كنّي شخـص عبّاسـي=يحق لـي وأفتخـر لـو كنـت متنبّـي
آموت من شان عزّي مانحنـى راسـي=لأنّـي ولـد شيـخ متعلّـم ومتـربّـي
ماني نتيجة ( سفاهه ) في زمن قاسـي=ولاني ضحيّـة هـوى نـاسٍ تلاعبّـي
ماعمر ناس أجبرتني وأترك إحساسـي=وماعمري أجبرت من صدّوا على حبّـي
آضحك مع الناس لحظه وأكتم أنفاسـي=والنار بالشوق وسـط القلـب تشتبّـي
كنّي ومع بحر حزنـي جيـت غطّاسـي=أسبح بحور الفخر ولعينـه أقـرب بـي
محـاور الليـل والآحـلام حسّـاسـي=مصاحب الطيـب لجـل الخالـق ملبّـي
سفينـة الشـوق ودّتنـي لوسواسـي=تغرق بعد ماتهـوّر بـي وتقلـب بـي
لعيون عذراً هدبهـا موطـن إحساسـي=اللـي تفاخـر بنظراتـي وتتعـب بـي
يبقى شموخي لهـا أمّ عيـون نعّاسـي=تغرف بطعم السعد منّـي وتشـرب بـي
ألبس لباس الشـرف وآفصّـل قياسـي=وأصل الشرف كنز وأطربّـه ويطربّـي
ولو رغبتي ماتناسب ( محترم ساسي )=ماهو على الكيف لكن شيء مـن ربّـي
أنـا بـدويٍّ ليـا ماجـازت النـاسـي=شبيـت نـارٍ لهايبهـا تشاعـب بـي
أسلّي النفـس مـع نـاري ومحماسـي=وأطرب لشوف النشامى اللي تصاحب بي
يشوش راسي لهـم ويطيّـر عماسـي=وليـا بـدى لازمـي مانـي بمتغـبّـي
ياهل القلـوب النظيفـه ذاك نوماسـي=ورمز التواضع صفاتي والفخـر طبّـي
أرهقت نفسي طموح ولانقطـع ياسـي=وكم من همومٍ مع الدنيـا تكالـب بـي
أخـذت هيبـة وفـاء وبرقـمٍ قياسـي=ومتابع إحسـاس قلبـي ماتسبّـب بـي
ياللي كفاك الزمن مـن عثربـة كاسـي=تـوّك صغيـر بزمانـك لاتطالـب بـي
والله مارخص لمقـداري ولـو فاسـي=يقطـع عـروق الجفـا ويعافهـم نبّـي
أخذت صيد الحروف وجيـت عسّاسـي=من ورث أبوي وعناوينه تناسـب بـي
ولولا الخطأ والتجارب ينكسـر باسـي=لكن آداريه حتـى الصـح يرحـب بـي
آدوس تحـت قدمـي ذلّـي ولانداسـي=وعدي وعهدي وعز الراس يلعب بـي
(آعيش دايم بطل لـو ينقطـع راسـي)=هذي( خلاصة شجاع ) وناصـره ربّـي

المشاركة الأصلية كتبت بواسطة كل المواعيد وهم (المشاركة 357770) قصيدة أكثر من رائعه صح لسانك

المشاركة الأصلية كتبت بواسطة مجري خضر (المشاركة 357804) تقبل مروري ولك تحيتي

المشاركة الأصلية كتبت بواسطة ابن الشاعر (المشاركة 357908) صح لسانك واعتلى شانك ياخوي منصور على هالمعلقه .. جيت ادور بيت اقتبسه فتهت فــ الابداع المنثور بهذه القصيده قوة ابيات .. معنى ... جزاله ..سبك من ذهب ...حبكة شاعروالله بكل معنى الكلمه انا اعتبرها من القصائد النادره ... بيض الله وجهك ارويتني شعر وتشتاهل مني ***** ولاهنت يامبدع ....

المشاركة الأصلية كتبت بواسطة ابـــ فواز ـــو (المشاركة 357956) صح لسان ولاهنت على الطرح المميز

المشاركة الأصلية كتبت بواسطة شلاحية مطنوخة (المشاركة 357972) كفو يابن العم ... صح لسانك وعسى عمرك طويل على هالجزلة ..

المشاركة الأصلية كتبت بواسطة ماجد محمد القحم (المشاركة 358370) صح لسآآآآآآنك يامنصور على هذه الشامخه ...نص راقي ... كروقي سمووك ..تقبل مروري يالغالي

المشاركة الأصلية كتبت بواسطة ساكب الحرف (المشاركة 359200) أنـا بـدويٍّ ليـا ماجـازت النـاسـي شبيـت نـارٍ لهايبهـا تشاعـب بـي أسلّي النفـس مـع نـاري ومحماسـي وأطرب لشوف النشامى اللي تصاحب بي صح لسانك قصيده جزله ولاهو بمستغرب عليك اخوي قصيده نبعت من القلب ولاتستقر الا بالقلوب دمت بخير اخوي منصور

المشاركة الأصلية كتبت بواسطة الحميدي بن فارس الميزاني (المشاركة 360966) صح لسانك اخوي منصور والله لايهينك

المشاركة الأصلية كتبت بواسطة عز الخوي (المشاركة 360972) صح لسانك واعتلى شانك الاخ منصور الدرين على القصيده الرائعه لاهنت

المشاركة الأصلية كتبت بواسطة الفارس (المشاركة 363181) صح لساانك واعتلى شاانك قصيدة جزلة من شاعر جازل تحياتي

المشاركة الأصلية كتبت بواسطة أبن مصاول (المشاركة 365067) لا أزيد على كلام أبو نواف وتستاهل القصيدة كل النجوم ....وهذه من القصائد المعدودات في منتديات الموازين التي تتحدث عن الفخر وخاصة الفخر بالنفس...ومن حق كل شاعر أن يفخر بنفسه .. والى الأمام يا منصور وفالك الإبداع وجزال الشعر

المشاركة الأصلية كتبت بواسطة ابن مشدد (المشاركة 367485) صح لسانك شاعرنا منصور وعتلا شانك على هذه القصيده الرائعه تقبل اعجابي

المشاركة الأصلية كتبت بواسطة مــزعــــــل الــشـــمري (المشاركة 369970) صحٍ اللِه لسانكـٍ سِلٌمت أنامِلكُ على هذا الكلمات الرِاقٍيه ,, عَسَـاَك عَالـقٌوةَ وَ مَاَ ننـحِرم مِن تَواَصِلكـ مَعنَـاَ ,, : ,, وَنحن فِيْ إنتِظاَرْ مَاَ يَفِيضٌ بِه قَلَمٌكْ مِنْ جَدِيدْ وَ مٌِميزِ وٍِصحٌ لسانكـ، تقبل مروري المتواضع كل الاحترام والود^_^ أبيات تستحق التميز لاعدمتكـ، يالغلا في قمهـ، الِرو’عٌه ولآهنتـ تحياتي لكـ، مـــ‘زعــٌل الِشِمٌري‘

المشاركة الأصلية كتبت بواسطة صالح بن عمار (المشاركة 370517) نص يخفي خلفه شاعر عملااااق منصور صح لسااااااااانك ملاييييييين ياصاحبي ولاهنت متميز ومبدع وجزل فــ/لله درّك إحترامي

المشاركة الأصلية كتبت بواسطة بدر الجبيري (المشاركة 374205) صح لسانك يالشاعر